Nshɛ 19:10 - EBƆRƐ BE KAWƆL

¹⁰ A walɛ a chɔ shuwa lela kikɛ, hale shuwa nɛ k maŋ kɔ eyurpi gba. Enyɛnpe be mbra wɔ ebel a chɔ mushoŋchu, hale mushoŋchu nɛ a maŋ kɔ eyurpi gba.

Nshɛ 19:10 ပူးပေါင်းရင်းမြစ်များ

Job be kawɔl 23:12

Kusɔ kama nɛ Ebɔrɛ yili, mee wora kumo nna. Mbe aparsheŋ nɛ mee bɛ so, mannɛ meya.

Nshɛ 119:103

Fo mbraana bee wora ma ebel a chɔ mushoŋchu gba.

Nshɛ 119:127

Mee sha fo mbraana a chɔ shuwa, mee sha amo a chɔ shuwa gbagba gba.

Nshɛ 119:72

Mbra nɛ fo ta n sa ma na kɔ kechɛto n sa ma a chɔ durnya to be amansherbi kikɛ.

Nshɛ 63:5

Meeŋ boŋ kapandi be nshɛ kagbenefuliso; nɛ ma eyur e saŋɛ ma to n shin nɛ m moɛ, fanɛ b ka wora kejigboŋ nɛ n ji na.

Aŋasa 16:16

Kanyiasheŋ nɛ kenyi bɔ shuwa nɛ gbiti.

Aŋasa 24:13

M pibi, baa ji mushoŋ ŋkpal manɛ so mushoŋ walɛ. Kananɛ mushoŋ wɔ ebel kudonduloŋ so na,

Aŋasa 8:19

Kusɔ nɛ feeŋ nya ma kutɔ bɔ shuwa nɛ gbiti lela.

Kelaraŋŋini 10:10

Ndoŋ nna nɛ n deŋi kawɔl sibɛsobi na ashi malaika na be enɔ to n ta n we. K daŋ baŋ wora ma kɔnɔ to ebel nna fanɛ mushoŋ, ama ŋ ka ta kumo m min nɛ ma epun to wora ma kerkra.