Nshɛ 132:6 - EBƆRƐ BE KAWƆL

⁶ Jemanɛ nɛ an daa wɔ Bɛtlɛhɛm na, nɛ an nu fanɛ Enyɛnpe Ebɔrɛ na be ŋkre be deka na daa wɔ kakpa ko nɛ k mata kakpa nɛ baa tre Jearim na.

Nshɛ 132:6 ပူးပေါင်းရင်းမြစ်များ

Jɛnesis 35:19

Reechel ka wu nɛ b puli mo ashi Efraf be ekpa to. Ndoŋ koŋwule na e la Bɛtlɛhɛm na.

2 Samuɛl 6:3

B daŋ lara kumo Abinadab be laŋ nɛ k yil kebee so na to nna nseŋ ta kumo n deŋi turko popɔr ko so a yɔ. Abinadab be mbinyɛnsobi Uzza nɛ Ahio e daa kɔ kumo a yɔ.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Ruf be kawɔl 1:2

Kanyɛn na be ketre e daa la Elimelɛk nɛ mbe eche malɛ daa la Nawomi. Bumo be mbinyɛnbi anyɔ na malɛ be eko be ketre daa la Maalon nɛ enyɔsopo malɛ daa la Chilion. B daŋ shi Efrat be kanaŋ to nna ashi Bɛtlɛhɛm nɛ k wɔ Juda be efuli so na, n yɔ Mowab n ya kaa wɔtɔ.

1 Samuɛl 17:12

Deevid mo tuto e daa la Jɛsi nɛ e la Efrat be kanaŋ to be esa nsaa shi Bɛtlɛhɛm nɛ k wɔ Juda be efuliso na. Jɛsi daa kɔ mbia aburwa nna, ama saŋɛ nɛ Sɔɔl daa la ewura na nɛ e teŋ bel ga.

1 Samuɛl 7:1

Ndoŋ nna nɛ Kiriaf Jearim be basa na ba ta Enyɛnpe Ebɔrɛ be ŋkre be deka na n yɔ kanyɛn ko nɛ baa tre Abinadab nɛ mbe laŋ wɔ kebee be esoso na pe nseŋ lara mo pibinyɛn Eliaza n yili fanɛ e baa keni kumo so.