Nshɛ 18:39 - EBƆRƐ BE KAWƆL

³⁹ Fo e sa ma eleŋ nɛ ŋ kɔ kena, nseŋ shin nɛ ŋ kɔ m pɔɔ ma doŋana so.

Nshɛ 18:39 ပူးပေါင်းရင်းမြစ်များ

1 Kronikɛls 22:18

E yɛ: “Enyɛnpe men be Ebɔrɛ na e chɛ menyi to nseŋ sa menyi kagbenewushi ekpa kama so. E chɛ ma to nɛ ŋ kɔ m pɔɔ basa nɛ b daa wɔ kasawule na so nseŋ shin nɛ baa shuŋ ma nɛ Enyɛnpe Ebɔrɛ na.

Nshɛ 18:32

Mo e naa sa ma eleŋ, nsaa shin nɛ mee wora asheŋ niŋiso.

Nshɛ 34:21

Alubiworapoana be asheŋ lubi bee kilgi nna a ji bumo. Ebɔrɛ beeŋ gberge bekama nɛ b kishi mbe basa kusoe.

Nshɛ 66:3

Men kaŋɛ Ebɔrɛ fanɛ mbe aworbi kikɛ kɔ kufu nna, nɛ mbe eleŋgboŋ na bee shin nɛ mo doŋana bee chicha a jɔŋɛ mo ase kufuso.

Aŋasa 8:36

Bekama nɛ b maŋ nya ma bre bee tɔrɔ bumo be amu nna. Ekama nɛ e kishi ma bee sha luwu nna na.”

Aizaaya 45:14

Kede be kaman nɛ Enyɛnpe Ebɔrɛ na naŋ kaŋɛ Israɛlebi na le: “Ijipt nɛ Itiopia be efuliana so be kedamaya beeŋ ki menyeya, nɛ Seba be efuli so be basa tenteŋ na e ki menyi be anya. Menyi beeŋ chɛ bumo ŋgbɛlɛbi ŋ gberge bumo m bɛ menyi be amu so. Baaŋ jɔŋɛ menyi ase nseŋ kaŋɛ le: ‘Ebɔrɛ wɔ menyi kutɔ, mo alɛ nawule e la Ebɔrɛ.’

Nfabel 5:5

Basa nɛ baa ju anyi na baa ji anyi ayabi nna, an gben ama anyi alɛ maaŋ tiŋ n yili n wushi.

Baru lela nɛ Jɔn kute na 15:23

Esa kama nɛ e kishi ma, kishi n Tuto gba nna.

Ɛfesesebi 1:22

Ebɔrɛ ta kusɔ kikɛ nna n wɔtɔ mbe enɔ to nseŋ lara mo fanɛ e baa la kusɔ kikɛ be kumu a sa asɔri na.

Filipaiebi 3:21

E kaŋ ba, e beeŋ chɛrga an be eyur pɔsoana ere n shin nɛ an ki fanɛ mo gbagba be eyur na. Eleŋ koŋwule nɛ e beeŋ ta n ji kusɔ kikɛ so kuwura na nɛ e beeŋ ta n chɛrga anyi.