Nshɛ 17:3 - EBƆRƐ BE KAWƆL

³ Fo nyi ma kagbene to. Fo wora ma ŋ keni kanyɛso n wu fanɛ maŋ wora n jija. N yili kumo ma kagbene to fanɛ m maaŋ ku efɛ kikɛ.

Nshɛ 17:3 ပူးပေါင်းရင်းမြစ်များ

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

Job be kawɔl 23:10

Ama Ebɔrɛ bre nyi kusɔ kama nɛ mee wora, mo alɛ baŋ wora ma ŋ keni, e beeŋ wu ma fanɛ shuwa nɛ eyurpi maŋ wɔ kumo to.

Job be kawɔl 24:14

Kakpa baŋ biri to, bemɔpo na bee koso nna n ya kaa mɔ betirpo nɛ betentaŋasepo. Kanyɛso saŋko malɛ nɛ b ya kaa yuri.

Nshɛ 11:5

Enyɛnpe Ebɔrɛ na bee wora basa lela nna a keni. Ama e kishi kumu kpakpasowuraana nɛ baa sha alubi be kebaawora nsaa maa wu kuwɔr na nna.

Nshɛ 119:106

M bɔ ntaŋ n nase kɔnɔ nsaa yil kumo so fanɛ meeŋ wora fo mbra niŋisoana na kasonu.

Nshɛ 139:1

O Enyɛnpe Ebɔrɛ, fo e keni ma kagbene to, nseŋ pin ma nɛnɛ.

Nshɛ 139:23

O Ebɔrɛ, mige ma to ŋ keni, m pin ma kagbene to; wora ma ŋ keni m pin ma nfɛra fɛso.

Nshɛ 16:7

Meeŋ chɔrɔ Enyɛnpe Ebɔrɛ nɛ e bee ji ma asoeto na. E bee bɔla ma kagbene to nna a malga a sa ma kanyɛso gba.

Nshɛ 26:2

Enyɛnpe Ebɔrɛ, wora ma ŋ keni; mige ma asheŋ to ŋ keni ma nfɛra to.

Nshɛ 39:1

Ŋ kaŋɛ fanɛ meeŋ baa de so, nɛ ma kudonduloŋ maaŋ wora alubi. N yɛ, meeŋ kre ma kɔnɔ so, saŋɛ nɛ ma nɛ basa lubi wɔtɔ na.

Nshɛ 66:10

Anyi be Ebɔrɛ, fo wora anyi ŋ keni, fanɛ kananɛ baa wora gbiti a keni na.

Nshɛ 7:4

ŋko n lar nlɔpo kikɛ kaman, ŋko ŋ kɔ n sɔ n doŋ be asɔ nɛ e maŋ wora shɛŋ;

Aŋasa 13:3

Esa nɛ e bee tiŋ a keta mbe kudonduloŋ beeŋ kuŋ mbe ŋkpa, ama esa nɛ mbe kɔnɔ maŋ kɔ kemɔrɛbi bee mur mbe kumu nna.

Jɛremaya 12:3

Ama, Enyɛnpe Ebɔrɛ, fo nyi ma nɛnɛ. Fee wu kusɔ nɛ mee wora nsaa nyi kananɛ mee sha fo. Amoso Enyɛnpe Ebɔrɛ, gberge n doŋana n ya mɔ fanɛ mbolpɔ.

Jɛremaya 50:20

Loŋ be jemanɛ na kaŋ fo, kulubi kikɛ maaŋ naa wɔ Israɛl be efuli so, nɛ kumu kpakpaso kikɛ malɛ maaŋ naa wɔ Juda be efuli so. Ŋkpal manɛ so, meeŋ ta basa nɛ n yige bumo nɛ b ji efute na be alubi m paŋ bumo. Ma, Enyɛnpe Ebɔrɛ e kaŋɛ na.”

Hoziya 7:6

Bumo be ŋgbene daa kaa nna a tushi fanɛ ebu nɛ baa tɔ bodobodo kumo to na nɛ bumo be agbo malɛ du fanɛ edɛ nɛ a du nyɛɛbi kanyɛso nsaa nyarga a suse kachipurso.

Maika 2:1

Asheŋ maaŋ nyalɛ n sa bekama nɛ baa dese bumo be edesekpa a kre asheŋ lubi be kewora be ŋkre na. Kanyɛso nɛ baa kaa kre loŋ be asheŋ na, nɛ kare e chɛ nɛ b wora amo ŋkpal b ka kɔ eleŋ so.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Malakai 3:2

Kachɛ nɛ e beeŋ ba na wanɛ e naŋ tiŋ m ba mbe anishito? E kaŋ lar a ba, wanɛ bre e naŋ pete? E beeŋ baa du fanɛ kɔya nɛ b kɔ a fɔr asɔ nna ŋko edɛ nɛ baa ta a ŋalga abɛlso a lara eyurpi nna.

Ashuŋ Shunso 11:23

E ka ba ndoŋ m ba wu kananɛ Ebɔrɛ nɛfa basa na nɛ mbe kagbene fuli mo ga nɛ e leŋ bumo kikɛ to fanɛ b bugi bumo be ŋgbene kikɛ kashenteŋto a nu a sa Enyɛnpe na.

Ashuŋ Shunso 16:9

Kumo be kamɔnchɛ be kanyɛso nɛ Pɔɔl ku bɔrɛdare ko n wu Masɛdonia be kanyɛn ko ka yil a kule mo: “Dii a ba Masɛdonia nfe m ba chɛ anyi to!”

1 Kɔrintebi 4:4

Kashenteŋ nna fanɛ m maŋ wu kulubi kikɛ ma so, ama kumo be loŋ maa shin nɛ mee ji a lar. Enyɛnpe e naa ji ma demu.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

Jeems 3:2

An kikɛ bee kaa wora a foe ekpa. Amoso, esa nɛ mo ere maa malga a foe ekpa, kumo ere kulubi kikɛ maŋ wɔ mo to nɛ mo alɛ bee tiŋ a pɔɔ kulubi be yiri kikɛ so ashi mbe kebaawɔtɔ to.

1 Pita 1:7

Le be kechɔŋkeni ere bee ba menyi so nna nɛ a ba keni ŋko menyi be yirda na kɔ eleŋ a. Men baa nyi fanɛ hale shuwa nɛ k bee jija ere gba, baa kaa ta edɛ a wora kumo a keni. To, loŋ koŋwule na e daga fanɛ men be yirda mo nɛ k chɔ shuwa na gba, b ka chɔ kumo ŋ keni ŋko k beeŋ tiŋ n yili a. Saŋɛ na so baaŋ di menyi epaŋ nseŋ sa menyi kemaŋkura nɛ bunyaŋ kacha nɛ Ebɔrɛ beeŋ lara Yesu Kristo ŋ ŋini na.

1 Samuɛl 24:10

Fo gbagba wu fanɛ Enyɛnpe Ebɔrɛ daŋ ta fo nna m bɔɔ ma enɔ ashi kebeelaŋ ere to kabre. Ma basa ko kaŋɛ ma fanɛ m mɔ fo, ama ma ere yige fo nseŋ kaŋɛ bumo fanɛ, k maŋ daga fanɛ n wora fo kulubi kikɛ, ŋkpal manɛ so, fo nɛ Enyɛnpe Ebɔrɛ lara fanɛ fo ba la ewura.

1 Samuɛl 24:12

Enyɛnpe Ebɔrɛ nawule e naaŋ ji anyi kikɛ demu m pin emo nɛ e wora n foe ekpa. Mo alɛ beeŋ gberge fo kusoe ŋkpal kusɔ nɛ fo wora ma ere so. Ama ma ere maaŋ wora fo shɛŋ.

1 Samuɛl 26:11

Enyɛnpe Ebɔrɛ e baa pete ma nɛ m mɔ esa nɛ mo ere Enyɛnpe Ebɔrɛ lara ŋ ki ewura. Men shin nɛ an ta mbe kekpa nɛ mbe kusɔjɔnchu a yɔ.”

1 Samuɛl 26:23

Beshenteŋjipo nɛ basa cheembi nɛ Enyɛnpe Ebɔrɛ bee nɛfa. E ta fo nna m bɔɔ ma enɔ kabre, ama ma alɛ maŋ wora fo shɛŋ ŋkpal fo ka la Enyɛnpe Ebɔrɛ na be ewura lara so so.