Nshɛ 146:8 - EBƆRƐ BE KAWƆL

⁸ Mo koŋwule na e naa bugi etanpo be anishi. Mo e naa pɛ bumo nɛ b tɔr to a niŋi to a yili nsaa sha basa nɛ bumo be kebaawɔtɔ niŋi.

Nshɛ 146:8 ပူးပေါင်းရင်းမြစ်များ

Nshɛ 11:7

Ŋkpal manɛ so, Enyɛnpe Ebɔrɛ na bee wora asheŋ nɛ amo be ekpa so nna nsaa sha kashenteŋji. Bumo nɛ baa wora asheŋ niŋiso e naŋ baa wɔ mo kutɔ.

Nshɛ 145:14

Fo Enyɛnpe Ebɔrɛ na e naa chɛ bumo nɛ b wɔ tɔrɔ to to, nsaa niŋi bumo nɛ b tɔr to.

Nshɛ 147:6

Enyɛnpe Ebɔrɛ na e naa chɛ bebɔlpo to, nsaa bar kumukpakpasowuraana kaseto.

Aizaaya 35:5

Etanpo beeŋ naŋ nya anishi a wu, nɛ ekpawu e nya asoe a nu.

Aizaaya 42:16

Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.

Aizaaya 42:18

Nɛ Enyɛnpe Ebɔrɛ na naŋ kaŋɛ le: “Ekpawu, men nu nfe! Menyi, etanpo malɛ e keni n wu nɛnɛ!

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Matiu 9:30

Ndoŋ nna nɛ bumo be anishiana bugi nɛ Yesu malga kenishipereso ŋ kaŋɛ bumo le: “Men sa maŋ kaŋɛ esa kikɛ kesheŋ ere.”

Baru lela nɛ Jɔn kute na 16:27

Ŋkpal manɛ so, Etuto na gbagba bee sha menyi ŋkpal men ka bee sha ma nseŋ yirda fanɛ n shi Ebɔrɛ na kutɔ na so.

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

2 Kɔrintebi 7:6

Ama Ebɔrɛ nɛ e bee wushi kagbenejijawuraana na, wushi anyi be ŋgbene ŋkpal Taites ka ba so.

Ɛfesesebi 1:18

Ma alɛ nseŋ kraŋ naa kule Ebɔrɛ fanɛ e shin nɛ men bugi men be ŋgbene to n tiŋ m pin tama mo nɛ men nya ŋkpal e ka tre menyi na so to, nseŋ naa pin mamachi be enɛfagboŋ nɛ e nase kɔnɔ fanɛ e beeŋ sa mbe basa na to.

Ditɛronɔmi 33:3

Enyɛnpe Ebɔrɛ na bee sha mbe basa nna, nsaa kuŋ bekama nɛ b la mo peya. Amoso anyeeŋ gbir m bunyaŋ mo nseŋ wora kusɔ nɛ e kaŋɛ kenishipere so na kasonu.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.