Nshɛ 145:1 - EBƆRƐ BE KAWƆL

¹ Meeŋ maŋ fo so nseŋ kpaŋ fo, ma Ebɔrɛ nɛ ma Ewura; Ma alɛ beeŋ maŋkura fo ketre saŋkama.

Nshɛ 145:1 ပူးပေါင်းရင်းမြစ်များ

1 Kronikɛls 29:13

Anyi be Ebɔrɛ, kechɔrɔ nɛ kapandi e baa la fo peya.

Nshɛ 100:1

Durnya to be basa kikɛ, e baa kpaŋ Enyɛnpe Ebɔrɛ na!

Nshɛ 118:28

Enyɛnpe Ebɔrɛ na e la ma Ebɔrɛ, ma alɛ beeŋ di mo epaŋ nseŋ ber mbe keshi be kebomboŋ n sa basa kikɛ nɛ b nu.

Nshɛ 145:21

Jemanɛ kikɛ ma ere beeŋ kpaŋ Enyɛnpe Ebɔrɛ na; ekama e sa mbe ketre cheembi na bunyaŋ mbaanaayɔ.

Nshɛ 146:2

Meeŋ boŋ nshɛ ŋ kpaŋ Enyɛnpe Ebɔrɛ na saŋɛ nɛ n wɔ ŋkpa to ere.

Nshɛ 149:2

Israɛl be basa, men shin nɛ menyi be ŋgbene e fuli menyi ŋkpal menyi be etopo na so; menyi Jerusalɛm to be basa malɛ e ji eyur ŋkpal menyi be ewura so!

Nshɛ 30:1

Enyɛnpe Ebɔrɛ, meeŋ fur fo; ŋkpal fo ka mɔlga ma nsaa maŋ shin nɛ ma doŋana ji eyur ŋkpal b ka pɔɔ ma so so.

Nshɛ 30:12

Amoso m maaŋ lo ma kɔnɔ. Enyɛnpe Ebɔrɛ, meeŋ fur fo, a di fo ketre epaŋ mbaanaayɔ.

Nshɛ 30:2

N shu n tre fo Enyɛnpe ma Ebɔrɛ; nɛ fo chɛ ma to,

Nshɛ 34:1

Meeŋ baa fur Enyɛnpe na saŋkama. M maaŋ yige mbe kechɔrɔ kikɛ.

Nshɛ 44:4

Fo e la ma Ebɔrɛ nɛ ma ewura; fo e shin nɛ Israɛlebi kɔ m pɔɔ so.

Nshɛ 45:1

Ŋ kɔ mmalga lela ma nfɛra to nɛ n sa ewura. Meeŋ ta ma kudonduloŋ m boŋ amo fanɛ kananɛ esibɛpo lela bee ta kelembi a sibɛ na.

Nshɛ 45:6

Kuwurji nɛ Ebɔrɛ sa fo na beeŋ baa wɔtɔ mbaanaayɔ. Nɛ fo baa ji basa be asheŋ nɛ amo be ekpa so.

Nshɛ 5:2

Ma Ebɔrɛ nɛ ma ewura, nu ma kushu. Enyɛnpe Ebɔrɛ, mee kule fo nna, chɛ ma to.

Nshɛ 5:3

Kachipurso kikɛ fee nu ma kekule nna. Mee ta ma asheŋ tirso nna a ba kaa nase fo anishito, nsaa jo fo atuwebi.

Nshɛ 52:9

Ŋkpal kusɔ nɛ fo wora so meeŋ baa fur fo saŋkikɛ. Ŋ kɔ tama ashi fo ketre to, ŋkpal manɛ so, fo ketre walɛ. Amoso meeŋ baa fur fo ashi fo basa cheembi be anishito.

Nshɛ 68:4

Men boŋ nshɛ n sa Ebɔrɛ, men boŋ nshɛ n fur mbe ketre. Mo e dii n chena awɔlpa so, amoso men maŋkura mo. Mbe ketre e la Enyɛnpe na, nɛ anyee tiŋ n ji eyur nseŋ maŋkura mo.

Nshɛ 75:9

Ama ma ere beeŋ baa malga fo, Jeekɔb be Ebɔrɛ na, be asheŋ, nsaa boŋ nshɛ a kpaŋ fo mbaanaayɔ.

Nshɛ 95:3

Ŋkpal manɛ so, Enyɛnpe Ebɔrɛ na e la Ewurgboŋ; agbirana maŋ la shɛŋ mbe anishito.

Nshɛ 96:2

Men boŋ kashɛ n sa Enyɛnpe Ebɔrɛ na, nseŋ kpaŋ mbe ketre na. Karechɛ kama men baa ber mbe kumɔlga na be asheŋ be kubomboŋ.

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Aizaaya 38:20

Enyɛnpe Ebɔrɛ, fo e chɛ ma kulɔ. Amoso, anyeeŋ laŋ ejaŋjilaŋ m boŋ nshɛ ŋ kpaŋ fo. Anyi be kebaawɔtɔ to kikɛ, anyeeŋ boŋ nshɛ ŋ kpaŋ fo ashi fo bɔrɛlambu to.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Malakai 1:14

Kɔnɔsho e baa wɔ ekama nɛ e bee puni nsaa ta asɔbɔya nɛ a maŋ daga m ba kaa lara sarga a sa ma, saŋɛ so nɛ e nase kɔnɔ fanɛ e beeŋ ta kusɔbɔya lela nɛ k wɔ mbe asɔbɔya to m ba lara sarga n sa ma na so. Ŋkpal manɛ so ma e la Enyɛnpetale Ewurgboŋ, nɛ efuli kama so ebi bee ŋana ma.”

Matiu 25:34

Kumo be kaman nɛ ma, Ewura na e kaŋɛ basa lela nɛ b wɔ ma jisoso na le: ‘Menyi nɛ n Tuto nɛfa na, men ba luri kuwura nɛ b lɔŋɛ n yili menyi kasɔto be jemanɛ na kikɛ na to.

Kelaraŋŋini 19:16

Ketre mo nɛ k daa deŋ mbe piŋi nɛ mbe kebembi so e la: “BEWURA TO BE EWURA NƐ BENYƐNPE TO BE ENYƐNPE.”