Nshɛ 143:12 - EBƆRƐ BE KAWƆL

¹² Ŋkpal fo kasha nɛ k maa loge nɛ fo kɔ n sa ma so, mɔ ma doŋana kikɛ nseŋ mur bekama nɛ baa kɔrfɛ ma na; ŋkpal manɛ so, n la fo kayɛrbi nna.

Nshɛ 143:12 ပူးပေါင်းရင်းမြစ်များ

Nshɛ 116:16

O Enyɛnpe Ebɔrɛ, n la fo kayɛrbi kashenteŋto nna; kananɛ n nio shuŋ fo na nɛ ma alɛ gba bee shuŋ fo na. Fo e mɔlga ma ashi luwu to.

Nshɛ 119:94

Mɔlga ma, ŋkpal manɛ so, n la feya nna! Ma alɛ wora ania nna fanɛ meeŋ wora fo mbraana kasonu.

Nshɛ 52:5

Kashenteŋto, Ebɔrɛ beeŋ jija fo mbaanaayɔ; E beeŋ to m pɛ fo to ŋ gberge fo n lar fo laŋ to. E beeŋ tia fo ashi basa keniso be kasawule so.

Nshɛ 54:5

Feeŋ gberge ma doŋana kusoe, ŋkpal bumo be alubi nɛ b wora so. Feeŋ mur bumo ŋkpal fo kashenteŋji so.

Nshɛ 54:7

Ŋkpal manɛ so, fo mɔlga ma ashi ma awurfoŋ kikɛ to, nseŋ shin nɛ ŋ gbagba wu ma doŋana ka kɔ n tɔr.

Nshɛ 55:23

Ama fo Enyɛnpe Ebɔrɛ beeŋ ta basa nɛ b maa shu basa so na bre n lɛ kemaŋ chiŋgeliŋ nɛ k maŋ kɔ ekar na to, pɔɛŋ nɛ bumo be saŋɛ e fo. Ma ere yirda fo nna.

1 Samuɛl 25:29

Enyɛnpe Ebɔrɛ na beeŋ kuŋ fo ashi bedoŋ kama nɛ baa fin fo nɛ b mɔ na be enɔ to. E beeŋ kuŋ fo fanɛ kananɛ esa bee kuŋ mbe kpanjawu na. Ama fo doŋana na bre Ebɔrɛ beeŋ kpa bumo n ya lɛ fanɛ kananɛ baa ta ajembu a wɔtɔ ketababu to a kpa a lɛ na.

1 Samuɛl 26:10

Enyɛnpe Ebɔrɛ nɛ e la ma shɛdajipo ere be ketre to, n nyi fanɛ mo ere Enyɛnpe Ebɔrɛ na gbagba beeŋ shin nɛ Sɔɔl e wu saŋɛ ŋko kachɛ nɛ e yili n sa mo ŋko n shin nɛ b mɔ mo kena to.