Nshɛ 18:8 - EBƆRƐ BE KAWƆL

⁸ Edishi shi mbe kamuna to nna a lar; nɛ edɛ nɛ a bee chɔɔ a mɔ malɛ shi mbe kɔnɔ to a lar, fanɛ ajanwulɛ nɛ a bee suse na.

Nshɛ 18:8 ပူးပေါင်းရင်းမြစ်များ

Jɛnesis 19:28

n ya yili ndoŋ ŋ keni Sodɔm nɛ Gomɔra nɛ ketaŋɛ na to kikɛ be kaba so n wu edishi ka bee kaa kululu kasawule na so fanɛ kananɛ kupuŋ bee chɔɔ nɛ edishi bee lar na.

Job be kawɔl 41:19

Edɛ wuloŋ wuloŋ e naa lar kumo be kɔnɔ to, a shin nɛ edɛ be adondulombi bee parga to a sɔ kaplɛkama.

Nshɛ 104:32

Fo baŋ to kenishi ŋ keni kasawule, k bee gbuŋgbuŋ nna. Fo alɛ baŋ beta abee, e bee kaa edishi nna.

Nshɛ 11:6

E beeŋ ta ajanwulɛ tushiso nɛ edɛ wuloŋwuloŋ n lɛ basa lubi so nseŋ ta kawuliwuli tushiso ŋ gberge bumo kusoe.

Nshɛ 21:9

Fo kaŋ ba, feeŋ ta edɛ fuful n chɔɔ bumo m mur, nɛ fo agbo e shin nɛ b ki fanɛ edɛ be kepa.

Nshɛ 50:3

Anyi be Ebɔrɛ na bee ba, nɛ an nu mbe egbri, nɛ edɛ be adondulombi juŋkpar mo, nɛ afugboŋ lempo kulti mo n wɔtɔ.

Nshɛ 74:1

O Ebɔrɛ, manɛ nna nɛ fo kplaŋ anyi so loŋ? Feeŋ baŋ nya agbo n wɔtɔ fo basa mbaanaayɔ a?

Aizaaya 24:18

Ekama nɛ e wora ania n shile kufugboŋ na beeŋ ya tɔr kemaŋ chiŋgeliŋ to, nɛ emo nɛ e gelge kemaŋ chiŋgeliŋ malɛ e ya tɔr kejigbelɛ to. Bɔrɛchu damta beeŋ shi awɔlpa so m ba kasawule so nɛ durnya be gbaltɔlase e gbuŋgbuŋ to.

Danɛl 7:10

Nɛ edɛ be adondulombi shi mo kutɔ a teŋi fanɛ lɔr na. Basa ŋgboŋto ŋgboŋto daa wɔ ndoŋ nna a shuŋ mo, nɛ ŋgboŋto malɛ be ŋgboŋto yil mbe anishito. Ndoŋ nna nɛ demu be keji fara, nɛ b bugi nwɔl to.

Levitikɔs 10:2

Epul to nɛ Enyɛnpe Ebɔrɛ na shin nɛ edɛ ba buu bumo so n chɔɔ bumo m mɔ.

Eemɔs 4:11

Kananɛ m mur ndegboŋ nɛ baa tre Sodɔm nɛ Gomɔra dra dra na, nɛ m mur menyi alɛ gba be beko. Menyi bumo nɛ men nya men be amu na du fanɛ kedibi nɛ k bee chɔɔ nɛ b lara kumo edɛ to n lɛ nna. Ama amo nɛ amo kikɛ men kraŋ kini kebɛta m ba ma kutɔ. Ma Enyɛnpe Ebɔrɛ na e malga na.

Nɔmbɛs 11:1

Israɛlebi na fara nna a fubel a bile asheŋ ŋkpal awurfoŋ nɛ b daa ji so. Enyɛnpe Ebɔrɛ ka nu bumo be nfubel na nɛ e nya agbo nseŋ shin nɛ edɛ ba bumo to m ba chɔɔ bumo be keeyi na to be ekarso.

Nɔmbɛs 16:35

Kede be kaman nɛ Enyɛnpe Ebɔrɛ na shin nɛ edɛ wuloŋ wuloŋ ko ba chɔɔ benyɛn alfa anyɔ nɛ adunu nɛ b ta eduwu n ya ka lara sarga na m mɔ.

Ditɛronɔmi 29:20

Enyɛnpe Ebɔrɛ na maaŋ ta m paŋ esa nɛ e beeŋ wora loŋ na. E beeŋ nya agbo ga n wora amodoŋwura nseŋ shin nɛ eshoduu nɛ a wɔ Ebɔrɛ na be mbra be kawɔl ere to a ba mo so nɛ e mur mo cheche. Saŋɛ na so, k beeŋ baa la kasokpele n sa Israɛl be eyiriana na kikɛ.

Kelaraŋŋini 11:5

Nɛ ekama baa sha ketɔrɔ bumo, edɛ beeŋ shi bumo be nnɔ to m ba mur bumo doŋana. Kananɛ esa kama nɛ e beeŋ baa sha ketɔrɔ bumo beeŋ wu nna na.