Nshɛ 16:5 - EBƆRƐ BE KAWƆL

⁵ Enyɛnpe Ebɔrɛ fo nawule nɛ ŋ kɔ. Fo alɛ bee sa ma kusɔ kama nɛ k tir ma. Fo enɔ to nɛ ma echefoso be kebaawɔtɔ wɔ.

Nshɛ 16:5 ပူးပေါင်းရင်းမြစ်များ

Nshɛ 11:6

E beeŋ ta ajanwulɛ tushiso nɛ edɛ wuloŋwuloŋ n lɛ basa lubi so nseŋ ta kawuliwuli tushiso ŋ gberge bumo kusoe.

Nshɛ 116:13

Meeŋ bar yabra belbelso be sarga m ba di Enyɛnpe Ebɔrɛ na epaŋ, ŋkpal e ka mɔlga ma so.

Nshɛ 119:57

Fo, Enyɛnpe Ebɔrɛ na e la ma kusɔ kikɛ. N nase kɔnɔ fanɛ meeŋ wora fo mmalga kasonu.

Nshɛ 125:3

E maaŋ shuli n shin nɛ kumukpakpasowuraana e ji kuwura mbe basa so, ŋko n fule bumo nɛ b wora alubi.

Nshɛ 132:11

Fo e daŋ bɔ ntaŋ n nase kɔnɔ n sa mo; kumo alɛ la kɔnɔ naseso nɛ feeŋ wora m bɔlɔ so nna. Fo yɛ: “Jemanɛ kikɛ meeŋ shin nɛ fo kaman to ebi e baa ji kuwura.

Nshɛ 142:5

Fo Enyɛnpe Ebɔrɛ na, nɛ mee kule nɛ fo chɛ ma to! Fo Enyɛnpe Ebɔrɛ na e la ma ekumpo. Fo nawule nɛ mee fute a yigeso ashi ma kebaawɔtɔ to.

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Nshɛ 23:5

N doŋana be anishito, nɛ fee wora kejigboŋ a yili ma. Fo sɔ ma fanɛ fo efɔgboŋ nna, a keta ma kananɛ k daga so.

Nshɛ 73:26

Ma eyur nɛ nfɛra beeŋ tiŋ n wora asheŋ ŋ gben, ama Ebɔrɛ e la ma eleŋ ashi ma kagbene to. Mo alɛ be asheŋ a tir ma jemanɛ kikɛ.

Nshɛ 89:4

mbe kaman to ebi e naaŋ baa ki bewura jemanɛ kikɛ. Ma alɛ beeŋ shin nɛ mbe kabuna ebi e baa wɔtɔ mbaanaayɔ.”

Nshɛ 9:4

Eshenteŋjipo e la fo nɛ fee ji asheŋ nɛ amo be ekpa so. Fo ji ma asheŋ kashenteŋ be ekpa so n ŋini fanɛ n ji n lar.

Aizaaya 42:1

Enyɛnpe Ebɔrɛ na yɛ: “Ma kenya nde, ma e naa sa mo eleŋ. Mo e la esa nɛ n lara, nɛ ma kagbene bee fuli mo so. N ta ma Kiyoyu nna n sa mo, nɛ e bar keji asheŋ nɛ amo be ekpa so ashi efuliana so.

Aizaaya 53:12

Amoso meeŋ sa mo kemaŋkuragboŋ nɛ eleŋgboŋ. E shuli so n ta mbe kumu n lara sarga, nseŋ yili alubiworapoana damta be aya to ŋ kule alubi be ketampaŋ n sa bumo.”

Jɛremaya 10:16

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Nfabel 3:24

Kusɔ nɛ mee kaŋɛ ma kagbene to e la: “Enyɛnpe Ebɔrɛ na e baa la ma; mo nɛ meeŋ tiŋ n ta ma tama n to so!”

Ashuŋ Shunso 2:32

Ebɔrɛ shin nɛ Yesu koŋwule ere tiŋi luwu to nɛ anyi wu kumo be loŋ be kashenteŋ.

Ashuŋ Shunso 5:31

Ebɔrɛ shin nɛ e tiŋi luwu to n yɔ mbe jisoso, ebunyampo be kakpa fanɛ Ejuŋkparpo nɛ Emɔlgapo nɛ Israɛlebi e tiŋ n nya ekpa n lar bumo be alubi to nɛ Ebɔrɛ e ta m paŋ bumo.

1 Kɔrintebi 15:25

Ŋkpal manɛ so, a daga fanɛ e baa ji kuwura loŋ n ya fo saŋɛ nɛ Ebɔrɛ beeŋ ta mo doŋana kikɛ n wɔtɔ mbe enɔ to na.

Ɛfesesebi 5:18

Men sa maa boo nsa, ŋkpal manɛ so, loŋ bee jija kumu nna. Kusɔ nɛ k daga e la fanɛ men shin nɛ Kiyoyu Cheeŋ na e luri m bɔlɔ menyi to kiŋkiŋ.

Ditɛronɔmi 18:2

B maaŋ baa kɔ kasawule fanɛ kananɛ eyiriana na kikɛ beeŋ baa kɔ na. Bumo be kachige e naaŋ baa la esarga nɛ basa beeŋ lara n sa Enyɛnpe Ebɔrɛ na be ako fanɛ kananɛ e nase kɔnɔ na.

Ditɛronɔmi 32:9

E lara Jeekɔb be kenana bre nna n sa mbe kumu.

Joshuwa 22:25

E daŋ shin nna nɛ Jɔɔdan be lɔr na ki anyi Israɛlebi nɛ menyi be egbaŋ to. Enyɛnpe Ebɔrɛ na la Israɛlebi nawule be Ebɔrɛ nna.’ Nɛ kumo be loŋ e shin nɛ an nanabiana e yige kebaabunyaŋ Enyɛnpe na.

Joshuwa 22:27

Ama an wora loŋ nna nɛ k baa la shɛda n sa anyi nɛ menyi be basa nɛ an be kenana fanɛ anyee lara sarga chɔɔso nɛ ajibi be sarga nɛ kɔnɔkoŋwule be sarga a shuŋ Enyɛnpe Ebɔrɛ ashi Enyɛnpe be wajɛbu na be anishito ashi Jerusalɛm. Le e naaŋ shin nɛ men nanabiana e sa maŋ tiŋ ŋ kaŋɛ an nanabiana fanɛ Enyɛnpe na la Israɛlebi nawule be Ebɔrɛ nna.