Nshɛ 19:14 - EBƆRƐ BE KAWƆL

¹⁴ Enyɛnpe Ebɔrɛ nɛ fo la ma kefaltagboŋ nɛ ma emɔlgapo. Shin nɛ ma kɔnɔ to be mmalga nɛ ma kagbene to be nfɛra, e baa bɔlɔ fo kenishi.

Nshɛ 19:14 ပူးပေါင်းရင်းမြစ်များ

Job be kawɔl 19:25

N nyi ma emɔlgapo Ebɔrɛ na ka wɔ ebɔrɛso, nɛ asheŋ ere kikɛ be lalaloge e beeŋ gbelge m ba durnya to m ba mɔlga ma.

Nshɛ 104:34

Mee tama fanɛ ma nfɛra fɛso beeŋ baa par fo, ŋkpal manɛ so, ma kagbene fuli fo so.

Nshɛ 119:108

O Enyɛnpe Ebɔrɛ, sɔ ma kapandi be sarga nseŋ ŋini ma fo mbraana na.

Nshɛ 51:15

Enyɛnpe Ebɔrɛ, bugi ma kɔnɔ nɛ n fur fo.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aizaaya 43:14

Kusɔ nɛ Enyɛnpe, Israɛl be Ebɔrɛ cheembi nɛ e mɔlga bumo na kaŋɛ nde: “Meeŋ shuŋi benapo ko nɛ b ba kɔ Babilɔn be efuli so be basa kena nseŋ mɔlga menyi. Ma alɛ beeŋ buri kadegboŋ na be mbunagboŋ to, nseŋ shin nɛ benapo na e ta Babilɔn be basa n wɔtɔ bumo gbagba be ekuloŋgboŋ to n sulɔ bumo a yɔ nɛ b baa boŋ to a shu.

Aizaaya 44:6

Enyɛnpe Ebɔrɛ nɛ e bee ji kuwura Israɛl so nsaa kuŋ kumo na e kaŋɛ le: “Ma e la sososo nɛ lalaloge; n nawule e la Ebɔrɛ. Ma kaman, Ebɔrɛ kikɛ maŋ wɔtɔ.

Aizaaya 47:4

“Ma e la Enyɛnpetale, Israɛl be Ebɔrɛ cheembi na; Ma e la bumo be Emɔlgapo.”

Aizaaya 54:5

Ŋkpal manɛ so menyi be etopo na beeŋ baa la fanɛ ekul n sa menyi. Mo e la Enyɛnpetale, Israɛl be Ebɔrɛ cheembi na. E beeŋ mɔlga menyi. Mo e naa ji kuwura durnya kikɛ so na.

Romebi 15:16

Mee shuŋ nna fanɛ bɔrɛmatapo a wɔtɔ a bɔ baru lela nɛ a shi Ebɔrɛ kutɔ na nna a sa nnyamase, saŋɛ na so, baaŋ baa du fanɛ kakɛ nɛ k bee par mo ere Ebɔrɛ nɛ Kiyoyu Cheeŋ na lara m bɔɔ mo enɔ na.

1 Tɛsalɔnikaebi 1:10

nɛ e shin nɛ e tiŋi luwu to na fanɛ e shi ebɔrɛso m ba. Mo koŋwule Yesu na e naa mɔlga anyi ashi Ebɔrɛ be agbo nɛ k bee ba na to.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 11:4

Yirda so nɛ Ebel daŋ lara sarga lela n sa Ebɔrɛ a chɔ Keen peya. Kumo alɛ so nɛ Ebɔrɛ daŋ kpaŋ mo fanɛ elelapo ashi mo ere Ebɔrɛ be anishito, ŋkpal manɛ so, Ebɔrɛ gbagba daŋ sɔ mbe ŋkɛana na. Yirda malɛ so nɛ Ebel wu nseŋ kraa malga na.

Hibruwebi 13:15

Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.