Nshɛ 15:4 - EBƆRƐ BE KAWƆL

⁴ nɛ bumo nɛ bumo nɛ alubiworapoana maŋ kɔ shɛŋ na. Bumo e naa sa basa nɛ baa ŋana Ebɔrɛ bunyaŋ nsaa wora a bɔlɔ bumo be nnɔ naseso so, hale k du kpakpa gba na.

Nshɛ 15:4 ပူးပေါင်းရင်းမြစ်များ

2 Kronikɛls 36:13

Ewura Zɛdikaya daŋ kini kenu n sa ewura Nebukadneeza nɛ e daŋ tintiŋ mo nɛ e bɔ Ebɔrɛ fanɛ e beeŋ bugi kagbene a shuŋ mo na nna. E daa kɔ kumu kpakpaso nna nseŋ kini kechɛrga m bɛta m ba Enyɛnpe Israɛl be Ebɔrɛ na kutɔ.

Ɛsta 3:2

Ewura na daŋ tre mbe benimu nɛ baa shuŋ ewurkpa na kikɛ nna, ŋ kaŋɛ bumo fanɛ b baa bunyaŋ Heman nseŋ naa jɔŋɛ mo ase. Nɛ bumo kikɛ bɛ kusɔ nɛ e kaŋɛ na so ama Mɔdikaya nawule.

Nshɛ 101:4

Ma shɛŋ maaŋ baa wɔ basa nɛ b maa ji kashenteŋ nsaa wɔtɔ a wora asheŋ lubi to.

Nshɛ 101:6

Basa nɛ b kɔ kashenteŋji nɛ meeŋ shin nɛ b baa wɔ ŋ kutɔ a ji ma asoe to. Basa nɛ b maŋ kɔ amoso malɛ e naŋ ki ma ekrachi a shuŋ a sa ma.

Nshɛ 119:63

Ekama nɛ e bee shuŋ fo ŋko a wora fo mbraana kasonu na la n teri nna.

Nshɛ 16:3

Enyɛnpe Ebɔrɛ fo basa la basa cheembi nna. Ma kagbene beeŋ fuli ma ga fanɛ n ti bumo so.

Matiu 5:33

Menyi alɛ kraŋ naa nu fanɛ dra na le nɛ b daa kaŋɛ nnɔ naseso be asheŋ: “Men sa maa sa Enyɛnpe nnɔ jiga nsaa maa bɛ nnɔ na so. Fo kama nɛ fo nase kɔnɔ n sa Enyɛnpe, fo bɛ kumo so.”

Ashuŋ Shunso 24:25

Ama Pɔɔl ka ba kaa malga alela be kebaawora nɛ kamootiŋ nɛ Ebɔrɛ be demujiachɛ be asheŋ nɛ kufu pɛ Filiks nɛ e kaŋɛ: “Feeŋ tiŋ a yɔ naniere. N naŋ nya kachena meeŋ naŋ tre fo.”

Ashuŋ Shunso 28:10

B daŋ kɛ anyi asɔ damta ga ndoŋ. Kachɛ nɛ an ba kaa lar ndoŋ nɛ b naŋ ta asɔ nɛ anyeeŋ ya kaa sha ekpa to n wɔtɔ anyi be ekuloŋgboŋ na to.

1 Jɔn 3:14

Esa kama nɛ e maa sha mo braana kraa wɔ luwu to nna na. Ama anyi ere nyi fanɛ an lar luwu to m ba luri ŋkpa to nna, ŋkpal manɛ so, anyee sha an niopibiana.

Demujipoana 11:35

E ka baŋ wu mo pibiche na nɛ e kpɛa mbe piŋi to a ŋini mbe kagbene ka jija mo ga nseŋ boŋ to ŋ kaŋɛ le: “O! M pibiche! Fo tɔrɔ ma n shin nɛ ma kagbene ji ebesa pasaa! Ŋkpal manɛ so, n nase kɔnɔ n sa Enyɛnpe Ebɔrɛ na nna. Ma alɛ maaŋ tiŋ ŋ kini kumo be kewora m bɔlɔ so!”