Nshɛ 149:6 - EBƆRƐ BE KAWƆL

⁶ B baa kpaŋ Ebɔrɛ awɔrso jemanɛ nɛ b ta bumo be etokobi jiso m bɔɔ enɔ a yɔ

Nshɛ 149:6 ပူးပေါင်းရင်းမြစ်များ

Nehemaya 9:5

Ndoŋ nna nɛ Joshuwa nɛ Kadmiɛl nɛ Bani nɛ Hashabnaya nɛ Sherebia nɛ Hodia nɛ Shebania nɛ Petahiya nɛ b shi Livai be yiri to na kaŋɛ basa le: “Men koso n yili nseŋ boŋ to m maŋkura Enyɛnpe menyi be Ebɔrɛ nɛ e wɔ ŋkpa to mbaanaayɔ na. Men maŋkura mbe mamachi be Ketre na, E shi ga nɛ kɔnɔ to be mmalga maaŋ tiŋ n ji mbe asheŋ.”

Nshɛ 115:7

Agbirana na kɔ enɔana, ama a maaŋ tiŋ m pɛ shɛŋ to, a kɔ aya, ama a maaŋ tiŋ n nite; a maaŋ tiŋ m malga ŋ kaŋɛ shɛŋ.

Nshɛ 66:17

N shu n tre Enyɛnpe na nseŋ fur mo.

Nshɛ 96:4

Ŋkpal manɛ so, Enyɛnpe Ebɔrɛ shi ga, nseŋ daga fanɛ ekama e baa kpaŋ mo nsaa ŋana mo a chɔ agbirana kikɛ.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Obadaya 1:21

Zayɔn to be bekɔmpɔɔsopoana beeŋ ya kɔ Edɔm m pɔɔ kumo so nsaa ji kuwura kumo so. Enyɛnpetale malɛ gbagba e naaŋ ki bumo be ewura.”

Luuk 2:14

“Kemaŋkura e baa la Ebɔrɛ nɛ e wɔ esoso na peya nɛ kagbenewushi e baa wɔ mbe kepar be basa kikɛ to ashi kasawule so.”

Hibruwebi 4:12

Ŋkpal manɛ so, Ebɔrɛ be kamalga na kɔ ŋkpa nɛ eleŋ nna a ji a chɔ tokobi jinnɔnyɔ. K bee tiŋ a ku a barga nfɛra nɛ kiyoyu to nseŋ naa tiŋ a barga awibichɛkpa nɛ nfɔ to, ŋ gbrɛ a tiŋ a ji basa be nfɛra to be asɔ shaso nɛ bumo be ŋgbene to be nfɛra fɛsoana demu.

Kelaraŋŋini 1:16

E daa kɔ achɛkpabi ashunu nna mbe enɔjiso to nɛ tokobi jinnɔnyɔ jiso ko shi mbe kɔnɔ to n lar. Mbe anishiakpa malɛ daa kpa edɛ nna fanɛ epeŋi ka bee nyaŋɛ ga na.

Kelaraŋŋini 19:6

Mmalga ere be kaman nɛ n nu kusɔ ko ka gbri fanɛ jimaŋ damta ka wora awɔr na. Awɔr na daŋ naa gbri fanɛ nchu damta ka bee shile nna nseŋ daŋ naa gbri fanɛ bɔrɛ ka bee ponte to a boŋ to a kaŋɛ le: “Halleluya. Ŋkpal manɛ so, an Nyɛnpetale Enyɛnpe Ebɔrɛ na e wɔ kuwura a ji.

Demujipoana 3:16

Ama pɔɛŋ nɛ Ehud yɔ na, e daŋ bɛl tokobi ji nnɔ nyɔ nna, nɛ kumo be nteŋ sa fanɛ keyadra koŋwule nɛ bargato, ŋ kre m mata mbe jisa be kebembi nseŋ buu piŋi n deŋi so.