Nshɛ 18:14 - EBƆRƐ BE KAWƆL

¹⁴ Nɛ e to atanyembi, nɛ mo doŋana kikɛ pesaŋ to, nɛ bɔrɛ nyɛkpɛ nɛ b lara aya fuful.

Nshɛ 18:14 ပူးပေါင်းရင်းမြစ်များ

Job be kawɔl 37:4

Kumo be kaman nɛ ekama e nu mbe ebɔlgboŋ na, kumo e naa gbri fanɛ bɔrɛ ka ponte na. Mbe ebɔlgboŋ na baŋ gbri, shɛŋ maŋ naa ka.

Job be kawɔl 37:5

Ebɔrɛ baŋ ponte ŋ kaŋɛ kesheŋ, emamachisheŋ nɛ e bee mɔ kɔnɔ e naa wora.

Job be kawɔl 38:35

Fo e naa kaŋɛ bɔrɛ nɛ k bee nyɛkpɛ a? Nɛ fo e naa kaŋɛ kumo, k bee nu a sa fo a?

Job be kawɔl 6:4

K du fanɛ Enyɛnpetale Ebɔrɛ na ka to atanyembi nna nɛ amo be kebɔr luri ma eyur to. Ebɔrɛ ta kufugboŋ nna n lɛ ma so.

Nshɛ 144:6

Shin nɛ bɔrɛ e nyɛkpɛ m pesaŋ fo doŋana to; To fo atanyembi m bar kebagato bumo to, nɛ b lara aya n shile.

Nshɛ 21:12

Fo baŋ to bumo fo atanyembi, baaŋ pal kaman n shile.

Nshɛ 29:3

Enyɛnpe Ebɔrɛ na be ebɔl bee gbri teku so nna fanɛ bɔrɛ ka bee ponte na.

Nshɛ 29:7

Enyɛnpe Ebɔrɛ be kamalga bee nyɛkpɛ nna fanɛ bɔrɛ ka nyɛkpɛ na.

Nshɛ 77:17

Abɔrɛwɔlpa daŋ chulgi bɔrɛchu nna n wurge to; nɛ bɔrɛ nyɛkpɛ awɔlpa to nseŋ ponte to.

Nshɛ 77:18

Bɔrɛ na ka nyɛkpɛ m ponte to nɛ kusɔ kikɛ nu kumo. K ka nyɛkpɛ na nɛ durnya kikɛ fulto. K ka ponte to na nɛ kasawule gbuŋgbuŋ to fanɛ k kaa bee chicha na.

Aizaaya 30:30

Enyɛnpe Ebɔrɛ na beeŋ shin nɛ ekama e nu mbe ebɔlgboŋ nɛ k kɔ kufu na nɛ mbe agbogboŋ nɛ k du fanɛ edɛ wuloŋ wuloŋ nɛ bɔrɛfugboŋ nɛ abɔrɛjembubi nɛ bɔrɛchu damta na be asheŋ.

Jowɛl 2:11

Enyɛnpe Ebɔrɛ na bee kaa ponte to nna a juŋkpar mbe benapo, nɛ b kɔ eleŋ nsaa shi nɛ esa maaŋ tiŋ ŋ karga bumo na, nɛ baa nu a sa mo. Yee, Enyɛnpe Ebɔrɛ be kachɛ na beeŋ lubi pasaa! Wanɛ e naaŋ nya ŋkpa loŋ be kachɛ na bre?

Habakuk 3:11

Jemanɛ nɛ fo atanyembi nɛ akpaana bee kpa edɛ a firgi a choŋ na, nɛ epeŋi nɛ kufɔl malɛ daa yil diim awɔlto.

Nɔmbɛs 24:8

Ebɔrɛ e lara bumo ashi Ijipt be kasawule so. B kɔ eleŋ nna fanɛ kupuntona na, nsaa kɔ a pɔɔ bumo doŋana so. Baaŋ to bumo doŋana ata nɛ bumo be awibi kikɛ e buri to.

Ditɛronɔmi 32:23

Ade kikɛ be kaman nɛ n shin nɛ aleblawu nɛ a maŋ kɔ ekar e ba menyi so fanɛ atanyembi na.

Ditɛronɔmi 32:42

Bumo be ŋklaŋ beeŋ baa chise ma atanyembi so, nɛ ma tokobi e mɔ bekama nɛ b maa shuli a sa ma na. M maaŋ shin nɛ ekama nɛ e bee kɔ ma e ta mbe kumu n ji; bumo nɛ b nya doro nɛ bumo nɛ b wɔ kabuti to kikɛ beeŋ wu.’

Joshuwa 10:10

Amɔriebi na ka wu Israɛl be benapo na nɛ Enyɛnpe Ebɔrɛ shin nɛ keyeŋiyeŋi tɔr bumo so, nɛ Israɛlebi na mɔ bumo ga ashi Gibiɔn, nseŋ ju m buu bumo so m bɔla kebee ase ashi Bɛf Hɔrɔn a mɔ bumo hale n ya fo kelargato be kaseto be kaba so ashi Azeka nɛ Makɛda kikɛ.

1 Samuɛl 2:10

Bekama nɛ baa kɔ fo Enyɛnpe Ebɔrɛ na beeŋ mur cheche. Feeŋ shin nɛ bɔrɛ e shi esoso m ponte ŋ kɔ bumo. Fo Enyɛnpe Ebɔrɛ na beeŋ ji durnya ere kikɛ demu, nseŋ ta eleŋ nɛ yuku n sa fo ewura lara so.”