Nshɛ 18:15 - EBƆRƐ BE KAWƆL

¹⁵ Nɛ fo kaponte na shin nɛ teku be kasawulebi wɔlto a dese kpantaŋkpalaŋ, nɛ kasawule be gbaltɔlase lar n dese kpatokplo.

Nshɛ 18:15 ပူးပေါင်းရင်းမြစ်များ

2 Samuɛl 22:16

Enyɛnpe Ebɔrɛ na ka ponte n fiɛ mo doŋana so agboso na nɛ teku feeto ŋ ka kasawule, nɛ kumo be gbaltɔlase dii efuli.

2 Bewura 19:7

Meeŋ shin nɛ Asiriya be ewurgboŋ na e nu kubɔya ko nɛ k shin nɛ e bɛta n yɔ mo gbagba be efuli so nɛ Enyɛnpe Ebɔrɛ e shin nɛ b ya mɔ mo ndoŋ.”

Job be kawɔl 36:32

Mo e kɔ bɔrɛ be kenyɛkpɛ mbe enɔana to, nsaa kaŋɛ kumo kakpa nɛ k beeŋ ya yuu nɛ k ya yu so ndoŋ.

Job be kawɔl 4:9

Kananɛ bɔrɛfu bee jija asɔ na, aloŋ nɛ Ebɔrɛ bee nya agbo a mur bumo.

Nshɛ 104:5

Fo e to durnya n yili kumo be gbaltɔlase so, nɛ k maaŋ tiŋ ŋ gbuŋgbuŋ na.

Nshɛ 106:9

E daŋ kaŋɛ teku peper na nna fanɛ k ku to, nɛ k ku to. Ndoŋ nna nɛ e juŋkpar bumo kasawule wɔlso so m bɔla kumo to n choŋ.

Nshɛ 144:6

Shin nɛ bɔrɛ e nyɛkpɛ m pesaŋ fo doŋana to; To fo atanyembi m bar kebagato bumo to, nɛ b lara aya n shile.

Nshɛ 74:15

Fo e daŋ shin nɛ kasawule pante n lar nchu ŋ ki fanɛ kebuye nɛ mbombi. Nseŋ shin nɛ elɔr nɛ a daa shile bre wɔlto na.

Nshɛ 76:6

Jeekɔb be Ebɔrɛ, fo ka ponte to, egbaŋɛ nɛ bumo be bediipo kikɛ tɔr nna n wu a dese shruum.

Nshɛ 77:18

Bɔrɛ na ka nyɛkpɛ m ponte to nɛ kusɔ kikɛ nu kumo. K ka nyɛkpɛ na nɛ durnya kikɛ fulto. K ka ponte to na nɛ kasawule gbuŋgbuŋ to fanɛ k kaa bee chicha na.

Nshɛ 92:10

Fo shin nɛ n nya eleŋ fanɛ kupuntona nna, nɛ fo lara ma n yili n sa fo gbagba be kumu.

Ɛksodɔs 15:8

Fo kamuna to be efutegboŋ nawule e shin nɛ nchu nɛ a daŋ ber abar so na kikɛ barga to n niŋi to n yili fanɛ egbal na, nɛ teku na be kechimbi to ki kasawule wɔlso.

Aizaaya 11:4

Kashenteŋ be ekpa so nɛ e beeŋ baa ji betirpo demu nsaa kɔ a kuŋ bumo nɛ b maaŋ tiŋ n wora shɛŋ n sa bumo be amu na. Kusɔ nɛ e beeŋ kaŋɛ kenishipereso na beeŋ ki mbra ashi efuli na kikɛ so; nɛ basa lubi malɛ e nya luwu be kasogberge.

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Jɛremaya 31:37

Kusɔ nɛ Enyɛnpe Ebɔrɛ na kaŋɛ e la fanɛ, kananɛ k du kpakpa nɛ esa e tiŋ m pin kananɛ awɔlpa be palɛlɛ sa na, ŋko nseŋ tiŋ m pin kakpa nɛ durnya be gbaltɔlase dese na, aloŋ nɛ k beeŋ baa du kpakpa nɛ n sa ma nɛ ŋ kini Israɛl be basa ŋkpal asɔ lubi kama nɛ b wora so.

Jona 2:6

Ŋ ka daŋ muni n yɔ kasawule be kechimbi to na, n daŋ fɛ fanɛ ma ŋkpa be ekar fo nna na. Ama fo, Enyɛnpe Ebɔrɛ, nɛ fo la ma Ebɔrɛ na lara ma kemaŋ chiŋgeliŋ na to m bar ma ŋkpa to.

Maika 6:2

O abeegboŋ nɛ durnya be nsawule be egbaltɔlase nɛ a wɔtɔ mbaanaayɔ, men nu asheŋ nɛ Enyɛnpe Ebɔrɛ na kɔ a semaŋ mbe basa Israɛlebi na.”

Zakareya 9:14

Enyɛnpe Ebɔrɛ na beeŋ ba buu mbe basa so fanɛ bɔrɛwɔlpa, nseŋ to mbe atanyembi fanɛ bɔrɛ ka nyɛkpɛ na. Enyɛnpetale Ebɔrɛ beeŋ foŋ mbe kabel nseŋ bɔla bɔrɛfu to n shi kelargato be kaseto m ba.

1 Samuɛl 7:10

Samuɛl kraa lara sarga na nna, nɛ Filistiebi na gbaŋ m buu bumo so nɛ b kɔ bumo, nɛ Enyɛnpe Ebɔrɛ shin nɛ bɔrɛ ponte nɛ Filistiebi na be nfɛra wul bumo to nɛ keyeŋiyeŋi tɔr bumo so nɛ b shile.