Nshɛ 148:1 - EBƆRƐ BE KAWƆL

¹ Men baa kpaŋ Enyɛnpe Ebɔrɛ na! Menyi nɛ men wɔ ebɔrɛso na, men baa kpaŋ Enyɛnpe Ebɔrɛ na.

Nshɛ 148:1 ပူးပေါင်းရင်းမြစ်များ

Nshɛ 103:22

Menyi, Ebɔrɛ be asɔ toso kikɛ, nɛ e bee ji kuwura menyi so na, e baa kpaŋ men Nyɛnpe Ebɔrɛ na! Ma ere be kagbene kikɛ nɛ ŋ kɔ a kpaŋ Enyɛnpe Ebɔrɛ na!

Nshɛ 146:1

Men baa kpaŋ Enyɛnpe Ebɔrɛ na! Meeŋ ta ma kagbene kikɛ ŋ kpaŋ Enyɛnpe Ebɔrɛ na!

Nshɛ 69:34

Esoso nɛ kasawule nɛ teku nɛ asɔ nɛ a wɔ amo to kikɛ beeŋ fur anyi be Ebɔrɛ na.

Nshɛ 89:5

O Enyɛnpe Ebɔrɛ, shin nɛ asɔ nɛ a wɔ ebɔrɛso e baa kpaŋ fo emamachisheŋ, nseŋ shin nɛ fo emalaika e baa kpaŋ fo kashenteŋji.

Aizaaya 49:13

Kaŋɛ asɔ nɛ a wɔ ebɔrɛso nɛ kasawule so kikɛ nɛ a baa boŋ nshɛ a ji amo be amu! Nseŋ shin nɛ abee gba e baa shuli so a boŋ nshɛ na! Enyɛnpe Ebɔrɛ na be basa ji awurfoŋ ga; mo alɛ naaŋ wu bumo kuwɔr.

Matiu 21:9

Le nɛ jimaŋ nɛ b daŋ juŋkpar mo na nɛ bumo nɛ b daŋ bɛ mo so na kikɛ daa ponte a kaŋɛ: “Hosana e baa wɔ Ewura Deevid mo Nanabi so. Nɛfa la esa nɛ e shi Enyɛnpe be ketre to a ba na peya nna. Hosana e baa la Enyɛnpetale peya.”