Nshɛ 18:43 - EBƆRƐ BE KAWƆL

⁴³ Fo mɔlga ma ashi kumukpakpaso wuraana be enɔ to; nseŋ ta ma ŋ ki efuli pɔtɛana be ejuŋkparpo. Basa nɛ n daa maŋ tama fanɛ baaŋ shuli n sɔ ma ŋ ki bumo be ewura na.

Nshɛ 18:43 ပူးပေါင်းရင်းမြစ်များ

2 Samuɛl 19:9

Nɛ Israɛl be basa na kikɛ fara a bile asheŋ a kaŋɛ abar le: “Ewura Deevid e mɔlga anyi ashi anyi doŋana kutɔ, nseŋ naŋ mɔlga anyi ashi Filistiebi kutɔ ama e shile n lar efuli ere so ŋkpal Absalɔm so.

2 Samuɛl 3:1

Kolu nɛ k tɔr benapo nɛ b yili Sɔɔl be kanaŋ to ebi be kaman na nɛ bumo nɛ bumo alɛ yili Deevid be kaman na daŋ chɛr ga. Ama saŋkama Deevid bre be eleŋ daa ti so nna a chɔ basa nɛ baa kɔ mo na.

Nshɛ 108:9

Ama Mowab be kasawule bre la fanɛ fo kawie fɔr enɔ nna; Edɔm be kasawule malɛ la fanɛ kusɔ nɛ fee lɛ fo asɛbta a deŋi so a ŋini fanɛ k la feya nna. Fo alɛ bee yili Filistiebi to nna a ponte to a kaŋɛ fo ka kɔ m pɔɔ so.

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Aizaaya 52:15

Ma kenya na beeŋ sa efuliana na be basa ekpa nɛ b ki basa nɛ baaŋ tiŋ n shuŋ ma Enyɛnpe Ebɔrɛ na. Bewura beeŋ wu mo nɛ k wora bumo mamachi nseŋ mɔ bumo be nnɔ. Efuli pɔtɛana be basa beeŋ wu asɔ nɛ b maŋ naŋ wu ŋ ku so, nseŋ fɛ asɔ nɛ b maŋ naŋ fɛ amo be asheŋ ŋ ku so be nfɛra.”

Aizaaya 55:5

To, menyeeŋ kela a tre efuli pɔtɛana nɛ menyi maŋ nyi bumo be basa gba fanɛ b ba ti menyi so, nɛ b shile m ba buu menyi! Ma, Enyɛnpe, Israɛl be Ebɔrɛ cheembi na e naaŋ shin nɛ ade kikɛ e wora m bɔlɔ so. Meeŋ shin nɛ men nya kemaŋkura nɛ bunyaŋ ashi basa kikɛ to.”

Hoziya 1:10

Kachako so Israɛl be basa beeŋ ba kaa du fanɛ teku ase be leele nɛ esa maaŋ tiŋ ŋ karga ŋko m ber na. Naniere bre Ebɔrɛ bee kaŋɛ bumo nna fanɛ b maŋ la mbe basa, ama saŋko beeŋ ba nɛ e kaŋɛ bumo le: “Ebɔrɛ nɛ e wɔ ŋkpa to na be mbia e la menyi!”

Ashuŋ Shunso 5:31

Ebɔrɛ shin nɛ e tiŋi luwu to n yɔ mbe jisoso, ebunyampo be kakpa fanɛ Ejuŋkparpo nɛ Emɔlgapo nɛ Israɛlebi e tiŋ n nya ekpa n lar bumo be alubi to nɛ Ebɔrɛ e ta m paŋ bumo.

Romebi 15:12

Ade malɛ gba kikɛ be kaman le nɛ anebi Aizaaya yɛ: “Jɛsi be kenanabi beeŋ ba kachako m ba lar n ji nnyamase so kuwura nɛ b ta bumo be tama kikɛ n deŋi mo so.”

Romebi 15:18

Meeŋ baa kɔ kenyɛn nawule a malga asheŋ nɛ Kristo na wora ashi ma to nɛ loŋ e tiŋ n shin nɛ m bɔla mmalga nɛ ashuŋ shunso to n shin nɛ nnyamase e ba kaa nu a sa Ebɔrɛ.

Romebi 16:26

Naniere bre, ŋkpal asɔ nɛ anebiana na sibɛ n nase na so so, kashenteŋ na dii efuli nna. Ŋkpal Ebɔrɛ nɛ e wɔ ŋkpa to na saŋkikɛ be kusɔ nɛ e yili na so, kusɔ kama bugi to nna n dese a sa efuli kama so ebi, saŋɛ na so, baaŋ yirda nseŋ nu n sa Ebɔrɛ.

Ɛfesesebi 1:22

Ebɔrɛ ta kusɔ kikɛ nna n wɔtɔ mbe enɔ to nseŋ lara mo fanɛ e baa la kusɔ kikɛ be kumu a sa asɔri na.

1 Pita 2:10

Saŋko men daa maŋ la Ebɔrɛ be basa, ama naniere men la mbe basa nna. Saŋko Ebɔrɛ daa maŋ wu menyi kuwɔr, ama naniere men nya mbe kuwɔr.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”