Nshɛ 14:2 - EBƆRƐ BE KAWƆL

² Enyɛnpe Ebɔrɛ wɔ ebɔrɛso a keni a fin fanɛ basa ko wɔtɔ a nyi asheŋ nsaa fin mo a?

Nshɛ 14:2 ပူးပေါင်းရင်းမြစ်များ

Jɛnesis 11:5

Ndoŋ nna nɛ Enyɛnpe Ebɔrɛ ba wu kadegboŋ na nɛ ketempreŋ jeŋgreŋ nɛ basa na daa pɔr na

Jɛnesis 18:21

Amoso nɛ mee yɔ nɛ n ya keni fanɛ asheŋ nɛ b yɛ baa wora na kikɛ la kashenteŋ nna a. Saŋɛ na so meeŋ pin kusɔ nɛ k wɔtɔ.”

Jɛnesis 6:12

Ndoŋ nna nɛ Ebɔrɛ wu fanɛ durnya jija, ŋkpal manɛ so, basa be asheŋ lubi sɔ durnya to kikɛ nyam nna nɛ dimɛdi be asheŋ woraso kikɛ ki kulubi.

2 Kronikɛls 19:3

Ama amo nɛ amo kikɛ asheŋ lela ko wɔ fo to. Fo jija kegbirche Ashira be mpɔrduli nɛ basa bee shuŋ na kikɛ, fo alɛ gbagba nsaa wora ania a bɛ Ebɔrɛ be ekpa so.”

2 Kronikɛls 30:19

E yɛ: “O! Enyɛnpe an nananyɛnana be Ebɔrɛ nɛ fo walɛ, ta bekama nɛ baa shuŋ fo nɛ kagbene koŋwule na be alubi m paŋ bumo, hale b ka maŋ walɛ so daŋkare be ekpa so kikɛ ere gba.”

Job be kawɔl 15:14

Dimɛdi kikɛ maŋ wɔtɔ nɛ e maŋ wora kulubi nsaa la esa niŋiso Ebɔrɛ be anishito.

Nshɛ 107:43

Ekama nɛ e kɔ kanyiasheŋ, e baa nyiŋi asheŋ ere nsaa fɛ Enyɛnpe Ebɔrɛ na be kasha nɛ k maa loge na be asheŋ.

Nshɛ 11:4

Enyɛnpe Ebɔrɛ na wɔ mbe bɔrɛlambu cheembi na to. E tase mbe kuwurputi so ashi ebɔrɛso nna a keni basa kaplɛkama. E bee wu kusɔ nɛ ekama bee wora.

Nshɛ 69:32

Betirpo beeŋ wu kumo be loŋ nɛ bumo be ŋgbene e fuli bumo. Saŋɛ na so basa nɛ baa bunyaŋ Enyɛnpe na beeŋ nya keleŋto.

Nshɛ 82:5

Menyi be ekama maŋ nyi shɛŋ ŋko a pin asheŋ to! Tentembiri to nɛ men wɔ a nite a kulti; saŋɛ so nɛ durnya kikɛ be gbaltɔlase bee gbuŋgbuŋ.

Nshɛ 92:6

Esa nɛ e maŋ nyi asheŋ maa pin fo asheŋ to; ewulpo malɛ maaŋ tiŋ m pin amo to fanɛ,

Aŋasa 2:9

Nɛ fee nu ma mmalga, feeŋ pin kusɔ nɛ k walɛ nɛ kusɔ nɛ k niŋi ekpa nɛ kusɔ nɛ k daga fanɛ fo baa wora.

Aŋasa 8:5

Menyee wora abibisheŋ nna a? Men nya kenimufɛra. Men wuli nna ŋko? Men wora nfɛra.

Aŋasa 9:16

“Basa nɛ b maa pin asheŋ to manaŋ manaŋ, e luri m ba.” Nsaa kaŋɛ bewulpo malɛ le:

Aŋasa 9:4

“Menyi nɛ men maa pin asheŋ to manaŋ manaŋ na e luri m ba.” Nseŋ kaŋɛ bewulpo malɛ le:

Aizaaya 27:11

Kumo to be ndibi be ayabi bee wɔl nna a buri a tɔr nɛ beche bee kil amo a puga edɛ. Ŋkpal basa na ka maŋ pin asheŋ to na so, Ebɔrɛ nɛ e to bumo na maaŋ wu bumo kuwɔr ŋko n shu bumo so.

Aizaaya 55:6

Men fin Enyɛnpe Ebɔrɛ na nseŋ kule mo saŋɛ nɛ e taga menyi to ere.

Aizaaya 63:15

Enyɛnpe Ebɔrɛ, jande chena fo kuwurputigboŋ na so ashi fo kakpa cheembi nɛ k kɔ kemaŋkura na ŋ keni kusɔ nɛ k bee wora anyi. Fo shɛŋ maŋ naa wɔ anyi to nna a? Nnɛ nɛ fo eleŋgboŋ na wɔ? Ŋini anyi fanɛ anyi be asheŋ tir fo nseŋ wu anyi kuwɔr!

Aizaaya 64:1

Enyɛnpe Ebɔrɛ, bugi awɔlpa to nseŋ gbelge m ba nɛ kufu e pɛ abee nɛ a baa chicha.

Aizaaya 8:19

Ama basa beeŋ kaŋɛ menyi fanɛ men yɔ bekpalpo nɛ belejipo nɛ baa gbar a jugeto na kutɔ n ya bishi so n nu abɔya nɛ a wɔtɔ. Baaŋ kaŋɛ le: “Basa bee yili bumo nɛ b wɔ ŋkpa to be katelamu to nna a bishi abɔya ashi ayoyu nɛ bubuni kutɔ.”

Jɛremaya 4:22

Ndoŋ nna nɛ Enyɛnpe Ebɔrɛ na kaŋɛ le: “Ma basa maŋ kɔ nfɛra, bumo alɛ maŋ naa nyi ma. B du fanɛ mbia wulpo nɛ b maa pin asheŋ to nna. Asheŋ lubi be kebaawora nɛ b nyi ga, ama asheŋ lela bre b maŋ nyi amo be kewora.”

Jɛremaya 5:1

Jerusalɛm to be basa, men nite agbembi so ŋ keni kusɔ nɛ k bee wora, Men keni ŋ kulti, menyi gbagba beeŋ wu fanɛ esa ko wɔtɔ a wora kusɔ nɛ keniŋi nsaa wora ania fanɛ e beeŋ baa ji kashenteŋ a sa Ebɔrɛ a? Menyeeŋ wu loŋ be esa ashi kakpa nɛ menyi bee ji kebɛ a? Nɛ men kaŋ nya loŋ be esa ma, Enyɛnpe Ebɔrɛ na beeŋ ta Jerusalɛm be basa be alubi m paŋ bumo.

Nfabel 3:50

n ya fo fanɛ Enyɛnpe Ebɔrɛ na ka beeŋ shi ebɔrɛso n to kenishi ŋ keni n wu anyi nseŋ chɛ anyi to.

Danɛl 12:10

Basa damta beeŋ lara alubi ashi bumo be ŋgbene to. Basa lubi bre maa ba nɛ b pin asheŋ to kikɛ, b kraa beeŋ lubi gba n ti so. Ama bekama nɛ b nyi asheŋ bre, beeŋ nya asheŋ be kepinto.

Matiu 13:15

Ŋkpal bumo be ŋgbene ka du kpakpa so, b ti bumo be asoe so nseŋ buu bumo be anishi so. Nɛ mannɛ aloŋ, bumo be anishi beeŋ bugi asheŋ be kewuto nɛ bumo be asoe e bugi asheŋ be kenuto nɛ bumo be ŋgbene e bugi asheŋ be kepinto. Ebɔrɛ yɛ: Loŋ na, baaŋ ba ma kutɔ nɛ n lara bumo ashi bumo be kebaawɔtɔ dra to n sa bumo kebaawɔtɔ popɔr.’

Romebi 3:11

Esa kikɛ maŋ wɔtɔ a pin asheŋ to, ekama malɛ maŋ naa wɔtɔ a kɔ a fin Ebɔrɛ.

Hibruwebi 11:6

Nɛ esa malɛ baa maa kɔ yirda, e maaŋ tiŋ n wora Ebɔrɛ be aparsheŋ kikɛ, ŋkpal manɛ so, esa kama nɛ e ba Ebɔrɛ kutɔ, a daga fanɛ e fara n yirda fanɛ Ebɔrɛ wɔ ŋkpa to nsaa nɛfa bekama nɛ baa fin mo kenishipereso.