Nshɛ 143:6 - EBƆRƐ BE KAWƆL

⁶ M maŋ ma enɔana so ashi kabɔrɛkule to a shoŋi fo nna, Kananɛ kasawule wɔlso bee sha nchu na nɛ ma kiyoyu gba bee shu a fin fo.

Nshɛ 143:6 ပူးပေါင်းရင်းမြစ်များ

Job be kawɔl 11:13

Job, yili fo kagbene kukoŋwule n sa Ebɔrɛ, nseŋ bɛta n yɔ mo kutɔ kabɔrɛkule to.

Job be kawɔl 7:2

An du fanɛ anya nɛ baa fin kiyoyul nɛ b chena to n wushi nna; An la beshumpo nɛ anyee jo anyi be kakɔka kenishipereso nna.

Nshɛ 42:3

M ma anishichubi e ki ma kapa nɛ kanyɛ be ajibi. Nɛ saŋkama basa bee bishi ma fanɛ nnɛ nɛ fo Ebɔrɛ na wɔ.

Nshɛ 44:20

An daŋ teŋ fo so nna, nseŋ ya kaa bunyaŋ efuli pɔtɛana so be agbirana,

Nshɛ 63:1

Enyɛnpe, fo e la ma Ebɔrɛ. Mee fin fo ma kagbene to kashenteŋto; fanɛ kananɛ meeŋ pere kenishi n fin nchu ketarso kpantaŋkpalaŋ ashi keshishɛrsawule so na.

Nshɛ 84:2

Kumo to be keyɔ bee yɛlga ma ga! Enyɛnpe Ebɔrɛ na be bɔrɛlambu to be keyɔ wɔ ma kagbene to ga. N ta ma kagbene nɛ ma eyur kikɛ nna a boŋ nshɛ kagbenefuliso a sa Ebɔrɛ nɛ e wɔ ŋkpa to na.

Nshɛ 88:10

Fo maa wora emamachisheŋ a sa bubuni. Bumo alɛ maa koso a kpaŋ fo.

Nshɛ 88:9

Ma alɛ shu nna m puŋi anishi, ŋkpal awurfoŋ nɛ kagbenejijaso. O Enyɛnpe Ebɔrɛ, fo nɛ mee maŋ ma enɔana so a shu a tre karechɛ kikɛ.

Ɛksodɔs 9:29

Nɛ Mosis malɛ kaŋɛ mo: “Ŋ kaŋ baŋ lar kade ere to na nɛ meeŋ maŋ ma enɔana so ŋ kule Enyɛnpe Ebɔrɛ nɛ e shin nɛ bɔrɛ na be keponte nɛ abɔrɛjembubi gbɛgbɛso na kikɛ e ku nɛ fo pin fanɛ durnya ere la Enyɛnpe Ebɔrɛ na peya nna.

Aizaaya 35:7

nɛ shishɛrpumpuŋ tushiso e ki apa, nɛ nsawule nɛ a wɔl a dese kikɛ e nya abuye amo so. Kakpa nɛ ejiŋkaamu daa wɔ na, beeŋ ki kakpa nɛ agasa nɛ achufitiri bee kɔr.

Baru lela nɛ Jɔn kute na 7:37

Kejigboŋ na be nshɛr na be lalaloge be kachɛ, kumo be kachɛgboŋ na ka fo nɛ Yesu niŋi to n yili ŋ kaŋɛ awɔrso: “Esa kama nɛ achukoŋ kɔ mo, e ba ŋ kutɔ m ba nuu.