Nshɛ 145:10 - EBƆRƐ BE KAWƆL

¹⁰ O Enyɛnpe Ebɔrɛ, fo asɔ to so kikɛ beeŋ kpaŋ fo, nɛ fo basa kikɛ e di fo epaŋ.

Nshɛ 145:10 ပူးပေါင်းရင်းမြစ်များ

Nshɛ 103:22

Menyi, Ebɔrɛ be asɔ toso kikɛ, nɛ e bee ji kuwura menyi so na, e baa kpaŋ men Nyɛnpe Ebɔrɛ na! Ma ere be kagbene kikɛ nɛ ŋ kɔ a kpaŋ Enyɛnpe Ebɔrɛ na!

Nshɛ 104:24

Enyɛnpe Ebɔrɛ, kanyiasheŋ so nɛ fo bɔla n to asɔ damta. Fo asɔ to so nɛ e kɔ ŋkpa sɔ kasawule so kikɛ nna.

Nshɛ 149:5

Ebɔrɛ be basa kama nɛ b nya le be kemaŋkura ere e shin nɛ bumo be ŋgbene e baa fuli bumo nɛ b baa boŋ nshɛ a ji eyur kapa nɛ kanyɛ kikɛ.

Nshɛ 19:1

Esoso bee di Ebɔrɛ be kemankura efuli nna, nɛ awɔlpa malɛ bee ŋini mbe asɔ toso.

Nshɛ 22:23

Menyi nɛ menyee ŋana Ebɔrɛ na e fur mo. Menyi nɛ men la an nananyɛn Jeekɔb be kenana kikɛ e bunyaŋ mo. Israɛlebi, men shuŋ Enyɛnpe Ebɔrɛ na bunyaŋ so.

Nshɛ 30:4

Menyi nɛ menyee ji kashenteŋ na e boŋ nshɛ n chɔrɔ Enyɛnpe Ebɔrɛ, ŋkpal asɔ lela nɛ e wora n sa anyi na so.

Nshɛ 30:5

E maa nya agbo a chɛr; Mbe kelela bre wɔtɔ nna n sa esa saŋɛ nɛ e wɔ ŋkpa to kikɛ. Kushu beeŋ tiŋ m ba kanyɛso, ama kare tea ka chɛ nɛ kagbenefuli ba.

Nshɛ 32:11

Amoso, menyi bekama nɛ menyee wora asheŋ niŋiso na; e shin nɛ men be ŋgbene e fuli menyi nɛ men ji eyur; ŋkpal kusɔ nɛ Enyɛnpe na wora so. Menyi nɛ menyee wora mo kasonu na e boŋ nshɛ kagbenefuliso.

Nshɛ 57:9

Enyɛnpe Ebɔrɛ, meeŋ fur fo nɛ ekama e nu. Nseŋ boŋ kabɔrɛshuŋ be nshɛ ashi basa kikɛ be anishito.

Nshɛ 68:26

Le nɛ baa ponte a kaŋɛ: “Men fur Enyɛnpe Ebɔrɛ ashi mbe basa Israɛlebi be nshɛr to.”

Nshɛ 69:35

Ebɔrɛ beeŋ sɔ Jerusalɛm n yige nseŋ lɔŋɛ m pɔr Juda be ndeana, nɛ mbe basa e baa wɔ amo to ashi bumo gbagba be kasawule so.

Nshɛ 97:12

Menyi nɛ men wɔ kebaawɔtɔ niŋiso to e shin nɛ menyi be ŋgbene e fuli menyi ŋkpal kusɔ nɛ Enyɛnpe Ebɔrɛ na wora so. Men baa nyiŋi kusɔ nɛ Ebɔrɛ cheembi na bee wora nsaa di mo epaŋ.

Aizaaya 44:23

Men kaŋɛ esoso nɛ kasawule kikɛ fanɛ a fara a boŋ nshɛ! Men naŋ kaŋɛ abee nɛ kupo to be ndibi kikɛ fanɛ amo alɛ gba e baa shuli nshɛ na so! Enyɛnpe Ebɔrɛ na mɔlga mbe basa Israɛlebi, n shin nɛ mbe kemaŋkura dii efuli ashi Israɛl be efuli so.

Hibruwebi 13:15

Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.