Nshɛ 143:7 - EBƆRƐ BE KAWƆL

⁷ Jande Enyɛnpe Ebɔrɛ, nu ma kabɔrɛkule manaŋ! Ma tama kikɛ loge. Sa maŋ pal kaman n sa ma. Nɛ mannɛ aloŋ meeŋ ya ti bumo nɛ b teŋ wu n yɔ bubuni to na so.

Nshɛ 143:7 ပူးပေါင်းရင်းမြစ်များ

Nshɛ 102:2

Sa maŋ ŋana ma so jemanɛ nɛ n wɔ tɔrɔ to. Kaŋ kusoe n nu ma kekule, nseŋ tuge ma manaŋ manaŋ.

Nshɛ 22:24

Ŋkpal manɛ so e maŋ pal kaman n sa bumo nɛ b wɔ awurfoŋ to na. E maŋ kplaŋ bumo so saŋɛ so nɛ b shu n tre mo na. E nu bumo be kushu nna.

Nshɛ 27:9

Jande sa maŋ pal kaman n sa ma, sa maŋ nya agbo n ju fo kenya n lɛ. Fo e la ma echɛtopo, amoso, ma Ebɔrɛ nɛ ma emɔlgapo; sa maŋ kplaŋ ma so ŋko n yige ma.

Nshɛ 28:1

Enyɛnpe Ebɔrɛ, fo e la kefaltagboŋ a kuŋ ma. Amoso, nu ma kekule nsaa maŋ kplaŋ ma so. Fo baŋ kplaŋ ma so, k maaŋ chɛr nɛ n wu n yɔ nchaŋ to.

Nshɛ 40:17

N la etirpo nɛ etentaŋasepo nna; m maaŋ tiŋ n wora shɛŋ. Ama ma asheŋ tir fo, Enyɛnpe Ebɔrɛ na. Fo e la ma emɔlgapo, amoso jande, nya manaŋ m ba mɔlga ma.

Nshɛ 69:17

Saŋ maŋ pal kaman n sa fo kenya. Jande nu ma kekule manaŋ, ŋkpal manɛ so, n wɔ tɔrɔ to nna.

Nshɛ 69:18

Ba mɔlga ma ashi bedoŋ be enɔ to.

Nshɛ 69:3

N shu n tre fo hale ma eleŋ kikɛ loge, nɛ ma ebɔl to wɔl. N mɛrge anishi ŋ keni fo ekpa, hale ma anishi bee kurge.

Nshɛ 70:5

N la etirpo nɛ etentaŋasepo nna, a maaŋ tiŋ n wora shɛŋ shɛŋ, ama Enyɛnpe, ma asheŋ tir fo. Fo e la ma emɔlgapo, amoso jande, ba mɔlga ma manaŋ.

Nshɛ 71:12

O Ebɔrɛ, sa maŋ barga ma n yɔ kufɔ; O ma Ebɔrɛ, ba manaŋ m ba chɛ ma to!

Nshɛ 84:2

Kumo to be keyɔ bee yɛlga ma ga! Enyɛnpe Ebɔrɛ na be bɔrɛlambu to be keyɔ wɔ ma kagbene to ga. N ta ma kagbene nɛ ma eyur kikɛ nna a boŋ nshɛ kagbenefuliso a sa Ebɔrɛ nɛ e wɔ ŋkpa to na.

Aŋasa 13:12

Tama nɛ k bee chɛr pɔɛŋ nsaa ba bee shin nɛ esa be aba bee pɔ mo nna, ama esa baa nya kusɔ nɛ e bee fin, k bee bar mo kagbenefuli nna.

Aizaaya 38:18

Esa kama nɛ e wɔ bubuni to maaŋ naŋ tiŋ ŋ kpaŋ fo; bubuni maaŋ naŋ tiŋ n yirda fo kashenteŋji.

Aizaaya 57:16

M maaŋ naaŋ nya agbo n wɔtɔ ma basa a wu bumo kulubi mbaanaayɔ. Ŋkpal manɛ so, ma e to bumo nsaa maa sha fanɛ bumo be aba e pɔ bumo.

Aizaaya 8:17

Enyɛnpe Ebɔrɛ na ta mbe kumu nna ŋ ŋana mbe basa so, ama amo nɛ amo kikɛ ma ere kraŋ yirda mo nseŋ ta ma tama n wɔtɔ mo to nna.

Luuk 21:26

Kufu beeŋ pɛ basa, hale nɛ b ya kaa chɛl ŋkpal emamachisheŋ nɛ baaŋ wu a ka beeŋ wora durnya ere to so, ŋkpal manɛ so, ebɔrɛso be eleŋana kikɛ beeŋ wea abarto.