Nshɛ 139:2 - EBƆRƐ BE KAWƆL

² Fo nyi jemanɛ nɛ mee wushi ŋko a shuŋ; n wɔ kufɔ a maŋ taga fo to gba fo nyi, fo nyi kusɔ nɛ k wɔ ma nfɛra to kikɛ.

Nshɛ 139:2 ပူးပေါင်းရင်းမြစ်များ

Jɛnesis 16:13

Ndoŋ nna nɛ Heega bishi mbe kumu le: “Ma alɛ e wu Ebɔrɛ nseŋ kraa wɔ ŋkpa to ere a?” Kumo be kaman nɛ e nase Enyɛnpe nɛ e daŋ malga mo kutɔ na ketre fanɛ “Ebɔrɛ nɛ e bee wu asheŋ.”

2 Bewura 19:27

Ama ma ere nyi kusɔ kama a laŋɛ fo kaplɛa so. N nyi kusɔ nɛ fee wora nɛ kakpa nɛ fee yɔ kikɛ. Ma alɛ naa nyi kananɛ fee nya agbo ga a wora ma.

2 Bewura 6:12

Nɛ benapo na be eko kaŋɛ le: “Yiramu, manɛ anyi be ekama nna. Elaisha nɛ e la anebi a wɔ Israɛl na e naa kaŋɛ Israɛl be ewura na kusɔ kama. Hale kusɔ kama nɛ fo kaŋɛ fo ebu to wulo to gba, e beeŋ tiŋ n wu ŋ kaŋɛ.”

Nshɛ 44:22

Ŋkpal fo so anyee luri luwu to nna saŋkikɛ. An du fanɛ mbolpɔ nɛ b gberge a yɔ nɛ b ya mɔ nna.

Nshɛ 56:8

Awurfoŋ nɛ mee ji kikɛ be asheŋ bɔɔ fo enɔ nna, nɛ fo nyi ma anishichubi nɛ a lar be asheŋ. Amo kikɛ maŋ belaŋ fo so.

Nshɛ 94:11

Enyɛnpe Ebɔrɛ na nyi dimɛdi kikɛ be nfɛra ka la nfɛra fuloŋ a maŋ kɔ tɔnɔ.

Aŋasa 15:3

Enyɛnpe Ebɔrɛ be anishi wɔ kaplɛkama nna, a wu kusɔ nɛ basa lubi nɛ belela kikɛ bee wora.

Aizaaya 37:28

Ama ma ere nyi kusɔ kama a laŋɛ fo kaplɛa so. N nyi kusɔ nɛ fee wora nɛ kakpa nɛ fee yɔ kikɛ. Ma alɛ naa nyi kananɛ fee nya agbo ga a wora ma.

Ezikɛl 11:5

Kumo be kaman nɛ Enyɛnpe Ebɔrɛ na be Kiyoyu kaŋɛ ma fanɛ Enyɛnpe Ebɔrɛ na yɛ: “Israɛl be basa, n nyi kusɔ nɛ menyee kaŋɛ nɛ asheŋ nɛ menyee kre menyi be nfɛra to kikɛ.

Ezikɛl 38:17

Nɛ Enyɛnpetale Ebɔrɛ na naŋ kaŋɛ le: “Fo asheŋ nɛ n daa malga dra dra jemanɛ nɛ n daŋ bɔla ma nyɛrbi, Israɛl be anebiana na so na, fanɛ kachako bee ba nɛ n shin nɛ esa ko e ba kɔ Israɛlebi kena na.

Zakareya 4:10

Bekama nɛ b keni kananɛ asheŋ fara gbrɛ gbrɛbi kabre ere jiga na kaŋ wu kejembu nɛ kumo be asheŋ tir ga ere ka bɔɔ Zerubabel enɔ na, baaŋ ji eyur kagbenefuliso Kumo be kaman nɛ malaika na naŋ kaŋɛ ma le: Efitilatɔl ashunu na e la Enyɛnpe Ebɔrɛ be anishi ashunu nɛ a bee keni a wu kusɔ kikɛ durnya ere kikɛ to na.”

Matiu 9:4

Ndoŋ nna nɛ Yesu pin bumo be nfɛra na nseŋ bishi bumo:

Luuk 9:47

Nɛ Yesu pin kusɔ nɛ b daa fɛ na nseŋ ta kebi ko n yili mbe kekel to nseŋ kaŋɛ bumo:

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

Ditɛronɔmi 31:21

Kumo be loŋ beeŋ shin nɛ kumu lubi gboŋgboŋi e ba bumo nɛ bumo be kaman to ebi so. Ama b kraa beeŋ baa boŋ kashɛ ere nɛ k baa ji shɛda a gbiti bumo. Pɔɛŋ nɛ meeŋ keta bumo n yɔ kasawule nɛ n nase kumo be kɔnɔ n sa bumo na gba so, n tea nyi kusɔ nɛ baa fɛ.”