Nshɛ 17:14 - EBƆRƐ BE KAWƆL

¹⁴ Enyɛnpe Ebɔrɛ ta fo enɔ lempo na m mɔlga ma ashi loŋ be basa be enɔ to. Basa nɛ durnya ere be kebaawɔtɔ nawule la bumo be tɔnɔ. Fo e naa sa basa nɛ fee sha ajibi; bumo be mbia beeŋ nya n ji kanaŋkama so, nɛ bumo nanabiana gba e nya n ji kanaŋkama so.

Nshɛ 17:14 ပူးပေါင်းရင်းမြစ်များ

Job be kawɔl 12:6

Beyu nɛ basa nɛ b maa ŋana Ebɔrɛ wɔ kayurwushi to nna, ama kusɔ koŋwule nɛ b yirda e la eleŋ nɛ b kɔ na.

Job be kawɔl 12:9

Amo be kekama beeŋ tiŋ ŋ kaŋɛ menyi kusɔ nɛ Enyɛnpe Ebɔrɛ na wora.

Job be kawɔl 21:21

Ŋkpal manɛ so, bumo be luwu be kaman kusɔ kama nɛ k beeŋ wora bumo be mbia be asheŋ maaŋ naa tir bumo.

Job be kawɔl 22:18

Ama Ebɔrɛ malɛ daŋ shin nɛ bumo be nnaŋ to ebi dii kedama nna. Ma ere maa pin alubiworapoana ere be kusɔ nɛ baa fɛ bumo be nfɛra to.

Nshɛ 39:6

K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Nshɛ 73:12

Kananɛ kumukpakpasowuraana du nna na. B maŋ ta asheŋ lubi fanɛ asheŋ lubi; bumo alɛ bee dii kedama a ti so nna.

Aŋasa 2:4

Baa fin kenyi kenishipereso fanɛ kananɛ feeŋ fin gbiti nɛ yawu kpakpaso be asɔ nɛ a ŋana na.

Matiu 13:44

Nɛ Yesu naŋ kaŋɛ: “Ebɔrɛso be kuwura na du fanɛ kusɔ shaso ko ka ŋana a wɔ kasawule ko to nna. Ndoŋ nna nɛ kanyɛn ko ya wu kumo nɛ mbe kagbene fuli mo ga nɛ e lɔŋɛ kumo ŋ ŋana kasawule to nɛnɛ. Kumo be kaman nɛ e ya ta mbe asɔ kikɛ n fa nseŋ ya tɔ kasawule na.”

Luuk 16:25

Nɛ Eebraham kaŋɛ mo le: ‘M pibi baa nyiŋi saŋɛ nɛ fo daa wɔ ŋkpa to a ji fo ebel na nsaa nyiŋi kananɛ Lazɔrɔs malɛ daŋ ji awurfoŋ na. Ama naniere e luri ebel to nɛ fo alɛ luri ebesa to.

Luuk 16:8

Damawura na daŋ kpaŋ mbe esibɛpo kebirkɔnshiwura na ga ŋkpal kashennyi nɛ e daŋ ŋini na so. Ŋkpal manɛ so, durnya ere to ebi kɔ kebirkɔnshi be kashennyi nna a wora bumo be asheŋ a chɔ basa nɛ b wɔ kefulto to.”

Baru lela nɛ Jɔn kute na 15:19

Nɛ men daa la durnya ere peya nna, k daa beeŋ baa sha menyi fanɛ kumo be basa gbagba. Ama n lara menyi ashi durnya ere to nna nɛ men maŋ naa la kumo be basa, amoso nɛ k kishi menyi na.

Baru lela nɛ Jɔn kute na 17:14

N ta fo kamalga nna n sa bumo nɛ durnya ere e kishi bumo ŋkpal b ka maŋ wɔ durnya ere be basa to na so fanɛ kananɛ m maŋ wɔ durnya ere be basa to na.

Baru lela nɛ Jɔn kute na 8:23

Nɛ Yesu naŋ ta mbe kamalga n chuge so ŋ kaŋɛ: “Kasawule ere nfe nɛ menyi ere shi, ama esoso nɛ ma ere shi, durnya ere to nɛ men shi, ama mannɛ durnya ere to nɛ ma ere shi.

Jeems 5:5

Asɔ lela nɛ ebel be keji to nɛ men baa wɔ durnya ere to. Men daŋ nna a du fanɛ ana nɛ b bela nɛ a daŋ nɛ b kɔ a yɔ nɛ b ya mɔ na nna.