Nshɛ 18:21 - EBƆRƐ BE KAWƆL

²¹ Ŋkpal manɛ so, Enyɛnpe Ebɔrɛ na be ekpa so nɛ m bɛ. Ma alɛ maŋ naŋ wora kulubi nseŋ pal kaman n sa mo.

Nshɛ 18:21 ပူးပေါင်းရင်းမြစ်များ

2 Kronikɛls 20:32

Kananɛ ewura Jehoshafat mo tuto Asa daa kɔ kasonu n sa Enyɛnpe Ebɔrɛ na, loŋ nɛ mo alɛ gba daa du,

2 Kronikɛls 34:33

Ewura Josaya daŋ mur agbir nɛ Ebɔrɛ kishi ga na nna ashi Israɛl be kasawule na so kikɛ. Mo alɛ ka daa wɔ ŋkpa to na, e daŋ shin nna nɛ basa na bee shuŋ Enyɛnpe bumo nananyɛnana be Ebɔrɛ na nna.

Nshɛ 119:102

Ma alɛ maŋ yige fo mbraana n lɛ ŋkpal fo gbagba ka la ma eŋinipo so.

Nshɛ 17:4

M maa wora asheŋ nɛ basa bee wora na. Mee bɛ fo mbra na so nna. M maa tu basa nɛ baa tintiŋ basa a suge asɔ na a wora asheŋ.

Nshɛ 26:1

Enyɛnpe shin nɛ n ji n lar; ŋkpal manɛ so, ma kebaawɔtɔ maŋ kɔ mpulɔ kikɛ. Ma yirda kikɛ deŋ fo so nna, ma alɛ maa wora shikashika kikɛ.

Nshɛ 7:9

Fo la Ebɔrɛ nɛ e bee wora asheŋ nɛ a niŋi nna, a nyi esa be kagbene to nɛ mbe nfɛra to be asheŋ kikɛ. Shin nɛ alubiworapo e yige alubi be kebaawora, nseŋ kuŋ basa lela ashi alubi to.

Aŋasa 8:32

Naniere, mbifɔlbi, men kaŋ kusoe n nu, Men wora asɔ nɛ ŋ kaŋɛ ere nɛ a shin nɛ men be ŋgbene e fuli menyi.

Danɛl 6:23

Nɛ ewura na be kagbene fuli mo alegaiso nɛ e ponte ŋ kaŋɛ fanɛ b ya gberge Danɛl n lara ebuluŋ be kemaŋ na to. Ndoŋ nna nɛ b ya gberge mo n lara nseŋ wu fanɛ mbe kaplɛkama maŋ doro, ŋkpal e ka yirda Ebɔrɛ na so.

Ashuŋ Shunso 24:16

Amoso, saŋkama mee wora ania nna nɛ m baa kɔ kagbene koŋwule nɛ k maa wora ma shikashika ashi ma nɛ Ebɔrɛ nɛ nyiŋgbasa be kebaawɔtɔ to.

1 Tɛsalɔnikaebi 2:10

Menyi nɛ Ebɔrɛ e la an be eshɛdajipoana. An daa maŋ ta da lubi n tu menyi nɛ men yirda na, anyi be da daa du cheembi a kɔ kashenteŋ nna.

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.

1 Samuɛl 15:11

“K wora ma kagbenejija ga fanɛ ŋ ka ta Sɔɔl ŋ ki ewura; ŋkpal manɛ so e pal kaman n sa ma nseŋ kini ma mbra be keb so.” Kumo be loŋ daŋ pɛ Samuɛl agbo ga nɛ e kule Ebɔrɛ awɔrso hale nɛ kare ba chɛ.