Nshɛ 134:1 - EBƆRƐ BE KAWƆL

¹ Menyi nɛ men la Enyɛnpe Ebɔrɛ na be nyɛrbi a shuŋ mo ashi mbe bɔrɛlambu to kanyɛso na e baa di mo epaŋ.

Nshɛ 134:1 ပူးပေါင်းရင်းမြစ်များ

1 Kronikɛls 9:23

Bumo nɛ bumo be kaman to ebi be kushuŋ e la kebaakeni bɔrɛlambu na be mbunaana na so.

1 Kronikɛls 9:27

B daa keni bɔrɛlambu na so kapa nɛ kanyɛ kikɛ nna nsaa bugi kumo be mbuna na kachipurso kikɛ.

1 Kronikɛls 9:33

Livai be kanaŋ na to be bejuŋkparpo nɛ b la bɔrɛlambu na to be beshɛbompo na daa wɔ bɔrɛlambu na to nna. Bumo ere daa maŋ naa kɔ kushuŋ kikɛ a shuŋ ŋkpal manɛ so kapa nɛ kanyɛ kikɛ baa shuŋ bɔrɛlambu na to nna.

2 Kronikɛls 29:11

Ma mbinyɛnsobi, men sa maa jija saŋɛ, ŋkpal manɛ so, menyi nɛ Enyɛnpe Ebɔrɛ na lara fanɛ men baa chɔɔ duwu a sa mo nsaa juŋkpar basa nɛ b baa shuŋ mo.”

2 Kronikɛls 35:5

nseŋ barga men be amu to, saŋɛ na so Israɛl be kanaŋ kikɛ beeŋ baa nya kechɛto men kutɔ ashi bɔrɛlambu na to.

Nehemaya 12:9

Bakbukia nɛ Uno nɛ bumo be bechɛtopo malɛ e daa shuli nshɛ nɛ b daa boŋ na so a sa bumo.

Nshɛ 103:21

Menyi ebɔrɛso be apɔrso nɛ menyee shuŋ a sa Ebɔrɛ nsaa wora mo kasonu na kikɛ e baa kpaŋ Enyɛnpe Ebɔrɛ!

Nshɛ 113:1

Men kpaŋ Enyɛnpe Ebɔrɛ na awɔrso! Menyi nɛ menyee shuŋ Enyɛnpe Ebɔrɛ na, e kpaŋ mbe ketre na.

Nshɛ 120:1

M baa wɔ tɔrɔ to, Enyɛnpe Ebɔrɛ na nɛ mee kule nɛ e bee nu ma kekule.

Nshɛ 121:1

N to kenishi ŋ keni abee so; Nnɛ nɛ ma kechɛto bee shi a ba?

Nshɛ 122:1

Ma kagbene daŋ fuli nna ga ŋkpal b ka kaŋɛ ma le so: “An yɔ Enyɛnpe Ebɔrɛ na pe!”

Nshɛ 123:1

O an Nyɛnpe Ebɔrɛ, ma anishi yuu fo, nɛ fo kuwurputi wɔ ebɔrɛso na so nna.

Nshɛ 124:1

Men shin nɛ Israɛl be basa e kaŋɛ le: Enyɛnpe Ebɔrɛ na daa maa wɔ anyi be kaman nna; manɛ nɛ anyi daa beeŋ wora?

Nshɛ 125:1

Bekama nɛ b yirda Enyɛnpe Ebɔrɛ na, du fanɛ Zayɔn be kebee na nna ashi Jerusalɛm to, nɛ k maa gbuŋgbuŋ na nna. K yil nna mbaanaayɔ.

Nshɛ 126:1

Enyɛnpe Ebɔrɛ ka daŋ bɛta anyi n shi kenyaya to m ba Jerusalɛm to, k daŋ wora anyi nna fanɛ edare nɛ anyee ku.

Nshɛ 127:1

Enyɛnpe Ebɔrɛ na baa maŋ chɛ to m pɔr kowu na, bepɔrpo bee gben jiga nna. Nɛ e baa maŋ kuŋ kadegboŋ na, bekumpo na bee kuŋ kumo jiga nna.

Nshɛ 128:1

Enyɛnpe Ebɔrɛ na beeŋ nɛfa ekama nɛ e bee nu a sa mo nsaa wora asheŋ a bɛ mbe mbra be ekpa so na.

Nshɛ 129:1

Ma kebia to kikɛ, bedoŋ baa kɔ ma nna! Amoso ekama nɛ e wɔ Israɛl e kaŋɛ le:

Nshɛ 130:1

O Enyɛnpe Ebɔrɛ, tɔrɔ damta to nɛ n wɔ shu a tre fo.

Nshɛ 130:6

Mee keni Enyɛnpe Ebɔrɛ na ekpa kenishipereso nna, fanɛ kananɛ esa nɛ e chena a da asɔ so bee keni karechɛ ekpa na. Kashenteŋto, mee keni mo ekpa a chɔ kananɛ esa nɛ e da asɔ so bee keni karechɛ ekpa na.

Nshɛ 131:1

O Enyɛnpe Ebɔrɛ, n yige ma kamoowu kikɛ nseŋ lar ma keŋkenshi kikɛ nyam to. M maŋ naa ta ma kumu a wɔtɔ asheŋgboŋ to, ŋko emamachisheŋ nɛ m maaŋ tiŋ m pin to to.

Nshɛ 132:1

O Enyɛnpe Ebɔrɛ, baa nyiŋi Ewura Deevid nɛ awurfoŋ nɛ e ji na kikɛ be asheŋ.

Nshɛ 133:1

Kekurge koŋwule to be basa be kechena abar so kashaso nɛ kɔnɔkoŋwuleso walɛ ga.

Nshɛ 84:5

Kagbenefuli la bekama nɛ baa nya eleŋ fo kutɔ nsaa pere kenishi a yɔ Zayɔn be kebee so n ya kaa shuŋ fo na peya nna.

Levitikɔs 8:35

A daga men baa wɔ wajɛbu na be kabuna to kapa nɛ kanyɛ kikɛ nsaa wora kusɔ nɛ Enyɛnpe Ebɔrɛ na yili na n ya fo nchɛ ashunu na. Nɛ men maŋ wora loŋ menyeeŋ wu.”

Luuk 2:37

E ka daŋ kil kumo be kafɛ shunusopo to nɛ mo kul wu ŋ ka mo nɛ e wɔtɔ loŋ n ya ji nfɛ aduburwa nɛ ana. E daa sha bɔrɛlambu na to ga nseŋ daa wɔtɔ a kule Ebɔrɛ nsaa kishi a bunyaŋ mo saŋkama.

Ditɛronɔmi 10:8

Ashi Sainai be kebeegboŋ na ase na nɛ Enyɛnpe Ebɔrɛ na lara Livai be yiri to be basa ko fanɛ b baa keni kɔnɔkoŋwule be ŋkre be deka na so nsaa shuŋ bɔrɛmatapoana be kushuŋ nseŋ naa nɛfa eyiri nɛ a ka na ashi mbe ketre to. Loŋ nɛ b kraa wora hale nɛ mbre.

Kelaraŋŋini 19:5

Ndoŋ nna nɛ ebɔl shi kuwurputi na akpa ŋ kaŋɛ: “Menyi nɛ men la mbe anya na, men di an be Ebɔrɛ na epaŋ, menyi nɛ men ŋana mo na kikɛ, bewurbi nɛ begboŋi kikɛ, men di mo epaŋ.”

Kelaraŋŋini 7:15

Amoso, b baa wɔ Ebɔrɛ be kuwurputi be anishito a shuŋ mo kapa nɛ kanyɛ ashi mbe bɔrɛlambu to nna nɛ mo koŋwule nɛ e tase mbe kuwurputi so na malɛ bee ta mbe kebaawɔtɔ a kuŋ bumo.