Nshɛ 148:13 - EBƆRƐ BE KAWƆL

¹³ Asɔ to so kikɛ e baa kpaŋ Enyɛnpe Ebɔrɛ na be ketre. Men baa kpaŋ mbe ketre na nawule. Ebɔrɛ be kemaŋkura shi ga a chɔ esoso nɛ kasawule so kikɛ peya.

Nshɛ 148:13 ပူးပေါင်းရင်းမြစ်များ

1 Kronikɛls 29:11

Fo kuwurgboŋ nɛ eleŋ nɛ kemaŋkura nɛ kuwurji wɔtɔ nna mbaanaayɔ. Fo e kɔ esoso nɛ kasawule so kikɛ be eleŋ nsaa ji kusɔ kama so kuwura.

Nshɛ 108:4

Ŋkpal manɛ so, k du fanɛ fo kasha, nɛ k maa loge na, choŋ ebɔrɛso nna; fo kashenteŋji malɛ bee chute awɔlpa nna.

Nshɛ 113:4

Enyɛnpe Ebɔrɛ na e naa ji kuwura efuliana na kikɛ so; mbe kemaŋkura shi a chɔ esoso be asɔ kikɛ peya.

Nshɛ 150:6

Asɔ keniso kikɛ e baa kpaŋ Enyɛnpe Ebɔrɛ na! Men baa kpaŋ Enyɛnpe Ebɔrɛ na!

Nshɛ 57:6

Bedoŋ bee fe ma ajigbelɛ nna a da ma a lɛ. Baa kur amaŋ chiŋgeliŋ ma ekpa to nna, nsaa kilgi a tɔr amo to bumo gbagba.

Nshɛ 72:19

Anyeeŋ baa kpaŋ fo ketre nɛ k kɔ kemaŋkura na jemanɛ kikɛ. Shin nɛ fo kemaŋkuragboŋ na e dii efuli durnya ere be kaplɛkama. Amɛn! Amɛn!

Nshɛ 8:1

Enyɛnpe, anyi be Ebɔrɛ, fo keshi nɛ fo mamachi be aworbi wɔ durnya ere be kaplɛkama; nɛ fo kemaŋkura wɔ esoso.

Nshɛ 8:2

Hale mbi popɔrbi nɛ mbiwurbi kikɛ bee boŋ nshɛ a di fo epaŋ. Fo kuŋ fo kumu ashi fo doŋana be enɔ to. Fo alɛ maaŋ sa fo doŋ kikɛ kashuli.

Nshɛ 8:9

Enyɛnpe anyi be Ebɔrɛ, fo keshi nɛ fo mamachi be aworbi wɔ durnya ere be kaplɛkama nna.

Nshɛ 99:9

Anyee kpaŋ fo, Enyɛnpe anyi be Ebɔrɛ na, nsaa bunyaŋ fo ashi fo kebee cheembi na ase. Ŋkpal manɛ so, Enyɛnpe anyi be Ebɔrɛ na du cheembi nna.

Sɔlɔmɔn 5:16

Mbe kɔnɔ be kepipe wɔ ebel nna, nɛ mbe kusɔ kama malɛ bee par ma. To, Jerusalɛm be beche, kananɛ n jipo nɛ ma eshapo na du nna na.

Sɔlɔmɔn 5:9

Beche to be kebita, nuso bre nɛ fo jipo na baa du ga? E walɛ nna a chɔ ekama a; Nɛ fo kpal mo so a bishi anyi ade kikɛ a?

Aizaaya 12:4

Kachako bee ba nɛ basa e boŋ kashɛ ŋ kaŋɛ le: “Ta kechɔrɔ n sa Enyɛnpe Ebɔrɛ na! Tre mo fanɛ e chɛ fo to! Kaŋɛ efuliana na kusɔ nɛ e wora! Kaŋɛ bumo kananɛ e shi be asheŋ!

Aizaaya 33:5

Enyɛnpe Ebɔrɛ na e chɔ esa kikɛ nsaa ji kuwura kusɔ kama so. E beeŋ shin nɛ kashenteŋji nɛ asheŋ niŋiso be kebaawora e bɔlɔ Jerusalɛm to.

Aizaaya 6:3

Bumo alɛ daa ponte awɔrso nna a shoŋi abar a kaŋɛ le: “Enyɛnpetale Ebɔrɛ na nawule e du cheembi! Mbe kemaŋkura e bɔlɔ durnya kikɛ nyam to.”

Zakareya 9:17

Baaŋ baa walɛ kebita kashenteŋto! Mbifɔlbi beeŋ daŋ a kɔ eleŋ nɛnɛ ŋkpal b ka beeŋ nya aboyu damta a ji nsaa nya yabra popɔr a nuu so.

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Ɛfesesebi 4:10

Amoso, mo koŋwule nɛ e daŋ gbelge m ba na e naŋ dii n yɔ kufɔ a chɔ esoso be kaplɛkama, saŋɛ na so mbe kebaawɔtɔ be asheŋ beeŋ sɔ kaplɛkama verr.

Filipaiebi 3:8

Kashenteŋto, naniere shɛŋ maŋ naa kɔ tɔnɔ ma anishito ŋkpal kebaanyi Kristo Yesu n Nyɛnpe na ka chɔ kusɔ kikɛ na so. Mo so nɛ m paŋ asɔ kikɛ nseŋ naa ta kusɔ kama fanɛ asɔ fuloŋ ŋkpal kananɛ meeŋ wora n nya Kristo na so nɛ n tiŋ n nya a wɔ mo to.

1 Pita 3:22

Mo, Yesu Kristo koŋwule na e yɔ ebɔrɛso n ya kaa tase Ebɔrɛ be jisoso, kakpa nɛ ebunyampo bee chena, a ji emalaika kikɛ nɛ bejuŋkparpoana kikɛ nɛ eleŋana kikɛ so kuwura na.