Nshɛ 132:15 - EBƆRƐ BE KAWƆL

¹⁵ Meeŋ nɛfa Jerusalɛm alegaiso, Kumo to be betirpo gba beeŋ baa nya a ji a moɛ.

Nshɛ 132:15 ပူးပေါင်းရင်းမြစ်များ

Nshɛ 107:9

E bee sa ekama nɛ achukoŋ kɔ kusɔnuuso nna nɛ e bee nuu. Ekama malɛ nɛ akoŋ kɔ, e bee sa mo kusɔ jiso lela nna.

Nshɛ 147:14

Ebɔrɛ e shin nɛ men wɔ kayurwushi to ashi menyi be efuli so na. Mo e naa sa menyi ajibi lela.

Nshɛ 22:26

Betirpo beeŋ ji m moɛ, nɛ bekama nɛ baa bunyaŋ fo na e chɔrɔ fo. Shin nɛ asheŋ e baa nyalɛ a sa bumo saŋkama.

Nshɛ 36:8

Fee wora kejigboŋ nna a sa fo befɔ ashi fo laŋ to. Fo kasha nɛ fo kɔ a sa anyi na baŋ anyi be nfɛra so.

Nshɛ 37:19

B maaŋ ji awurfoŋ jɛrbi be saŋɛ. Akoŋ be jemanɛ malɛ, bumo ere beeŋ baa kɔ ajibi yɛlyɛla so.

Nshɛ 37:3

Yirda Enyɛnpe Ebɔrɛ na, nsaa wora alelasheŋ. Saŋɛ na so feeŋ chena kasawule ere so n nya kekuŋ.

Ɛksodɔs 23:25

Nɛ men baa shuŋ ma, Enyɛnpe Ebɔrɛ, men be Ebɔrɛ na, ma alɛ beeŋ nɛfa men be ajibi nɛ men be nchu nseŋ lara alɔana kikɛ ashi menyi to.

Aizaaya 33:16

Aloŋ e naaŋ shin nɛ men nya menyi be amu, nsaa du fanɛ basa nɛ b wɔ ebu lempo jeŋgreŋ nɛ k bee kuŋ basa na to. Menyi alɛ beeŋ naa nya a ji nsaa nuu yila yila so jemanɛ kikɛ.

Jɛremaya 31:14

Meeŋ sa bɔrɛmatapoana na kusɔ jiso alegaiso, nseŋ sa ma basa asɔ kama nɛ a daga bumo. Ma, Enyɛnpe Ebɔrɛ e kaŋɛ na.”

Heegai 1:6

Men duu asɔ damta, ama asɔ gbrɛbi nɛ men teŋi. Menyee ji ga, ama menyi alɛ maa moɛ. Menyee nuu nchu ga, ama a maa tuge menyi achukoŋ. Menyee buu asɔbuuso, ama men kraa shu awo. Beshumpo bee shuŋ a nya kakɔka, ama k du fanɛ b kaa bee ta amo a wɔtɔ ekɔlgu nɛ a futi to nna.”

Heegai 1:9

Men daa tama keteŋi asɔ damta nna, ama asɔ gbrɛbi nɛ men nya n teŋi. Menyi alɛ ka naŋ bar asɔ nɛ men teŋi na epe, nɛ n shin nɛ afu ba ber amo n yɔ. Manɛ so nɛ n wora loŋ? Ŋkpal ma bɔrɛlambu ka bure a dese nɛ men pere kenishi a pɔr menyi be nwuana so.

Malakai 2:2

Men shin nɛ menyi be asheŋ woraso e baa sa ma bunyaŋ. Men baa maa nu kusɔ nɛ mee kaŋɛ menyi, meeŋ shin nɛ kɔnɔsho a pɛ menyi. Asɔ kama nɛ a la nɛfa n sa menyi na gba, meeŋ sho amo kɔnɔ. Kashenteŋto, n tiŋ n sho amo kɔnɔ gba, ŋkpal men ka maŋ ta ma mmalga kenishipereso so.”

Matiu 5:6

Kagbenefuli la bekama nɛ alelasheŋ be kebaawɔtɔ bee yɛlga bumo nsaa pere bumo kenishi na peya nna, ŋkpal manɛ so, baaŋ ba nya kumo kanaŋkamaso nɛ baa sha.

Luuk 1:53

E sa bumo nɛ akoŋ bee mɔ na asɔ lela ga nseŋ shin nɛ damawuraana bɛta n yɔ nɛ enɔfuloŋ.

Ditɛronɔmi 14:29

Le be ajibi ere la Livaiebi nɛ b maŋ kɔ bumo gbagba be nsawule na, nɛ befɔ, nɛ amunibi, nɛ bekulpoche, nɛ b wɔ menyi be nde to na peya nna. Saŋɛ na so, bumo alɛ gba beeŋ nya n ji yɛlayɛlaso. Men baa wora loŋ nɛ Enyɛnpe menyi be Ebɔrɛ na e nɛfa menyi ashi kusɔ kama nɛ menyee wora to.