Nshɛ 18:28 - EBƆRƐ BE KAWƆL

²⁸ Fo Enyɛnpe Ebɔrɛ na e naa ŋini ma kefulto be ekpa, nsaa ta tentembiri a ki kefulto a sa ma.

Nshɛ 18:28 ပူးပေါင်းရင်းမြစ်များ

2 Samuɛl 22:29

Fo, Enyɛnpe Ebɔrɛ na du fanɛ kefulto nna n sa ma. Fo e naa ta kanyɛ a kilgi kapaso.

1 Bewura 11:36

nseŋ shin nɛ kuwurji na be kaba ko e baa kraa wɔ Sɔlɔmɔn pibinyɛn na be enɔ to, saŋɛ na so ewura Deevid be kanaŋ to be esa beeŋ baa kraa ji kuwura ashi Jerusalɛm be kade nɛ n lara fanɛ b baa bunyaŋ ma na to.

1 Bewura 15:4

Ama ŋkpal ewura Deevid so, Enyɛnpe mbe Ebɔrɛ na daŋ sa ewura Abija ebinyɛn nɛ e beeŋ ba ji kuwura mbe kaman ashi Jerusalɛm to nsaa kuŋ Jerusalɛm nɛnɛ nna.

Job be kawɔl 29:3

Ebɔrɛ daa wɔ ma kutɔ nna jemanɛ kikɛ, nseŋ daa shin nɛ kakpa bee fulto a sa ma nɛ mee tiŋ a nite tentembiri to.

Nshɛ 112:4

Basa nɛ baa wu kuwɔr nsaa la basa a wora asheŋ niŋiso na du fanɛ kefulto nna ashi tentembiri to.

Nshɛ 132:17

Meeŋ shin nɛ Deevid be kuwurji e nya eleŋgboŋ. Esa kama nɛ meeŋ lara m buu mo kuwura beeŋ baa nyɛkpɛ a fuli to fanɛ fitila na.

Aŋasa 20:27

Enyɛnpe Ebɔrɛ be fitila bee wu dimɛdi be nfɛra, nɛ mbe kebaawɔtɔ to kikɛ nna.

Aizaaya 2:11

Enyɛnpe Ebɔrɛ na kaŋ ba, baaŋ bar esa kama nɛ e bee fɛ fanɛ e shi ga, ŋko ekama nɛ e bee maŋ mbe kumu so, kaseto. Enyɛnpe Ebɔrɛ na nawule e naaŋ nya kemaŋkura loŋ be kachɛ na.

Aizaaya 2:12

Enyɛnpetale Ebɔrɛ na lara kachako nna n yili nɛ e bar bekama nɛ baa maŋ bumo be amu so nsaa wu bumo be amu na kaseto.

Aizaaya 42:16

Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.

Aizaaya 62:1

Meeŋ malga n leŋ Jerusalɛmebi to. M maaŋ lo ma kɔnɔ kikɛ, ama b nya kumɔlga nna nɛ bumo be kekɔmpɔɔso e dii efuli fanɛ kabulpi nɛ k chɔɔ so kanyɛso nɛ ekama wu kumo na nna.

Matiu 4:16

basa nɛ b wɔ tentembiri to na wu kefulto gboŋ ko. Kefulto na nyaŋɛ a yuu basa nɛ b wɔ luwu be tentembiri be kasawule so na.”

Luuk 1:79

e beeŋ shin nɛ an fara a nya kumɔlga naniere nseŋ nyaŋɛ kefulto ashi ebɔrɛso n yuu bumo nɛ b wɔ tentembiri to nsaa ŋana luwu na so kikɛ n shin nɛ an bɔla kagbenewushi be ekpa to.”

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.