Nshɛ 137:1 - EBƆRƐ BE KAWƆL

¹ An daŋ chena Babilɔn be elɔr na ase nna n nyiŋi Jerusalɛm be asheŋ nseŋ chena n shu ga.

Nshɛ 137:1 ပူးပေါင်းရင်းမြစ်များ

Ɛzra 8:21

Ahava be kabombi na ase nɛ ŋ kaŋɛ fanɛ a daga an kikɛ ka kishi nseŋ bar anyi be amu kaseto ashi Ebɔrɛ be anishito nseŋ kule mo nɛ e juŋkpar anyi nseŋ keni anyi nɛ anyi be mbia nɛ anyi be asɔ kikɛ so ashi anyi be enite to.

Ɛzra 8:31

Kufɔl juŋkparso na be kachɛ kudu anyɔsopo na nɛ an fara n shi Ahava be kabombi na ase a yɔ Jerusalɛm. Anyi nɛ anyi be Ebɔrɛ e daa la nɛ e daa kuŋ anyi nɛ an doŋana maaŋ kuŋ anyi ekpa n tu anyi ŋ kɔ ŋko beyu e kuŋ anyi ekpa n suge anyi be asɔ.

Nehemaya 2:3

Nɛ ŋ kaŋɛ mo le: “Yiramu, Ebɔrɛ e teŋi fo efute so! Ma kagbene maŋ fuli ma, ŋkpal manɛ so, kadegboŋ nɛ b puli n nanaana na bure a dese nɛ kumo be mbunagboŋana kikɛ ji edɛ.”

Nshɛ 42:4

M baŋ nyiŋi kananɛ n daa juŋkpar basa nɛ baa bɛ abar so a yɔ fo bɔrɛlambu to nsaa cha awɔr a boŋ nshɛ kagbenefuliso a bunyaŋ fo na, ma kagbene bee jija alegaiso nna.

Aizaaya 66:10

Menyi kikɛ nɛ menyee sha Jerusalɛm be kadegboŋ be asheŋ, men tu kumo n ji eyur! Menyi nɛ menyi be ŋgbene jija ŋkpal kumo so na e tu kumo n ji eyur naniere!

Jɛremaya 13:4

“Ta dɔkɔri na n yɔ Yufreetes be Lɔrgboŋ na ase n ya puli kefalta be kemaŋ to.”

Jɛremaya 15:17

N daa maŋ jija ma saŋɛ n tu basa pɔtɛ a mushe a ji ma kumu. Ama n nawule e daa wɔtɔ fanɛ kananɛ fo kaŋɛ na, nɛ kanya agbo wɔ ma kagbene to.

Jɛremaya 51:13

Efuli na so kɔ elɔr nɛ asɔ lela damta, ama kumo be saŋɛ fo nɛ kumo be kebaawɔtɔ a ku so.

Jɛremaya 8:19

Ma basa bee shu ashi efuli pɔtɛana so nna. Fo kaŋ kusoe, feeŋ nu b ka bee shu a kaŋɛ le: “Enyɛnpe Ebɔrɛ na maŋ naa wɔ Zayɔn be kebee nɛ k wɔ Jerusalɛm to na nna a? E maŋ naa la kumo be ewura nna a?” Nɛ Enyɛnpe Ebɔrɛ, nɛ e la bumo be ewura na kaŋɛ le: “Manɛ nna nɛ menyee shuŋ agbir; a jɔŋɛ asɔ nɛ e maŋ kɔ tɔnɔ ase a bunyaŋ amo, a shin nɛ ma kagbene bee kaa?

Nfabel 1:16

Amoso nɛ anyee shu anishichubi ga na. Esa kikɛ maaŋ tiŋ n lolo anyi n ti anyi kagbene, esa kikɛ malɛ maaŋ tiŋ n leŋ anyi to nɛ an naŋ nya kenyɛn. Ŋkpal manɛ so, an doŋana pɔɔ anyi so nɛ anyi maŋ naa kɔ shɛŋ kebaawɔtɔ to.

Nfabel 2:18

Jerusalɛmebi, men shu ŋgbene to ŋ ŋini Enyɛnpe Ebɔrɛ na. Kapa nɛ kanyɛ, men shin nɛ men be anishichubi e baa shile fanɛ lɔr na. Men shu hale nɛ men be ebɔl e ya fɛa!

Nfabel 3:48

Mee shu anishichubi damta nna, ŋkpal ma basa ka mur so.

Nfabel 3:51

Nɛ m baŋ wu kusɔ nɛ bedoŋ wora anyi be kadegboŋ to be beche kikɛ na, ma kagbene bee jija ma ga nna.

Ezikɛl 1:1

Ma ketre e la Ezikɛl nɛ n la bɔrɛmatapo nsaa la kanyɛn nɛ baa tre Buzi na pibinyɛn. B ka pɛ Juda be ewura nɛ baa tre Jehowachin nseŋ tintiŋ mo n yɔ Babilɔn be efuli so na be kafɛ nusopo to nɛ ma nɛ bumo nɛ b pɛ n ti mo so n yɔ na daa wɔ lɔr nɛ baa tre Kɛba na ase. Ma nfɛ adesa to be kufɔl nasopo to be kachɛ nusopo na nɛ Enyɛnpe Ebɔrɛ na be kubɔya ba ma kutɔ nɛ esoso bugi n shin nɛ ŋ ku bɔrɛdare ere.

Ezikɛl 3:15

Kumo be kaman nɛ m ba kakpa nɛ basa nɛ b pɛ anya n yɔ efuli pɔtɛ so na wɔ na ashi kebeebi nɛ baa tre ‘Tɛl Abib’ nɛ k dese m mata Lɔr nɛ baa tre Kɛba na ase na n ya tu bumo n chena nchɛ ashunu. Kusɔ nɛ n wu nseŋ nu ndoŋ na daŋ chinchiŋ ma nna.

Danɛl 9:3

Ndoŋ nna nɛ ŋ kishi nseŋ buu kagbenejijaso be asɔbuuso n chena nsunɔ to ŋ kule Ebɔrɛ kenishipereso.

Luuk 19:41

Yesu ka ba kaa taga to Jerusalɛm be kade na to nseŋ keni kumo,

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”