Nshɛ 138:3 - EBƆRƐ BE KAWƆL

³ Ŋ ka shu n tre fo, fo nu ma kekule nna nseŋ sa ma kenyɛn nɛ kagbene.

Nshɛ 138:3 ပူးပေါင်းရင်းမြစ်များ

Nshɛ 18:6

Nɛ n ta kebɔltofinfin n shu n tre Enyɛnpe Ebɔrɛ. N shu n tre ma Ebɔrɛ fanɛ e chɛ ma to; nɛ ma kushu tɔr mbe asoe to nɛ e yili mbe bɔrɛlambu to n nu ma ebɔl.

Nshɛ 27:14

Yirda Enyɛnpe Ebɔrɛ na. Baa kɔ eleŋ nseŋ nya kagbene a keni mbe anishito.

Nshɛ 28:7

Enyɛnpe Ebɔrɛ na e naa sa ma eleŋ nsaa kuŋ ma. N yirda mo kashenteŋto. E chɛ ma to n shin nɛ ma kagbene fuli ma. Amoso meeŋ ji eyur nseŋ boŋ nshɛ n di mo epaŋ.

Nshɛ 29:11

Enyɛnpe Ebɔrɛ na e naa sa mbe basa eleŋ, nsaa nɛfa bumo nɛ kagbenewushi.

Nshɛ 34:7

Enyɛnpe be emalaika bee kulti bekama nɛ baa bunyaŋ mo nna a wɔtɔ, nsaa mɔlga bumo ashi kenishipere to.

Nshɛ 63:8

M baa mar fo nna, nɛ fo enɔ lempo na, e baa kɔ ma to.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 65:24

Pɔɛŋ nɛ baaŋ kule ma kusɔ kama gba nɛ n tiŋ n nu bumo be kekule.

Nfabel 3:57

Nseŋ kaŋɛ ma fanɛ n sa maa lɔ kufu.

Danɛl 10:18

Nɛ malaika na naŋ pɛ ma to nɛ n naŋ nya eleŋ.

Danɛl 10:19

Ndoŋ nna nɛ e kaŋɛ le: “Ebɔrɛ bee sha fo, amoso sa maa fɔŋ shɛŋ shɛŋ so ŋko a lɔ kufu.” E ka malga loŋ n loge, nɛ n nya eleŋ nseŋ kaŋɛ le: “Jande, kaŋɛ ma kusɔ nɛ fee sha kekaŋɛ, ŋkpal manɛ so fo shin nɛ n naŋ nya eleŋ.”

Zakareya 10:12

Meeŋ naŋ wɔtɔ ma basa eleŋ to, nɛ b baa bunyaŋ ma nsaa wora ma kasonu. Ma, Enyɛnpe Ebɔrɛ na e malga na!”

Ɛfesesebi 3:16

Mee kule mo fanɛ e keni mbe kemaŋkura damta nɛ e kɔ na to m bɔla mbe Kiyoyu na to a ta eleŋ n leŋ menyi to ashi men be ŋgbeneana to

Ɛfesesebi 6:10

Ade kikɛ be kaman, men baa kɔ eleŋ Enyɛnpe na nɛ mbe eleŋgboŋ na to.

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

Kɔlɔsiebi 1:11

An be kabɔrɛkule e la fanɛ Ebɔrɛ e sa menyi eleŋgboŋ ashi mbe eleŋgboŋ na to nɛ men baa nyiti awurfoŋ kikɛ kagbenefuliso a chɔrɔ Etuto na ga,

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

1 Samuɛl 30:6

Ndoŋ nna nɛ kagbenejija tɔr Deevid so, nɛ mbe basa be ŋgbene kikɛ kaa bumo ŋkpal b ka paŋ bumo be mbia so. Nɛ baa kaŋɛ fanɛ baaŋ kpa Deevid ajembu m mɔ nɛ Enyɛnpe Ebɔrɛ nɛ e la mbe Ebɔrɛ na leŋ mo to ga.