Nshɛ 140:7 - EBƆRƐ BE KAWƆL

⁷ O Enyɛnpetale Ebɔrɛ, fo la ma emɔlgapo lempo, fo e naa kuŋ ma ashi kekɔ nɛ bedoŋ bee kɔ ma kikɛ to.

Nshɛ 140:7 ပူးပေါင်းရင်းမြစ်များ

2 Samuɛl 8:14

Deevid daŋ yige mbe benapo ko ashi Edɔm be efuli so nna, nɛ ndoŋebi bee shuŋ mo. Kaplɛkama malɛ nɛ Deevid baaŋ yɔ, Enyɛnpe Ebɔrɛ na bee chɛ mo to nna nɛ e bee kɔ a pɔɔ so.

2 Samuɛl 8:6

Deevid daŋ yige mbe benapo na be beko nna ashi Damaskɔs, nɛ Siriyaebi na sɔ Deevid fanɛ bumo be ewura nsaa ka lampo a sa mo. Kaplɛkama nɛ ewura Deevid daŋ baŋ yɔ Enyɛnpe Ebɔrɛ daa shin nna nɛ e bee kɔ a pɔɔ so.

Nshɛ 144:10

Fo e naa shin nɛ bewura bee kɔ a pɔɔ so, fo e naa kɔ a mɔlga fo kayɛrbi, Ewura Deevid ashi kena to.

Nshɛ 18:35

Mo e naa kuŋ ma nsaa mɔlga ma. Mbe enɔ lempo na e naa pɛ ma to. Mbe kechɛto so nɛ e ki esagboŋ.

Nshɛ 27:1

Enyɛnpe Ebɔrɛ na e la ma kefulto, mo alɛ e naa mɔlga ma; amoso maaŋ ŋana esa kikɛ. Enyɛnpe Ebɔrɛ na du fanɛ ekuŋkpagboŋ nna a kuŋ ma; amoso maa lɔ kufu.

Nshɛ 31:15

Ma ŋkpa wɔ fo enɔ to nna. Mɔlga ma ashi ma doŋana nɛ b ju a buu ma so saŋkama na kutɔ.

Nshɛ 59:17

Meeŋ boŋ nshɛ n fur fo. Fo e la ma ekumpogboŋ nsaa sha ma.

Nshɛ 62:2

Mo e la kefaltagboŋ nɛ emɔlgapo. Mo e la ma ekuŋkpa lempo a kuŋ ma.

Nshɛ 62:7

Mo e naa mɔlga ma nsaa sa ma kemaŋkura. Mo e la kefaltagboŋ nɛ mee nya kekuŋ ashi kumo so na.

Nshɛ 89:26

Ndoŋ nna nɛ e kaŋɛ ma le: ‘Fo e la n tuto nɛ ma Ebɔrɛ; Fo e la ma ekumpo nɛ ma emɔlgapo.’

Nshɛ 95:1

Men ba nɛ an boŋ kagbenefuli be nshɛ n sa Enyɛnpe Ebɔrɛ nɛ e bee kuŋ anyi na.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.