Nshɛ 16:7 - EBƆRƐ BE KAWƆL

⁷ Meeŋ chɔrɔ Enyɛnpe Ebɔrɛ nɛ e bee ji ma asoeto na. E bee bɔla ma kagbene to nna a malga a sa ma kanyɛso gba.

Nshɛ 16:7 ပူးပေါင်းရင်းမြစ်များ

Nshɛ 119:148

N dese nna a keni kanyɛ lelemu kikɛ, a fɛ fo mmalga naseso be asheŋ.

Nshɛ 119:55

Kanyɛso gba mee fɛ fo, Enyɛnpe Ebɔrɛ na be asheŋ nna, nsaa wora fo mbra kasonu.

Nshɛ 119:7

Ma kekoya fo mbra niŋiso na e naŋ shin nɛ ŋ kpaŋ fo kagbenefuliso.

Nshɛ 17:3

Fo nyi ma kagbene to. Fo wora ma ŋ keni kanyɛso n wu fanɛ maŋ wora n jija. N yili kumo ma kagbene to fanɛ m maaŋ ku efɛ kikɛ.

Nshɛ 22:2

Ma Ebɔrɛ, mee shu a tre fo kapa nɛ kanyɛ nna, fo alɛ maa nu. Amoso ma kagbene maŋ dese ma.

Nshɛ 42:8

Karechɛ kikɛ fee wora alela nna. Kanyɛso malɛ kikɛ fee sa ma kashɛ popɔr nna, a ŋini ma fo kasha nɛ k maa chɛrga na, nɛ k la ma kabɔrɛkule a yɔ fo kutɔ. Enyɛnpe Ebɔrɛ, fo wɔ ŋkpa to nna.

Nshɛ 63:6

Kanyɛso nɛ m baŋ dese gedo so mee nyiŋi fo nna, a fɛ fo asheŋ ashi ma edesekpa saŋkama.

Nshɛ 73:21

Ma kagbene to ka daa ji edɛ ŋkpal kusɔ nɛ k daa wora so na,

Nshɛ 73:24

Fo kasotoji e daa ŋini ma kananɛ meeŋ baa wora asheŋ, kumo be lalaloge nɛ fo ba ta ma n yɔ kemaŋkura to.

Nshɛ 77:2

Enyɛnpe Ebɔrɛ na nɛ mee kule tɔrɔ be jemanɛ; mee maŋ ma enɔana so kanyɛ na kikɛ nna ashi kabɔrɛkule to, ama n daa maŋ nya kagbenewushi.

Nshɛ 77:6

Mee nyiŋi kanyɛso kikɛ be nshɛ nɛ n daa boŋ, nsaa fɛ nfɛra ga na nna, a bishi ma kumu le:

Aŋasa 8:14

Ma e naa kre ŋkre nsaa wora a bɔlɔ so na. Ma e naa pin asheŋ to, nsaa kɔ eleŋ na.

Aizaaya 26:9

Kanyɛso kikɛ ma kagbene bee kɔ a fin fo nna. Fo baŋ ji durnya nɛ kumo be basa demu, bumo kikɛ beeŋ koya kebaawɔtɔ ŋini so.

Aizaaya 48:17

Kusɔ nɛ Enyɛnpe, Israɛl be Ebɔrɛ cheembi, nɛ e mɔlga menyi na kaŋɛ nde: “Ma e la Enyɛnpe menyi be Ebɔrɛ, nɛ mee sha keŋini menyi asheŋ ŋkpal menyi be nɛnɛ so, nseŋ juŋkpar menyi ekpa nɛ menyeeŋ baa bɔla so a wora asheŋ.

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Jɛremaya 12:2

Fo e duu bumo fanɛ ndibi nɛ baa mur achin, nsaa daŋ a sɔr asɔrso. B baa malga fo asheŋ lela gba be asheŋ, k maa shi bumo be ŋgbene to.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Luuk 6:12

Saŋko Yesu dii kebeebi ko so n yɔ kabɔrɛkule to n ya kule Ebɔrɛ kumo be kamɔnchɛ be kanyɛso loŋ hale nɛ kare ya chɛ.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.