Nshɛ 136:1 - EBƆRƐ BE KAWƆL

¹ Men baa di Enyɛnpe Ebɔrɛ epaŋ ŋkpal e ka la esa lela so; mbe kasha nɛ k maa chɛrga na malɛ maa wora shɛŋ a gben.

Nshɛ 136:1 ပူးပေါင်းရင်းမြစ်များ

1 Kronikɛls 16:34

Men ta kechɔrɔ n sa Enyɛnpe Ebɔrɛ ŋkpal manɛ so, e walɛ, nɛ mbe kasha malɛ wɔtɔ mbaanaayɔ.

1 Kronikɛls 16:41

Heman nɛ Jedutum e daa la bumo be bechɛtopo, n ta bumo nɛ b daŋ lara fanɛ b baa boŋ nshɛ a maŋkura Enyɛnpe Ebɔrɛ ŋkpal mbe kasha ka maŋ kɔ ekarso na n ti so.

2 Kronikɛls 20:21

Ewura na ka malga basa na kutɔ n loge, nɛ e shin nɛ beshɛbompo ko ta epiŋi nɛ baa buu nchɛgboŋ achɛ na m buu n juŋkpar benapo na nsaa a boŋ nshɛ a kaŋɛ le, “Kemaŋkura e baa la Enyɛnpe Ebɔrɛ na peya! Mbe kasha wɔtɔ nna hale mbaanaayɔ!”

2 Kronikɛls 7:3

Israɛlebi na kikɛ ka wu edɛ na ka shi esoso m ba sɔ bɔrɛlambu na kikɛ to na, nɛ b gbir m bunyaŋ Ebɔrɛ a di mo epaŋ ŋkpal mbe kelela nɛ mbe kasha nɛ k wɔtɔ mbaanaayɔ so.

2 Kronikɛls 7:6

Israɛlebi na kikɛ daŋ niŋi to a yil nna. Bɔrɛmatapoana na daa yil kakpa nɛ b sa bumo na nna. Nɛ Livaiebi na malɛ yili ŋ kilgi anishito n shoŋi bumo nsaa laŋ alaŋsɔ nɛ ewura Deevid sa bumo na a maŋkura Enyɛnpe Ebɔrɛ a boŋ nshɛ a kaŋɛ: “Mbe kasha wɔtɔ nna mbaanaayɔ!” Bɔrɛmatapoana na malɛ daa foŋ mbel nna.

Ɛzra 3:11

Le be kapandi be kashɛ nɛ b daa boŋ a fur Enyɛnpe Ebɔrɛ na: “Enyɛnpe Ebɔrɛ na walɛ; Kasha nɛ e kɔ n sa Israɛl na maŋ kɔ ekar.” Ndoŋ nna nɛ basa na kikɛ fara a kpaŋ Enyɛnpe Ebɔrɛ na awɔrso, ŋkpal b ka tɔl mbe lambu na be gbaltɔlase so.

Nshɛ 100:5

Enyɛnpe Ebɔrɛ na walɛ ga! Mbe kasha nɛ k maa loge na, nɛ mbe kashenteŋji malɛ wɔtɔ nna mbaanaayɔ.

Nshɛ 103:17

Enyɛnpe Ebɔrɛ na bee lara mbe kasha nɛ k maa chɛrga na a ŋini bekama nɛ baa bunyaŋ mo mbaanaayɔ nna; mo alɛ nsaa wora a bɔlɔ mbe nnɔ naseso so a sa bumo be kaman to ebi

Nshɛ 105:1

Men baa di Enyɛnpe Ebɔrɛ na epaŋ nsaa kule Ebɔrɛ ashi mbe ketre to! Men baa kaŋɛ efuli kikɛ so ebi kusɔ nɛ e wora be asheŋ.

Nshɛ 106:1

Men kpaŋ Enyɛnpe Ebɔrɛ na! Men ta kechɔrɔ n sa Enyɛnpe Ebɔrɛ, ŋkpal manɛ so, e walɛ nna nɛ mbe kasha malɛ maa chɛrga hale mbaanaayɔ.

Nshɛ 107:1

Men di Enyɛnpe Ebɔrɛ na epaŋ, ŋkpal manɛ so, e walɛ, nɛ mbe kasha nɛ k maa chɛrga na, malɛ wɔtɔ mbaanaayɔ.

Nshɛ 118:1

Men di Enyɛnpe Ebɔrɛ na epaŋ, ŋkpal manɛ so, e walɛ nɛ mbe kasha nɛ k maa chɛrga na malɛ wɔtɔ mbaanaayɔ.

Nshɛ 119:68

Fo la esa lela nna nɛ fo asheŋ woraso kikɛ la asheŋ lela; amoso ŋini ma fo mbraana.

Jɛremaya 33:11

kagbenefuli be nshɛ nɛ basa beeŋ baa boŋ ashi kejigboŋ be nshɛrana nɛ ajafɔ to. Fo alɛ beeŋ nu basa ka bee boŋ nshɛ jemanɛ nɛ b kɔ bumo be kapandi be esarga a ba ma bɔrɛlambu to na. Baaŋ baa kaŋɛ le: ‘Kechɔrɔ e baa la Enyɛnpetale Ebɔrɛ na peya, ŋkpal manɛ so, e wora anyi kelela nɛ mbe kasha malɛ maŋ kɔ ekar.’ Meeŋ shin nɛ kasawule ere e naŋ nyalɛ nsaa wora adɔjibi nɛnɛ. Ma, Enyɛnpe Ebɔrɛ e kaŋɛ na.”

Luuk 1:50

Mbe ketre e du cheeŋ. Bekama nɛ baa ŋana mo nɛ e bee wu kuwɔr ashi enananyɛn koŋwule be jemanɛ n ya fo enananyɛn ko malɛ be jemanɛ.

Juud 1:21

Men baa kɔ men be amu a wɔ Ebɔrɛ be kasha to a jo saŋɛ nɛ an Nyɛnpe Yesu Kristo beeŋ wu anyi kuwɔr n shin nɛ anyi nɛ mo e baa wɔtɔ mbaanaayɔ na.