Nshɛ 16:3 - EBƆRƐ BE KAWƆL

³ Enyɛnpe Ebɔrɛ fo basa la basa cheembi nna. Ma kagbene beeŋ fuli ma ga fanɛ n ti bumo so.

Nshɛ 16:3 ပူးပေါင်းရင်းမြစ်များ

2 Kronikɛls 6:41

Enyɛnpe Ebɔrɛ, koso m bɔla ŋkre be deka nɛ k yili a sa eleŋ nɛ fo kɔ na so n luri bɔrɛlambu ere to, nsaa wɔ ndoŋ mbaanaayɔ. Nɛfa fo bɔrɛmatapoana ashi kusɔ kama nɛ baa wora to nseŋ shin nɛ fo basa malɛ kikɛ be ŋgbene e fuli bumo ŋkpal fo kelela nɛ fee wora a sa bumo so.

Nshɛ 101:6

Basa nɛ b kɔ kashenteŋji nɛ meeŋ shin nɛ b baa wɔ ŋ kutɔ a ji ma asoe to. Basa nɛ b maŋ kɔ amoso malɛ e naŋ ki ma ekrachi a shuŋ a sa ma.

Nshɛ 116:15

Basa nɛ baa shuŋ Ebɔrɛ nɛnɛ na be luwu be asheŋ tir ga n sa Enyɛnpe Ebɔrɛ na.

Nshɛ 119:63

Ekama nɛ e bee shuŋ fo ŋko a wora fo mbraana kasonu na la n teri nna.

Nshɛ 122:8

Mee kule kayurwushi nna a sa Jerusalɛm ŋkpal ŋ kurgepoana nɛ nteriana so.

Nshɛ 30:4

Menyi nɛ menyee ji kashenteŋ na e boŋ nshɛ n chɔrɔ Enyɛnpe Ebɔrɛ, ŋkpal asɔ lela nɛ e wora n sa anyi na so.

Aŋasa 12:26

Basa cheembi bee ŋini bumo teriana ekpa lela nna, ama belubiworapo bre be ekpa bee yɛr bumo kefoe to nna.

Aŋasa 13:20

Esa kama nɛ e bee tu benyiashempo a nite bee ki enyiashempo nna, ama esa nɛ mo nɛ bewulpo bee wora asheŋ bre bee luri tɔrɔ to nna.

Aŋasa 8:31

Ma kagbene fuli durnya so, nɛ basa nɛ b wɔ kumo to be asheŋ bee bɔlɔ ma kenishi ga.

Sɔlɔmɔn 7:10

N la ma eshapo peya nna, nɛ e bee sha ma ga.

Aizaaya 62:4

Fo ketre maaŋ naa la Kini n lɛ. Efuli na gba be ketre maaŋ naa la Eche nɛ b kini n lɛ. Ama fo ketre popɔr e naaŋ baa la Ebɔrɛ be Kagbene fuli mo so. Efuli na malɛ peya e naaŋ baa la Kagbenefuli be kakil. Ŋkpal manɛ so, Enyɛnpe Ebɔrɛ na be kagbene beeŋ fuli fo so; mo alɛ beeŋ baa la fanɛ ekul n sa fo efuli na.

Malakai 3:17

Enyɛnpetale na yɛ: “Baaŋ baa la ma basa. Kachɛ nɛ ŋ gbagba beeŋ ba ji asheŋ nɛ amo be ekpa so na meeŋ kuŋ bumo fanɛ kananɛ etuto bee kuŋ ebi nɛ e kɔ kasonu n sa mo na.

Ashuŋ Shunso 9:13

Nɛ Ananiyas kaŋɛ: “Enyɛnpe, basa damta kaŋɛ ma kanyɛn ere be asheŋ fanɛ kananɛ e tɔrɔ fo basa ashi Jerusalɛm.

Galeeshaebi 6:10

Amoso, kananɛ an kraŋ baa kɔ ekpa naniere bre, men shin nɛ an baa wora basa kikɛ kelela, fɔnfɔŋ bumo nɛ b la an braana beyirdapo na.

Ɛfesesebi 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ be keparso na kutɔ nna a yɔ menyi, Ebɔrɛ be basa nɛ men wɔ Ɛfeses be kade to a bugi epunto a bɛ Kristo Yesu so na kutɔ.

Taites 3:8

Kesheŋ ere la kashenteŋ nna. Mee sha fanɛ fo ta kenishipere nna n wɔtɔ le be asheŋ ere to nɛ bumo nɛ b ba yirda Ebɔrɛ na e baa wɔ ashuŋ lela be kebaawɔtɔ to. Le be mmalga ere la kashenteŋ nna nɛ a beeŋ chɛ basa to.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.