Nshɛ 140:13 - EBƆRƐ BE KAWƆL

¹³ Kashenteŋto, basa nɛ bumo be asheŋ woraso niŋi beeŋ baa wɔ fo kutɔ a kpaŋ fo ketre na.

Nshɛ 140:13 ပူးပေါင်းရင်းမြစ်များ

Job be kawɔl 36:6

E maa sa alubiworapoana ekpa fanɛ b baa wɔtɔ mbaanaayɔ, e bee ji asheŋ nɛ amo be ekpa so a sa basa nɛ beko bee tɔrɔ bumo na.

Nshɛ 11:7

Ŋkpal manɛ so, Enyɛnpe Ebɔrɛ na bee wora asheŋ nɛ amo be ekpa so nna nsaa sha kashenteŋji. Bumo nɛ baa wora asheŋ niŋiso e naŋ baa wɔ mo kutɔ.

Nshɛ 16:11

Fo shin nɛ m pin fo ŋkpa be ekpa na. Fo kebaawɔ ma kutɔ, e naa shin nɛ ma kagbene bee fuli ga saŋkama.

Nshɛ 23:6

Kashenteŋto, feeŋ baa wora ma kelela, nsaa ŋini ma kasha, jemanɛ nɛ n wɔ ŋkpa to kikɛ. Meeŋ chena Enyɛnpe Ebɔrɛ be laŋ to hale mbaanaayɔ.

Nshɛ 32:11

Amoso, menyi bekama nɛ menyee wora asheŋ niŋiso na; e shin nɛ men be ŋgbene e fuli menyi nɛ men ji eyur; ŋkpal kusɔ nɛ Enyɛnpe na wora so. Menyi nɛ menyee wora mo kasonu na e boŋ nshɛ kagbenefuliso.

Nshɛ 35:10

Nseŋ ta ma kagbene kikɛ ŋ kaŋɛ Enyɛnpe na le: “Esa kama maŋ du fanɛ fo. Fo e naa kuŋ bepɔshipo ashi belempo be enɔ to, nsaa mɔlga betirpo ashi basa lempo be kamɛaŋ to.”

Nshɛ 73:24

Fo kasotoji e daa ŋini ma kananɛ meeŋ baa wora asheŋ, kumo be lalaloge nɛ fo ba ta ma n yɔ kemaŋkura to.

Nshɛ 97:12

Menyi nɛ men wɔ kebaawɔtɔ niŋiso to e shin nɛ menyi be ŋgbene e fuli menyi ŋkpal kusɔ nɛ Enyɛnpe Ebɔrɛ na wora so. Men baa nyiŋi kusɔ nɛ Ebɔrɛ cheembi na bee wora nsaa di mo epaŋ.

Aŋasa 22:23

Ŋkpal manɛ so Enyɛnpe Ebɔrɛ na e naŋ chɛ bumo to, nseŋ tɔrɔ bekama nɛ b tɔrɔ bumo na n tal to.

Aizaaya 3:10

Kaŋɛ basa nɛ b niŋi na fanɛ asheŋ beeŋ nite nɛnɛ n sa bumo ere. Baaŋ nya bumo be kegben be tɔnɔ.

Baru lela nɛ Jɔn kute na 14:3

Ma alɛ kaŋ yɔ n ya lɔŋɛ kaboŋ na n yili menyi n loge, meeŋ naŋ bɛta m ba keta menyi n yɔ ŋ kutɔ, saŋɛ na so kakpa nɛ n wɔ, menyi alɛ gba beeŋ ya kaa wɔ ndoŋ.

Baru lela nɛ Jɔn kute na 17:24

“Etuto, mee sha fanɛ bumo nɛ fo ta m bɔɔ ma enɔ na e ba kaa wɔ kakpa nɛ meeŋ ya kaa wɔ na n tiŋ n wu ma kemaŋkura nɛ fo sa ma ŋkpal fo ka fara a sha ma pɔɛŋ nɛ durnya jɔŋɛ na so.

1 Tɛsalɔnikaebi 4:17

Kumo be kaman, baaŋ chala anyi nɛ an yirda nseŋ kraa wɔ ŋkpa to na n ti bumo nɛ b yirda pɔɛŋ nseŋ wu na so nɛ an kikɛ e ya tu Enyɛnpe na awɔlpa to, nɛ anyi nɛ Enyɛnpe na e baa wɔtɔ saŋkama mbaanaayɔ.