Nshɛ 138:7 - EBƆRƐ BE KAWƆL

⁷ Nɛ etɔrɔ baŋ kulti ma n wɔtɔ gba, fo e naa kuŋ ma ashi bedoŋ nɛ b nya agbo n wɔtɔ ma be enɔ to. Fo gbagba be enɔ lempo na e naa shin nɛ mee nya ma kumu a ji.

Nshɛ 138:7 ပူးပေါင်းရင်းမြစ်များ

Job be kawɔl 13:15

Hale nɛ Ebɔrɛ bee sha kemɔ ma gba, ŋ kraa beeŋ yirda mo.

Nshɛ 17:7

Ŋini fo mamachi be kasha na. Fo enɔ lempo na nɛ fee ta a mɔlga bumo nɛ baa shile a ba fo kutɔ ashi bumo doŋana be enɔ to.

Nshɛ 18:17

E mɔlga ma ashi bedoŋ lempoana na be enɔ to, nɛ bumo nɛ b kishi ma nsaa chɔ ma eleŋ na kutɔ.

Nshɛ 18:18

Saŋɛ nɛ kenishipere tu ma na, nɛ b baa ka kɔ ma, nɛ Enyɛnpe Ebɔrɛ na kɔ n sɔ ma.

Nshɛ 18:35

Mo e naa kuŋ ma nsaa mɔlga ma. Mbe enɔ lempo na e naa pɛ ma to. Mbe kechɛto so nɛ e ki esagboŋ.

Nshɛ 20:6

N nyi geeŋ fanɛ Enyɛnpe Ebɔrɛ na beeŋ mɔlga mbe ewura lara so. E beeŋ yili mbe ebɔrɛso cheembi na n nu ma kekule nseŋ ta mbe enɔ lempo na m mɔlga ma.

Nshɛ 44:3

Mannɛ bumo gbagba be eleŋ nɛ akɔsɔ e daŋ shin nɛ b sɔ kasawule ere, ŋko n shin nɛ b kɔ m pɔɔ so. Ama ŋkpal fo kagbene ka fuli bumo so so, nɛ fo chɛ bumo to nɛ b kɔ m pɔɔ bumo doŋana so.

Nshɛ 56:9

Saŋkama nɛ m baŋ kule fo ndoŋana bee bɛta kaman nna. Kumo be loŋ e shin nɛ m pin fanɛ fo wɔ ma kutɔ.

Nshɛ 60:5

Enyɛnpe Ebɔrɛ, nu anyi be kekule nseŋ ta fo enɔ lempo na m mɔlga anyi nɛ an la fo basa shaso na.

Nshɛ 77:10

Ade be kaman nɛ n fɛ le: “Enyɛnpetale Ebɔrɛ, kusɔ nɛ k baa tɔrɔ ma ga e la fo ka maŋ naa ta fo eleŋgboŋ na a chɛ anyi to na.

Nshɛ 85:6

Naŋ sa anyi eleŋ nɛ anyi, nɛ an la fo basa na be ŋgbene e baa fuli fo so nɛ an baa kpaŋ fo.

Aizaaya 10:4

Baaŋ mɔ menyi kena to ŋko ŋ gberge menyi n yɔ kenyaya to. Ama amo nɛ amo kikɛ, Enyɛnpe Ebɔrɛ na be agbo maaŋ wushi. E kraa beeŋ baa sha kegberge menyi kusoe n ti so.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 5:25

Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.

Aizaaya 57:16

M maaŋ naaŋ nya agbo n wɔtɔ ma basa a wu bumo kulubi mbaanaayɔ. Ŋkpal manɛ so, ma e to bumo nsaa maa sha fanɛ bumo be aba e pɔ bumo.

Aizaaya 9:12

Enyɛnpe Ebɔrɛ na daŋ shin nna nɛ Siriya be benapo shi epeŋilarkpa nɛ Filisti be benapo malɛ shi epeŋitɔrkpa m bela ase m ba kɔ Israɛl be basa kena m mur bumo. Ama amo nɛ amo kikɛ Enyɛnpe Ebɔrɛ na be agbo kra maŋ wushi. E kraa shin nɛ e gberge bumo kusoe nna n ti so.

Aizaaya 9:17

Amoso Enyɛnpe Ebɔrɛ na maaŋ shin nɛ mbrantiɛfɔlbi na be ekama e nya n shile. Mo alɛ maaŋ wu bekulpoche nɛ amunibiana na be ekama kuwɔr. Ŋkpal manɛ so basa na kikɛ la amu kpakpaso wuraana nɛ b kini Ebɔrɛ nna. Bumo be malga kikɛ gba daa la asheŋ lubi be mmalga nna. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe n ti so nna.

Aizaaya 9:21

Manase be yiri to be basa nɛ Efrayim be yiri to be basa daa kɔ abar nna nseŋ naa chɛ abar to a kɔ Juda be yiri to be basa kena. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe nna n ti so.

Jɛremaya 51:25

Babilɔn, fo du fanɛ kebee nna a kɔ eleŋ ga a mur durnya kikɛ, ama ma, Enyɛnpe Ebɔrɛ na ki fo doŋ nna na. Meeŋ to m pɛ fo to ŋ gberge fo n lɛ kasawule nɛ fo bure to ŋ ki fanɛ ebirkesi ka bure to n deŋi abar so na.

Ashuŋ Shunso 2:33

Ebɔrɛ shin nɛ e tiŋi luwu to n ya chena mbe jisoso, ebunyampo be kakpa nseŋ shin nɛ e nya Kiyoyu Cheeŋ nɛ Etuto na nase kɔnɔ fanɛ e beeŋ sa na. Asɔ nɛ menyee wu nsaa nu naniere malɛ kikɛ la mbe kakɛ nna.