Nshɛ 142:7 - EBƆRƐ BE KAWƆL

⁷ Lara ma ashi ebesa nɛ kafɔŋ to; saŋɛ na so, meeŋ kpaŋ fo ashi fo basa be nshɛr to, ŋkpal kelela nɛ fo wora ma so.

Nshɛ 142:7 ပူးပေါင်းရင်းမြစ်များ

Nshɛ 116:7

Ŋkpal Enyɛnpe Ebɔrɛ na ka wora ma kelela so, shɛŋ be asheŋ maŋ naa fɔŋ ma ashi ma kagbene to.

Nshɛ 119:17

Wora fo kayɛrbi kelela; saŋɛ na so meeŋ baa wɔtɔ nsaa wora fo kamalga kasonu.

Nshɛ 119:74

Bumo nɛ baa bunyaŋ fo beeŋ wu ma nɛ bumo be ŋgbene e fuli bumo ŋkpal ŋ ka ta ma tama n wɔtɔ fo kamalga to so.

Nshɛ 13:6

Enyɛnpe Ebɔrɛ, meeŋ boŋ kashɛ m maŋkura fo, ŋkpal fo ka wora ma kelela so.

Nshɛ 142:1

Mee shu a tre Enyɛnpe Ebɔrɛ nna; a kule mo fanɛ e wu ma kuwɔr.

Nshɛ 143:11

Enyɛnpe Ebɔrɛ, baa kɔ a kuŋ ma fanɛ kananɛ fo nase kɔnɔ na. Bɔla fo kumɔlga be eleŋ na so m mɔlga ma ashi etɔrɔ to.

Nshɛ 143:9

O Enyɛnpe Ebɔrɛ, mɔlga ma ashi bedoŋ be enɔ to, ŋkpal manɛ so, fo kutɔ nɛ mee ba nsaa nya kekuŋ.

Nshɛ 146:7

Mo e naa ji asheŋ nɛ amo be ekpa so a sa betirpo nsaa sa bumo nɛ akoŋ kɔ kusɔ jiso. Enyɛnpe Ebɔrɛ na e naa lara basa nɛ b ti ebu ashi kabuti to.

Nshɛ 31:8

Fo maŋ yige ma n wɔtɔ ma doŋana be enɔ to. Ama fo sɔ ma n yige, nɛ n nya ma kumu a ji.

Nshɛ 34:2

Meeŋ fur mo ŋkpal kusɔ nɛ e wora so, nɛ bekama nɛ baa ji awurfoŋ na e nu kumo be loŋ nɛ bumo be ŋgbene e fuli bumo.

Nshɛ 38:20

Baa ta kulubi nna a ka ma kelela be kukɔ, nsaa malga a gbiti ma ŋkpal ŋ kaa bee wora alela so.

Nshɛ 9:14

nɛ n yili Jerusalɛmebi be anishito n fur fo ŋ kaŋɛ asɔ nɛ fo wora, nseŋ ji eyur ŋkpal fo kumɔlga so.

Nshɛ 9:3

N doŋana baŋ wu fo, baa kilgi nna a shile, nsaa fiti a tɔr a wu.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Ashuŋ Shunso 2:24

Ama Ebɔrɛ naŋ shin nɛ e tiŋi luwu na to n sɔ mo luwu be ebesa to n yige, ŋkpal manɛ so, luwu daa maŋ tiŋ n shin nɛ e ka kumo be enɔ to kikɛ.

Jeems 5:11

Basa nɛ b daŋ ji loŋ be kanyiti a yil to na nɛ anyee kaŋɛ fanɛ b wɔ nɛfa to. Job le, men nu kananɛ e daŋ ji kanyiti tɔrɔ to, nɛ amo be kaman kananɛ Ebɔrɛ daŋ shin nɛ e nu ebel na ŋko? Kashenteŋto, an Nyɛnpe bee shu anyi so ga nsaa wu anyi kuwɔr.