Nshɛ 135:9 - EBƆRƐ BE KAWƆL

⁹ Mo e daŋ bɔla emamachisheŋ nɛ alemaŋkarsheŋ so ŋ gberge Ijipt be ewura, Fɛɛro, nɛ mbe basa kikɛ kusoe na.

Nshɛ 135:9 ပူးပေါင်းရင်းမြစ်များ

Nehemaya 9:10

Fo daa nyi kananɛ Ijipt be ewurgboŋ Fɛɛro nɛ mbe ekrachiana nɛ efuli na kikɛ be basa daŋ kɔrfɛ fo basa. Amoso fo daŋ wora emamachisheŋ nɛ e bee keta kufu nna ŋ gbiti Ijipt be efuli so be ewura Fɛɛro nɛ mbe basa nseŋ nya ketre lela nɛ k wɔtɔ hale nɛ mbre.

Nshɛ 136:15

Mo e daŋ shin nɛ Ijipt be ewura nɛ mbe benapo ji nchu m mur ashi Teku Peper na to na; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 78:12

Bumo nanaana be anishito nɛ e daŋ wora emamachisheŋ na. Ijipt be efuli so be kebonfu nɛ baa tre Zowan na so nɛ e daŋ wora amo.

Ashuŋ Shunso 7:36

Mo e daŋ juŋkpar bumo n wora emamachisheŋ nɛ kashenteŋ be etɔɔnɛsheŋ damta ashi Ijipt nɛ Teku Peper na to nɛ jemanɛ nɛ b daa wɔ kiyi to nfɛ adena na kikɛ.

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Ditɛronɔmi 6:22

Anyi gbagba wu e ka wora emamachisheŋ nseŋ shin nɛ alemaŋkarsheŋ ba Ijiptebi na nɛ bumo be ewura nɛ benimuana kikɛ so.