Nshɛ 144:1 - EBƆRƐ BE KAWƆL

¹ Meeŋ kpaŋ fo, Enyɛnpe Ebɔrɛ! Fo e la ma kefalta gboŋ. Fo alɛ e naa ŋini ma kananɛ meeŋ baa kɔ kena.

Nshɛ 144:1 ပူးပေါင်းရင်းမြစ်များ

2 Samuɛl 22:35

Mo e naa ŋini ma kananɛ baa kɔ kena nɛ kananɛ baa to danyaŋ be keta.

2 Bewura 13:16

Nɛ Elaisha kaŋɛ mo fanɛ e pɛ amo to ŋ keta. Ewura na ka wora loŋ n loge nɛ Elaisha ta mbe enɔ n deŋi ewura na be enɔ so nseŋ kaŋɛ mo le:

Nshɛ 18:2

Enyɛnpe Ebɔrɛ na e la ma kefalta gboŋ; Mo kutɔ nɛ mee nya kekuŋ nɛ kumɔlga. Ma Ebɔrɛ na e la kefaltagboŋ nɛ mee ŋana mo to. Mo e du fanɛ benapo be kusɔ kuŋso a kuŋ ma. Mo e naa kɔ a mɔlga ma nsaa sa ma eleŋ.

Nshɛ 18:3

Meeŋ di Enyɛnpe Ebɔrɛ na epaŋ; ŋkpal e ka mɔlga ma ashi ma doŋana be enɔ to.

Nshɛ 18:31

Enyɛnpe na nawule e la Ebɔrɛ. Mo nawule e du fanɛ kefalta gboŋ a kuŋ.

Nshɛ 18:34

Mo e naa ŋini ma kananɛ baa kɔ kena; nsaa chɛ ma to nɛ mee tiŋ a ta danyaŋ be keta a kɔ kena.

Nshɛ 18:35

Mo e naa kuŋ ma nsaa mɔlga ma. Mbe enɔ lempo na e naa pɛ ma to. Mbe kechɛto so nɛ e ki esagboŋ.

Nshɛ 60:12

Fo Ebɔrɛ nawule e naŋ tiŋ n shin nɛ an kɔ m pɔɔ so, nɛ fo fifɛa an doŋana m mata kasawule.

Nshɛ 71:3

Baa la ma kefaltagboŋ, ma ekuŋkpagboŋ nɛ mee nya kumɔlga fo kutɔ. Fo Enyɛnpe Ebɔrɛ na e la ma kefaltagboŋ a kuŋ ma. Amoso baa juŋkpar ma a ŋini ma ekpa lela na, nɛ fo ketre e nya kemaŋkura.

Nshɛ 95:1

Men ba nɛ an boŋ kagbenefuli be nshɛ n sa Enyɛnpe Ebɔrɛ nɛ e bee kuŋ anyi na.

Aizaaya 26:4

Amoso an baa yirda Enyɛnpe Ebɔrɛ na saŋkama, nɛ e baa la fanɛ kefalta a kuŋ anyi saŋkikɛ.

Aizaaya 45:24

Bumo alɛ beeŋ kaŋɛ fanɛ n nawule kutɔ nɛ esa beeŋ tiŋ n nya kekɔmpɔɔso nɛ eleŋ. Ama bekama nɛ b kishi ma na bre beeŋ ŋaba.

2 Kɔrintebi 10:4

Asɔ nɛ an kɔ a kɔ na maŋ la durnya ere to be akɔsɔ. A la Ebɔrɛ be akɔsɔ lempoana nɛ b kɔ a jija asɔ lempoana na nna.