Nshɛ 140:6 - EBƆRƐ BE KAWƆL

⁶ O Enyɛnpe Ebɔrɛ, fo e la ma Ebɔrɛ. Jande nu ma kekule nseŋ chɛ ma to!

Nshɛ 140:6 ပူးပေါင်းရင်းမြစ်များ

Nshɛ 116:1

Mee sha Enyɛnpe Ebɔrɛ na, ŋkpal e kaa bee nu ma kekule so. Ŋ ka kule mo fanɛ e wu ma kuwɔr, e daŋ nu ma kabɔrɛkule nna.

Nshɛ 119:57

Fo, Enyɛnpe Ebɔrɛ na e la ma kusɔ kikɛ. N nase kɔnɔ fanɛ meeŋ wora fo mmalga kasonu.

Nshɛ 130:2

Nu ma kekule, nseŋ wu ma kuwɔr n chɛ ma to!

Nshɛ 142:4

M baŋ keni ŋ kulti, mee wu fanɛ esa kikɛ maŋ wɔtɔ nɛ e chɛ ma to, esa kikɛ maŋ wɔtɔ nɛ e kuŋ ma. Ma asheŋ malɛ maŋ tir esa kikɛ.

Nshɛ 142:5

Fo Enyɛnpe Ebɔrɛ na, nɛ mee kule nɛ fo chɛ ma to! Fo Enyɛnpe Ebɔrɛ na e la ma ekumpo. Fo nawule nɛ mee fute a yigeso ashi ma kebaawɔtɔ to.

Nshɛ 143:1

Jande Enyɛnpe Ebɔrɛ, nu ma kekule! Nu ma kushu nseŋ wu ma kuwɔr. Bɔla fo kashenteŋji nɛ kebaawɔtɔ niŋiso so n sɔ ma n yige.

Nshɛ 16:2

Enyɛnpe, Fo e la ma Ebɔrɛ Asɔ lela nɛ ŋ kɔ kikɛ shi fo kutɔ nna.

Nshɛ 31:14

Ama ma yirda deŋ fo so nna. Enyɛnpe, fo e la ma Ebɔrɛ.

Nshɛ 57:7

Mee ji kashenteŋ nna a sa fo, nɛ feeŋ tiŋ n yirda ma. Meeŋ boŋ kashɛ nseŋ laŋ alaŋsɔ n sa fo ma, Ebɔrɛ na.

Nshɛ 64:1

Enyɛnpe Ebɔrɛ, nu ma nfubel, nseŋ kuŋ ma ashi bedoŋ be enɔ to.

Nshɛ 91:2

Kumo be kaman nɛ e kaŋɛ Enyɛnpe Ebɔrɛ na le: “Fo nɛ mee shile n ya kaa mata nɛ fee kuŋ ma, fo e la ma Ebɔrɛ nɛ n yirda fo.”

Jɛremaya 18:22

Enyɛnpe Ebɔrɛ, basa ere kur amaŋ nna fanɛ n tɔr amo to nseŋ naŋ fe ajigbelɛ a jo ma. Jemanɛ nɛ bedoŋ be benapo beeŋ ba kɔ bumo kena ashi bumo be elaŋana to na, shin nɛ kufugboŋ e tɔr bumo so nɛ b baa shu a boŋ to.

Nfabel 3:24

Kusɔ nɛ mee kaŋɛ ma kagbene to e la: “Enyɛnpe Ebɔrɛ na e baa la ma; mo nɛ meeŋ tiŋ n ta ma tama n to so!”

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”