Nshɛ 139:23 - EBƆRƐ BE KAWƆL

²³ O Ebɔrɛ, mige ma to ŋ keni, m pin ma kagbene to; wora ma ŋ keni m pin ma nfɛra fɛso.

Nshɛ 139:23 ပူးပေါင်းရင်းမြစ်များ

Job be kawɔl 31:6

Ebɔrɛ e wora ma ŋ keni, e beeŋ wu fanɛ kulubi maŋ wɔ ma to.

Nshɛ 11:4

Enyɛnpe Ebɔrɛ na wɔ mbe bɔrɛlambu cheembi na to. E tase mbe kuwurputi so ashi ebɔrɛso nna a keni basa kaplɛkama. E bee wu kusɔ nɛ ekama bee wora.

Nshɛ 11:5

Enyɛnpe Ebɔrɛ na bee wora basa lela nna a keni. Ama e kishi kumu kpakpasowuraana nɛ baa sha alubi be kebaawora nsaa maa wu kuwɔr na nna.

Nshɛ 139:1

O Enyɛnpe Ebɔrɛ, fo e keni ma kagbene to, nseŋ pin ma nɛnɛ.

Nshɛ 17:3

Fo nyi ma kagbene to. Fo wora ma ŋ keni kanyɛso n wu fanɛ maŋ wora n jija. N yili kumo ma kagbene to fanɛ m maaŋ ku efɛ kikɛ.

Nshɛ 26:2

Enyɛnpe Ebɔrɛ, wora ma ŋ keni; mige ma asheŋ to ŋ keni ma nfɛra to.

Aŋasa 17:3

Edɛ nɛ baa ta a wora shuwa nɛ gbiti a keni a pin amo be kela; ama Enyɛnpe Ebɔrɛ na e naa wora dimɛdi be kagbene a keni.

Jɛremaya 11:20

Ndoŋ nna nɛ ŋ kule Ebɔrɛ ŋ kaŋɛ le: “Enyɛnpetale Ebɔrɛ, fo e naa ji asheŋ nɛ amo be ekpa so. Fo alɛ nyi basa be ŋgbene nɛ nfɛra kikɛ to. N ta demu ere nna a wɔtɔ fo enɔ to. Amoso ka basa ere kumo be kukɔ n sa ma.”

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Ditɛronɔmi 8:16

Mo koŋwule na e sa menyi ajibi nɛ baa tre ‘manna’ na ashi keshishɛrsawule na so nɛ men ji. Ajibi nɛ men nananyɛnana maŋ naŋ ji ŋ ku so na nɛ e sa menyi. Enyɛnpe Ebɔrɛ daŋ shin nna nɛ etɔrɔbi ba menyi so nɛ e wora menyi ŋ keni nɛ men yirda mo, saŋɛ na so, e beeŋ nɛfa menyi nɛ asɔ lela.

Ditɛronɔmi 8:2

Men baa nyiŋi kananɛ Enyɛnpe menyi be Ebɔrɛ na juŋkpar menyi ashi keshishɛrsawule so be enite tenteŋ to nfɛ adena nɛ a choŋ ere kikɛ. E daa sha kepin nna fanɛ kashenteŋto nɛ menyee sha kewora mo kasonu nseŋ ta menyi be amu n to mo so a?

1 Pita 1:7

Le be kechɔŋkeni ere bee ba menyi so nna nɛ a ba keni ŋko menyi be yirda na kɔ eleŋ a. Men baa nyi fanɛ hale shuwa nɛ k bee jija ere gba, baa kaa ta edɛ a wora kumo a keni. To, loŋ koŋwule na e daga fanɛ men be yirda mo nɛ k chɔ shuwa na gba, b ka chɔ kumo ŋ keni ŋko k beeŋ tiŋ n yili a. Saŋɛ na so baaŋ di menyi epaŋ nseŋ sa menyi kemaŋkura nɛ bunyaŋ kacha nɛ Ebɔrɛ beeŋ lara Yesu Kristo ŋ ŋini na.