Nshɛ 135:13 - EBƆRƐ BE KAWƆL

¹³ O Enyɛnpe Ebɔrɛ, fo ketre wɔtɔ nna mbaanaayɔ, kekurgeto kikɛ to be basa beeŋ baa nyiŋi kumo.

Nshɛ 135:13 ပူးပေါင်းရင်းမြစ်များ

Nshɛ 102:12

Ama fo, Enyɛnpe Ebɔrɛ na la ewura nna mbaanaayɔ; nɛ yili kenana ko m ba tu kenana ko to ebi bee nyiŋi fo asheŋ.

Nshɛ 102:13

Fo e naaŋ shu Jerusalɛmebi so, ŋkpal manɛ so, jemanɛ fo nɛ feeŋ wu bumo kuwɔr.

Nshɛ 102:21

Amoso Jerusalɛmebi kikɛ e ber mbe asheŋ be kubomboŋ, nseŋ kpaŋ Enyɛnpe Ebɔrɛ be ketre na,

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Nshɛ 8:1

Enyɛnpe, anyi be Ebɔrɛ, fo keshi nɛ fo mamachi be aworbi wɔ durnya ere be kaplɛkama; nɛ fo kemaŋkura wɔ esoso.

Nshɛ 8:9

Enyɛnpe anyi be Ebɔrɛ, fo keshi nɛ fo mamachi be aworbi wɔ durnya ere be kaplɛkama nna.

Nshɛ 89:1

O Enyɛnpe Ebɔrɛ, meeŋ baa boŋ nshɛ a laŋɛ fo kasha nɛ k maŋ kɔ ekar na be kaplɛa so jemanɛ kikɛ. Ma alɛ beeŋ naa ber fo kashenteŋji na be kebomboŋ mbaanaayɔ.

Ɛksodɔs 3:15

Kede be kaman nɛ Ebɔrɛ naŋ kaŋɛ Mosis fanɛ e kaŋɛ Israɛlebi na le: “Enyɛnpe Ebɔrɛ nɛ e la men nananyɛnana Eebraham nɛ Aizek nɛ Jeekɔb be Ebɔrɛ na e shuŋi ma menyi kutɔ. Ketre ere malɛ e naaŋ baa la ma ketre hale mbaanaayɔ. Loŋ nɛ men be kaman to ebi kikɛ gba beeŋ ba kaa tre ma.

Hoziya 12:5

Mo e la Enyɛnpetale Ebɔrɛ nɛ e daga bunyaŋ na.

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Matiu 6:9

Men baa kule mo le: ‘An Tuto nɛ fo wɔ ebɔrɛso, shin nɛ fo ketre cheembi na e baa nya bunyaŋ,