Nshɛ 144:4 - EBƆRƐ BE KAWƆL

⁴ Dimɛdi baa du fanɛ afu futeso nna; mbe nchɛ bee choŋ nna fanɛ kiyoyul.

Nshɛ 144:4 ပူးပေါင်းရင်းမြစ်များ

2 Samuɛl 14:14

Anyi kikɛ nyam beeŋ wu, ŋkpal manɛ so an du fanɛ nchu nɛ b chulgi n lɛ kasawule nɛ a maŋ naa kɔ kemuu nna. Hale nɛ Ebɔrɛ maa shin nɛ bubuni bee bɛta e ba ŋkpa to gba, fo nɛ fo la ewura ere bre beeŋ tiŋ n shin nɛ esa nɛ e shile fo efuli so n yɔ kuko to e naŋ bɛta m ba.

1 Kronikɛls 29:15

An la befɔ nna a wɔ durnya ere to fanɛ kananɛ an nananyɛnana gba daa wɔ kumo to na. Anyi be nchɛ du nna fanɛ kiyoyul na, k maa chɛr nsaa choŋ.

Job be kawɔl 4:19

Edimɛdi nɛ b maa chɛr nsaa wu fanɛ kananɛ kapuya maa chɛr nsaa bure na nɛ e beeŋ tiŋ n yirda a?

Job be kawɔl 8:9

Anyi maŋ chɛr durnya to, anyi alɛ maŋ nyi shɛŋ. Anyi maa chɛr kasawule ere so nsaa choŋ fanɛ afu.

Nshɛ 102:11

Ma kebaawɔtɔ bee choŋ nna fanɛ kaaseso be kiyoyul; nɛ ŋ gbagba malɛ bee wɔl fanɛ afitiri na.

Nshɛ 109:23

Ma kebaawɔtɔ bee choŋ fanɛ kaaseso be kiyoyul nna; ŋko fanɛ afu ka bee kpata kusɔ firgisobi nna.

Nshɛ 39:11

Fee gberge dimɛdi kusoe alegaiso ŋkpal mbe alubi so nna. Fee jija anyi be asɔ lela nna fanɛ kananɛ elala bee jija asɔbuuso na. Dimɛdi du fanɛ afu ka ber n choŋ nna.

Nshɛ 62:9

Anyi edimɛdi baa du fanɛ esa ka fute afu nna. Anyi be ekama maŋ la shɛŋ. Anyi kikɛ be egbɛ maŋ fo esa be efute be egbɛ so.

Nshɛ 89:47

Baa nyiŋi fanɛ ma ŋkpa maŋ wɔ nteŋ. Fo to anyi nna nɛ an baa wɔ ŋkpa to gbrɛbi nseŋ wu!

Kaŋinichiŋgeliŋ 1:14

Ŋ ka wu asheŋ nɛ a bee wora durnya ere to na, nɛ n yɛ; kusɔ kama maŋ kɔ tɔnɔ. K du nna fanɛ fo ka bee ju a bɛ afu so na.

Kaŋinichiŋgeliŋ 1:2

Eŋinipo na yɛ, kusɔ kama na la fuloŋ nna kebaawɔtɔ ere to. Kebaawɔtɔ maŋ kɔ kifito kikɛ.

Kaŋinichiŋgeliŋ 12:8

Eŋinipo na yɛ: “Shɛŋ shɛŋ maŋ kɔ kifi to! Shɛŋ maŋ kɔ tɔnɔ! Amo kikɛ la fuloŋ nna.”

Kaŋinichiŋgeliŋ 8:13

Ama ŋkpal kumukpakpasowuraana ka maa ŋana Ebɔrɛ nsaa maa wora mo kasonu so, asheŋ maaŋ nite nɛnɛ n sa bumo; bumo alɛ be nchɛ maaŋ teŋi so fanɛ kiyoyul nɛ k maa yili kakpa koŋwule a chɛr na.