Nshɛ 18:9 - EBƆRƐ BE KAWƆL

⁹ Nɛ esoso bugi nɛ e lar m ba nɛ awɔlpa jimajima wɔ mbe aya ase.

Nshɛ 18:9 ပူးပေါင်းရင်းမြစ်များ

2 Samuɛl 22:10

E lar awɔlpa to ŋ gbelge to a ba nɛ kuwɔlpa lembir ko wɔ mbe aya ase.

Nshɛ 50:3

Anyi be Ebɔrɛ na bee ba, nɛ an nu mbe egbri, nɛ edɛ be adondulombi juŋkpar mo, nɛ afugboŋ lempo kulti mo n wɔtɔ.

Nshɛ 68:4

Men boŋ nshɛ n sa Ebɔrɛ, men boŋ nshɛ n fur mbe ketre. Mo e dii n chena awɔlpa so, amoso men maŋkura mo. Mbe ketre e la Enyɛnpe na, nɛ anyee tiŋ n ji eyur nseŋ maŋkura mo.

Nshɛ 97:3

Edɛ e naa juŋkpar mo a chɔɔ mo doŋana kaba kama so a mur.

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Aizaaya 51:6

Men to anishi ŋ keni awɔlpa nɛ kasawule kikɛ so! Awɔlpa beeŋ choŋ fanɛ edishi, nɛ kasawule e baŋɛ to fanɛ kusɔbuuso dra ka kpɛa to na. Basa kikɛ beeŋ wu n dese kasawule fanɛ ashushombi firgiso na. Ama ma kumɔlga beeŋ baa wɔtɔ mbaanaayɔ. Ma kekɔmpɔɔso maaŋ fo ekar kikɛ.

Aizaaya 66:15

Keni, Enyɛnpe Ebɔrɛ na kɔ edɛ nna a ba. E beeŋ ta mbe gbaŋɛturko nɛ k bee kpa edɛ na m bɔla kawuliwuli so m ba. E nya agbo nna ga a ba nɛ e ba ta edɛ ŋ gberge mo doŋana kusoe.

Jowɛl 3:16

Ebɔrɛ shi Zayɔn be kebeegboŋ na so m ponte to fanɛ buluŋ na nɛ mbe ebɔl shi Jerusalɛm to ŋ gbri m ba fanɛ bɔrɛ ka ponte na nɛ kasawule nɛ awɔlpa kikɛ gbuŋgbuŋ to. Ebɔrɛ beeŋ baa du fanɛ kebeegboŋ a kuŋ mbe basa Israɛlebi na bre.”

Matiu 24:29

Etɔrɔ ere be jemanɛ baŋ ba choŋ, k maaŋ chɛr ko nɛ epeŋi e biri to nɛ kufɔl e fuli to ŋ gben. Achɛkpabi beeŋ shi awɔlpa so n tɔr nɛ ebɔrɛso be eleŋana kikɛ e wea abar to.

Maak 15:33

Ta a ba kapaso, nɛ tentembiri ba buu efuli na kikɛ so m biri to loŋ hale n ya fo kaaseso kerfi asa.

Baru lela nɛ Jɔn kute na 13:7

Nɛ Yesu kaŋɛ mo le: “Naniere bre fo maŋ nyi kusɔ nɛ mee wora ere, ama k maaŋ chɛr nɛ fo pin to.”

Ditɛronɔmi 33:26

Israɛl be basa, Ebɔrɛ kikɛ maŋ naa wɔtɔ fanɛ menyi be Ebɔrɛ na. Mo e naa lara mbe kemaŋkura a ŋini kuwɔlpa so, nsaa bɔla bɔrɛwɔlpa to a ba menyi be kechɛto to na.

Hibruwebi 12:26

Amo be jemanɛ na mbe ebɔl daŋ gbuŋgbuŋ kasawule nna, ama naniere bre e nase kɔnɔ nna ŋ kaŋɛ le: “Kela koŋwule nɛ meeŋ naŋ gbuŋgbuŋ kasawule, ama mannɛ fanɛ kasawule nawule, meeŋ gbuŋgbuŋ ebɔrɛso gba n ti so.”

2 Pita 3:10

Ama Enyɛnpe be kachɛ na beeŋ purgi basa nna fanɛ eyu na. Kumo be kachɛ na, esosoana beeŋ ta awɔr chilili n foe basa be anishito. Esoso be asɔana beeŋ chɔɔ edɛ m mur. Nɛ kasawule nɛ asɔ nɛ a wɔ kumo so ere kikɛ e dii efuli.

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.