Nshɛ 149:4 - EBƆRƐ BE KAWƆL

⁴ Ŋkpal manɛ so, mbe basa be asheŋ bee par mo nna. Mo alɛ bee ta kemaŋkura nna a buu bekama nɛ baa bar bumo be amu kaseto so nsaa mɔlga bumo.

Nshɛ 149:4 ပူးပေါင်းရင်းမြစ်များ

Nshɛ 117:2

Ŋkpal manɛ so, kasha nɛ e kɔ n sa anyi na shi ga; nɛ mbe kashenteŋji malɛ maŋ kɔ ekar. Men kpaŋ Enyɛnpe Ebɔrɛ na!

Nshɛ 132:16

Meeŋ nɛfa kusɔ kama nɛ bɔrɛmatapoana na beeŋ baa wora nɛ basa na malɛ e baa boŋ nshɛ kagbenefuliso.

Nshɛ 147:11

Basa nɛ baa bunyaŋ mo nɛ bumo nɛ bumo be yirda wɔ mbe kasha nɛ k maa chɛrga na so be asheŋ e naa par mo nsaa fuli mbe kagbene.

Nshɛ 22:8

“Fo yɛ fo yirda Ebɔrɛ nna, nɛ manɛ nna nɛ e maŋ mɔlga fo? Nɛ fo asheŋ bee bɔlɔ mo kenishi, manɛ nna nɛ e maŋ chɛ fo to.”

Nshɛ 35:27

Shin nɛ bumo nɛ baa fin fanɛ n ji n lar na e cha awɔr kagbenefuliso ŋ kaŋɛ le: “Kemaŋkura e baa la Enyɛnpe na peya, Mbe kagbene e naa fuli ŋkpal mbe kenya be nɛnɛ so na.”

Nshɛ 90:17

Enyɛnpe anyi be Ebɔrɛ, shin nɛ fo nɛfa e baa wɔ anyi so, nseŋ shin nɛ asheŋ e baa nite nsaa loge to nɛnɛ a sa anyi!

Aŋasa 11:20

Enyɛnpe Ebɔrɛ kishi nfɛra lubiwura ga, ama e bee sha bekama nɛ baa wora asheŋ lela bre ga.

Sɔlɔmɔn 1:11

Anyeeŋ ta shuwa nɛ gbiti n lɔŋɛ akonde n sa fo.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Jɛremaya 32:41

Kebaawora bumo kelela e naaŋ baa fuli ma kagbene. Amoso meeŋ shin nɛ b chena kasawule ere so hale mbaanaayɔ.

Zefanaiya 3:17

Ŋkpal manɛ so, Enyɛnpe menyi be Ebɔrɛ na wɔ men kutɔ, mbe eleŋgboŋ na e naa kɔ a pɔɔ so a sa menyi. Menyi be asheŋ bee bɔlɔ mo kenishi ga, nɛ mbe kasha bee sa menyi ŋkpa popɔr. Mbe kagbene bee fuli menyi so nna nɛ e bee boŋ nshɛ kagbenefuliso.’

Hibruwebi 12:10

An tuto kurgesoana daŋ niŋi n niŋi anyi ekpaana kananɛ b daa fɛ fanɛ k walɛ nɛnɛ n sa bumo nchɛnnyɔ ko nna, ama Ebɔrɛ bre bee niŋi anyi ekpa nna ŋkpal anyi gbagba be kechɛto so, saŋɛ na so nɛ an tiŋ n tu mo n nya mbe kebaawɔtɔ cheembi na.

1 Pita 3:4

A daga fanɛ men be kela e baa shi men be ŋgbene to gbagba to, kumo e la fanɛ men baa kɔ ŋgbene nɛ a du boeŋ a maa gbri. Loŋ be kela na e maa terge kikɛ nsaa walɛ ashi Ebɔrɛ be anishito.

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.