Nshɛ 142:1 - EBƆRƐ BE KAWƆL

¹ Mee shu a tre Enyɛnpe Ebɔrɛ nna; a kule mo fanɛ e wu ma kuwɔr.

Nshɛ 142:1 ပူးပေါင်းရင်းမြစ်များ

1 Kronikɛls 4:10

Ama Jabez daŋ kule Israɛl be Ebɔrɛ na nna ŋ kaŋɛ le: “Ebɔrɛ, nɛfa ma nseŋ shin nɛ ma kasawule e wora keshi ga. Baa wɔ ŋ kutɔ nsaa kuŋ ma ashi kulubi to, saŋɛ na so ebesa maaŋ ba ma so.” Nɛ Ebɔrɛ wora kusɔ nɛ e kule na gbagba n sa mo.

Nshɛ 141:1

O Enyɛnpe Ebɔrɛ, fo nɛ mee shu a tre; nya manaŋ m ba chɛ ma to! Jande nu ma kekule ere.

Nshɛ 28:2

Jande, nu ma kekule, saŋɛ so nɛ m maŋ ma enɔana so n shoŋi fo bɔrɛlambu cheembi na a bunyaŋ fo nsaa kule fo, a fin kechɛto ere.

Nshɛ 30:8

Fo Enyɛnpe Ebɔrɛ na nɛ mee shu a tre, fanɛ fo wu ma kuwɔr.

Nshɛ 32:1

Kagbenefuli la bekama nɛ Ebɔrɛ ta bumo be alubi m paŋ bumo na peya nna. Bumo nɛ e ta bumo be aworandeso ŋ kɛ bumo na.

Nshɛ 54:1

Enyɛnpe Ebɔrɛ, ta fo eleŋ na m mɔlga ma, ŋ ŋini fanɛ m maŋ wora n jija.

Nshɛ 57:1

Enyɛnpe Ebɔrɛ, jande wu ma kuwɔr. Wu ma kuwɔr, ŋkpal manɛ so fo kutɔ nɛ mee nya kekuŋ. Fo aba to nɛ mee shile a ŋana nɛ kenishipere e choŋ pɔɛŋ nɛ n lar.

Hibruwebi 11:38

Le be basa ere kikɛ, durnya be kelela daa maŋ fo bumo peya so, amoso bumo be beko daa na kiyi to nna nɛ abeeana so nɛ abeelaŋana to nɛ amaŋana to nna.

1 Samuɛl 24:3

E daŋ ba kebeelaŋ ko nɛ k mata mbolpɔ be aluu nɛ a mata ekpa na nna nseŋ luri ndoŋ nɛ e ya jɔŋɛ. Loŋ be saŋɛ na nɛ Deevid nɛ mbe basa malɛ ŋana loŋ be kebeelaŋ na be ŋkpar to.

1 Samuɛl 24:4

Nɛ Deevid be basa na kuli ŋ kaŋɛ mo le: “Ekpa bugi n sa fo alɛ gba naniere nna na! Enyɛnpe Ebɔrɛ kaŋɛ fanɛ e beeŋ ta fo doŋ n wɔtɔ fo enɔ to nɛ fo wora mo kusɔ kama nɛ fee sha.” Ndoŋ nna nɛ Deevid pete n ya ku Sɔɔl be piŋi be keyɛlbi nɛ Sɔɔl maŋ nyi.