Nshɛ 143:8 - EBƆRƐ BE KAWƆL

⁸ Ŋkpal ŋ ka ta ma yirda n deŋi fo so so, shin nɛ m baa nyiŋi fo kasha nɛ k maa loge na be asheŋ kachipurso kikɛ. Mee kule fo nna nɛ fo ŋini ma ekpa nɛ meeŋ baa bɔla so a wora asheŋ.

Nshɛ 143:8 ပူးပေါင်းရင်းမြစ်များ

Nshɛ 119:34

Chɛ ma to nɛ m pin fo mbra to nseŋ wora kumo kasonu; saŋɛ na so, meeŋ ta ma kagbene kikɛ m bɛ kumo so.

Nshɛ 119:73

Fo e to ma nseŋ bela ma eyur n chuge abar so; sa ma kanyiasheŋ nɛ ŋ koya fo mbraana na.

Nshɛ 143:10

Fo e la ma Ebɔrɛ. Ŋini ma kusɔ nɛ fee sha fanɛ n wora, nseŋ shin nɛ fo Kiyoyu nɛ e du boeŋ na e baa juŋkpar ma ekpa kikɛ so.

Nshɛ 25:20

Kuŋ ma nseŋ mɔlga ma. Sa maŋ shin nɛ n ji anishinyɔr, ŋkpal manɛ so, fo kutɔ nɛ mee fin kechɛto.

Nshɛ 27:11

Ŋini ma ekpa lela nɛ fee sha fanɛ m baa bɔla so, nɛ ma doŋana maaŋ nya ma.

Nshɛ 30:5

E maa nya agbo a chɛr; Mbe kelela bre wɔtɔ nna n sa esa saŋɛ nɛ e wɔ ŋkpa to kikɛ. Kushu beeŋ tiŋ m ba kanyɛso, ama kare tea ka chɛ nɛ kagbenefuli ba.

Nshɛ 32:8

Fo yɛ feeŋ ŋini ma ekpa nɛ meeŋ bɔla so. Feeŋ ji ma asoeto nseŋ keni ma so.

Nshɛ 42:8

Karechɛ kikɛ fee wora alela nna. Kanyɛso malɛ kikɛ fee sa ma kashɛ popɔr nna, a ŋini ma fo kasha nɛ k maa chɛrga na, nɛ k la ma kabɔrɛkule a yɔ fo kutɔ. Enyɛnpe Ebɔrɛ, fo wɔ ŋkpa to nna.

Nshɛ 46:5

Ŋkpal Ebɔrɛ ka wɔ kadegboŋ na to so, shɛŋ shɛŋ maa gbuŋgbuŋ kumo. Kachipurdidi kikɛ e bee chɛ kumo to nna.

Nshɛ 5:8

Enyɛnpe Ebɔrɛ, juŋkpar ma ŋkpal fo ka bee wora asheŋ niŋiso so. Ŋini ma fo ekpa niŋiso na, ŋkpal ŋ ka kɔ bedoŋ damta so.

Nshɛ 59:16

Ama ma ere beeŋ boŋ kasha a laŋɛ fo Ebɔrɛ be eleŋgboŋ na be kaplɛa so. Chipurso kikɛ, meeŋ boŋ kashɛ a laŋɛ fo kasha be kaplɛa so. Ŋkpal manɛ so, fo e la ma ekumpo, kakpa nɛ mee shile a ŋana ashi tɔrɔ be jemanɛ.

Nshɛ 86:4

Shin nɛ fo kayɛrbi be kagbene e fuli mo; ŋkpal ŋ ka shi ma kagbene to a kule fo so.

Nshɛ 90:14

Kachipurso kikɛ, shin nɛ fo kasha nɛ k maŋ kɔ ekar na e kukwe anyi, saŋɛ na so, anyeeŋ baa ta kagbenefuli a boŋ nshɛ anyi be kebaawɔtɔ kikɛ to.

Aizaaya 30:21

Nɛ fanɛ men foe ekpa a yɔ jisoso ŋko bena so gba, menyeeŋ nu mbe ebɔl menyi be kamanto ka bee kaŋɛ le: “Ekpa na nde. Men bɔla kumo so.”

Aizaaya 48:17

Kusɔ nɛ Enyɛnpe, Israɛl be Ebɔrɛ cheembi, nɛ e mɔlga menyi na kaŋɛ nde: “Ma e la Enyɛnpe menyi be Ebɔrɛ, nɛ mee sha keŋini menyi asheŋ ŋkpal menyi be nɛnɛ so, nseŋ juŋkpar menyi ekpa nɛ menyeeŋ baa bɔla so a wora asheŋ.

Nfabel 3:41

Men shin nɛ an bugi anyi be ŋgbene n sa Ebɔrɛ nɛ e wɔ ebɔrɛso na nseŋ kaŋɛ mo le:

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Demujipoana 13:12

Ndoŋ nna Manoa naŋ bishi mo: “Nɛ fo kusɔ nɛ fo kaŋɛ na kaŋ wora kashenteŋ, manɛ nɛ kebia na beeŋ ba kaa wora? Nuso be kebaawɔtɔ nɛ e beeŋ ba kaa kɔ?”

1 Samuɛl 23:12

Nɛ Deevid naŋ bishi le: “Kiilaebi beeŋ ta ma nɛ ma basa m bɔɔ Sɔɔl enɔ a?” Nɛ Enyɛnpe Ebɔrɛ yɛ: “Mm, baaŋ wora loŋ.”