Nshɛ 133:1 - EBƆRƐ BE KAWƆL

¹ Kekurge koŋwule to be basa be kechena abar so kashaso nɛ kɔnɔkoŋwuleso walɛ ga.

Nshɛ 133:1 ပူးပေါင်းရင်းမြစ်များ

Jɛnesis 13:8

Ndoŋ nna nɛ Eebram kaŋɛ Lɔt le: “An la basa koŋwule nna, k maŋ daga kamalga ka wɔ ma nɛ fo be nferinto ŋko fo basa nɛ ma basa ka bee bile ŋkpal kasawule so.

Jɛnesis 45:24

Ade kikɛ be kaman nɛ e sa mo daana nɛ mo sipo ekpa. B ka bee yɔ nɛ e kaŋɛ bumo: “Men sa maŋ ya kaa bile ekpa to!”

Nshɛ 122:1

Ma kagbene daŋ fuli nna ga ŋkpal b ka kaŋɛ ma le so: “An yɔ Enyɛnpe Ebɔrɛ na pe!”

Nshɛ 124:1

Men shin nɛ Israɛl be basa e kaŋɛ le: Enyɛnpe Ebɔrɛ na daa maa wɔ anyi be kaman nna; manɛ nɛ anyi daa beeŋ wora?

Nshɛ 131:1

O Enyɛnpe Ebɔrɛ, n yige ma kamoowu kikɛ nseŋ lar ma keŋkenshi kikɛ nyam to. M maŋ naa ta ma kumu a wɔtɔ asheŋgboŋ to, ŋko emamachisheŋ nɛ m maaŋ tiŋ m pin to to.

Aizaaya 11:13

Israɛl be kuwurji maaŋ naa kɔ Juda be kuwurji kukɔrkɔ. Juda malɛ maaŋ naa la Israɛl mo doŋ.

Aizaaya 11:6

Ekuntuŋ nɛ mbolpɔ beeŋ baa wɔ abar so kayurwushi so, nɛ ekarmɛ nɛ mboe fɔlbi e baa tu abar a dese. Anabi nɛ ebuluŋ be bibi beeŋ baa gama abar so a ji, nɛ mbiwurbi e baa keni bumo so nsaa kpa bumo a yɔ a ba.

Aizaaya 11:9

Kusɔ lubi kikɛ maaŋ naa wɔ Ebɔrɛ be kebee cheembi nɛ baa tre Zayɔn na so. Kananɛ nchu bɔlɔ teku to na, aloŋ nɛ basa nɛ b nyi nsaa bunyaŋ Enyɛnpe Ebɔrɛ na gba beeŋ baa kaa shi kasawule na so.

Jɛremaya 32:39

Meeŋ shin nɛ b baa bunyaŋ ma jemanɛ kikɛ kenishipereso, ŋkpal bumo gbagba nɛ bumo be kaman to ebi be nɛnɛ so.

Maak 3:25

Nɛ kakurge koŋwule to ebi barga to a kɔ abar kena, kakurge na beeŋ jija.

Baru lela nɛ Jɔn kute na 13:35

Nɛ menyee sha abar, basa kikɛ beeŋ pin men ka la ma bebɛsopo.”

Baru lela nɛ Jɔn kute na 17:21

fo shin nɛ bumo kikɛ e baa la kukoŋwule. Etuto, fanɛ kananɛ n wɔ fo to nɛ fo alɛ wɔ ma to na, loŋ nɛ mee kule fo fanɛ fo shin nɛ b baa wɔ anyi to nɛ durnya e yirda fanɛ fo e shuŋi ma durnya ere to.

1 Kɔrintebi 1:10

Ŋ kurgepoana, mee ta an Nyɛnpe Yesu Kristo be ketre nna a kule menyi fanɛ men kikɛ e baa kɔ kɔnɔkoŋwule a wɔ abar so, saŋɛ na so kebarga to kikɛ maaŋ baa wɔ menyi to. Men baa kɔ nfɛra koŋwule nsaa wora asheŋ ekpa koŋwuleso.

Hibruwebi 13:1

Men ba kraa wɔtɔ a sha abar fanɛ keniopibiana ashi Kristo to.

1 Pita 3:8

Kusɔ nɛ k baa wɔtɔ kikɛ e la fanɛ men kikɛ e baa kɔ kɔnɔkoŋwule a wɔ abar so. Men baa shu abar so a kɔ keniopibi be kasha a sha abar nsaa la basa nseŋ naa bar men be amu kaseto.