Nshɛ 18:6 - EBƆRƐ BE KAWƆL

⁶ Nɛ n ta kebɔltofinfin n shu n tre Enyɛnpe Ebɔrɛ. N shu n tre ma Ebɔrɛ fanɛ e chɛ ma to; nɛ ma kushu tɔr mbe asoe to nɛ e yili mbe bɔrɛlambu to n nu ma ebɔl.

Nshɛ 18:6 ပူးပေါင်းရင်းမြစ်များ

2 Samuɛl 22:7

Enyɛnpe Ebɔrɛ na nɛ n shu e tre ma etɔrɔsheŋ kikɛ to nɛ ma kushu tɔr mbe asoe to ashi mbe kuwurputi so ebɔrɛso nɛ e nu ma kushu nseŋ chɛ ma to.

2 Kronikɛls 30:27

Bɔrɛmatapoana na nɛ Livaiebi na daŋ kule Enyɛnpe Ebɔrɛ be nɛfa nna n sa basa na, nɛ Enyɛnpe Ebɔrɛ na shi esoso n nu bumo be kekule.

Nshɛ 11:4

Enyɛnpe Ebɔrɛ na wɔ mbe bɔrɛlambu cheembi na to. E tase mbe kuwurputi so ashi ebɔrɛso nna a keni basa kaplɛkama. E bee wu kusɔ nɛ ekama bee wora.

Nshɛ 120:1

M baa wɔ tɔrɔ to, Enyɛnpe Ebɔrɛ na nɛ mee kule nɛ e bee nu ma kekule.

Nshɛ 34:15

Enyɛnpe Ebɔrɛ na bee keni basa nɛ baa wora asheŋ niŋiso so nsaa nu bumo be kekule nna.

Nshɛ 5:7

Ama ŋkpal fo kuwɔrwu ka shi so, meeŋ tiŋ m ba fo bɔrɛlambu to; m ba gbir bunyanso, m maŋkura fo.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 55:5

Kufu gboŋgboŋi nɛ kechicha chicha tɔr ma so nna nɛ ma kagbene maŋ dese ma kuraa.

Ɛksodɔs 2:23

Kumo be nfɛ damta ka ba choŋ nɛ Ijipt be ewura na wu, ama amo nɛ amo kikɛ nɛ Israɛlebi na kraa wɔ kenyaya to nna a ji awurfoŋ nsaa shu a tre Ebɔrɛ fanɛ e chɛ bumo to.

Habakuk 2:20

Enyɛnpe Ebɔrɛ na bre wɔ mbe bɔrɛlambu cheembi to nna, amoso ekama e wora shruum mbe anishito ashi kasawule ere so.

Maak 14:36

E yɛ: “Etuto, n Tuto, feeŋ tiŋ n wora kusɔ kama, ta awurfoŋ ere ashi ma so. Ama mannɛ ma keparso, shin nɛ k baa la feya.”

Ashuŋ Shunso 12:5

Amoso nɛ b daŋ shin nɛ Pita daŋ kraa wɔ kabuti to na. Ama jemanɛ na so nɛ asɔriebi na malɛ wɔ kabɔrɛkule kpakpaso to a sa Pita.

Kelaraŋŋini 11:19

Ndoŋ nna nɛ Ebɔrɛ be lambu nɛ k wɔ ebɔrɛso na bugi nɛ an wu mbe kɔnɔkoŋwule be ŋkre be deka ashi mbe lambu na to. Nɛ bɔrɛ nyɛkpɛ palpal m ponte to ŋ gbri n wɔtɔ nɛ kasawule gbuŋgbuŋ to nɛ abɔrɛjembubi gbɛgbɛsoana ko ba tɔr.