Nshɛ 148:8 - EBƆRƐ BE KAWƆL

⁸ Bɔrɛ be kenyɛkpɛ nɛ abɔrɛjembubi nɛ kunyɔlɔ nɛ awɔlpaana nɛ bɔrɛfugboŋana nɛ amo kikɛ bee nu a sa mo na e baa kpaŋ mo.

Nshɛ 148:8 ပူးပေါင်းရင်းမြစ်များ

Jɛnesis 19:24

K maŋ chɛr nɛ Enyɛnpe shin nɛ chɛbra shi esoso a chɔ a wurge Sodɔm nɛ Gomɔra be nde na so fanɛ bɔrɛ ka bee ba na,

Nshɛ 103:20

Menyi emalaika lempoana, nɛ menyee nu Enyɛnpe Ebɔrɛ be kɔnɔ nsaa wora mo kasonu na kikɛ e kpaŋ mo!

Nshɛ 18:12

Nɛ abɔrɛjembubi nɛ bɔrɛ be kenyɛkpɛ be edɛ juŋkpar mo n fulto ashi awɔlpa jimajima na to.

Ɛksodɔs 10:13

Ndoŋ nna nɛ Mosis teŋi mbe kekpabi na ŋ ŋini Ijipt be kasawule so nɛ Enyɛnpe Ebɔrɛ shin nɛ afugboŋ ko shi kebɔrɛfito m ba kasawule na so. Afu na daŋ yili kamɔnchɛ kachipurso nna m ber loŋ nɛ kanyɛ ya biri nɛ k naŋ ŋmɛa so loŋ nɛ kare naŋ ya chɛ. Kare ka ya kaa chɛ nɛ elotɔr ba.

Ɛksodɔs 10:19

Kede be kaman nɛ Enyɛnpe Ebɔrɛ shin nɛ epeŋitɔrkpa be afugboŋ ko malɛ kilgi m ber m ba eleŋso m ba gbare elotɔr na kikɛ nyam n ya wɔtɔ teku peper na to nɛ ekoŋwule gba daa maŋ naŋ ka ashi Ijipt be efuli na kikɛ so.

Ɛksodɔs 14:21

Le be asheŋ ere kikɛ ka wora n choŋ nɛ Mosis teŋi mbe kekpabi na n shoŋi teku na so. Ndoŋ nna nɛ Enyɛnpe Ebɔrɛ shin nɛ kebɔrɛfito be afu lempo ko chala kanyɛ na kikɛ n shin nɛ teku na ku to anyɔ.

Aizaaya 66:16

Edɛ nɛ tokobi nɛ Enyɛnpe Ebɔrɛ na kɔ ba nɛ e ba ji durnya to be basa kikɛ demu nɛ basa damta nɛ baaŋ ji n tɔr na e wu.

Jowɛl 2:30

Kumo be kamɔnchɛ, meeŋ sa menyi kefiɛso be etɔɔnɛsheŋ nɛ e shi awɔlpa to nɛ kasawule so. Kumo be jemanɛ so, basa ko be ŋklaŋ beeŋ lar edɛ beeŋ suse n shin nɛ edishi e sɔ awɔlpa to kikɛ.

Levitikɔs 10:2

Epul to nɛ Enyɛnpe Ebɔrɛ na shin nɛ edɛ ba buu bumo so n chɔɔ bumo m mɔ.

Eemɔs 4:13

Ebɔrɛ e to abeegboŋana nseŋ to afu. Mo e naa lara kusɔ nɛ k wɔ mbe nfɛra to a ŋini edimɛdi nsaa shin nɛ kapa bee ki kanyɛ. Mo e naa nite abeegboŋ be esoso na. Mbe ketre e la Enyɛnpetale na!

Eemɔs 7:4

Bɔrɛdare ere to Enyɛnpetale daŋ kaŋɛ nna fanɛ mbe demuji beeŋ ba mbe basa so, nɛ edɛ e ba chɔɔ kusɔ kama ashi kasawule ere so n ta tekugboŋ na gba n tiso.

Jona 1:4

Ndoŋ nna nɛ Enyɛnpe Ebɔrɛ shin nɛ afugboŋ ko koso teku na so. Nɛ bɔrɛchu nɛ afu wea abar to m ber kuloŋgboŋ nɛ Jona daa wɔ kumo to na so, nɛ k bee shin nɛ k baŋɛ to m mur nchu na to.

Jona 1:5

Nɛ kufu pɛ kuloŋgboŋ na be befarpo na kikɛ ga nɛ b fara a shu a tre bumo be agbirana. Ndoŋ nna nɛ b lara kuloŋgboŋ na to be esulɔ n lɛ teku na to saŋɛ na so kumo be egbɛ beeŋ duga so ŋ ka ŋ kukwe. Jemanɛ ere so kikɛ nɛ Jona bre wɔ kuloŋgboŋ na be kaseto be ebu ko to a di kenishipereso.

Nɔmbɛs 16:35

Kede be kaman nɛ Enyɛnpe Ebɔrɛ na shin nɛ edɛ wuloŋ wuloŋ ko ba chɔɔ benyɛn alfa anyɔ nɛ adunu nɛ b ta eduwu n ya ka lara sarga na m mɔ.

Joshuwa 10:11

Amɔriebi na ka bɔla kebee na ase ashi Bɛf Hɔrɔn a shile a mɔlga bumo be amu Israɛl be benapo kutɔ na nɛ Enyɛnpe Ebɔrɛ shin nɛ abɔrɛjembu gboŋgboŋi shi awɔlpa to a tɔr bumo so a mɔ hale n ya fo Azeka. Bumo nɛ abɔrɛjembu na daŋ mɔ na daa chɔ bumo nɛ Israɛlebi na gbagba daŋ mɔ.

Kelaraŋŋini 16:21

Nɛ abɔrɛjembubi gboŋgboŋiana ko nɛ amo be egbɛ daa la egbɛ to be pɔŋ kalfa na shi awɔlpa so m ba tɔr basa so. Nɛ basa malga ŋ gbiti Ebɔrɛ ŋkpal abɔrɛjembubi na be tɔrɔ na so, ŋkpal manɛ so, tɔrɔ lubi gbagba e daa la.