Nshɛ 132:12 - EBƆRƐ BE KAWƆL

¹² Nɛ fo kaman to ebi beeŋ baa bɛ ma nɛ fo be kɔnɔkoŋwule be ŋkre na so nsaa wora ma keŋini kasonu, kumo ere meeŋ shin nɛ fo kaman to ebi e baa ji Israɛl be kuwura mbaanaayɔ.”

Nshɛ 132:12 ပူးပေါင်းရင်းမြစ်များ

1 Bewura 2:4

Fo nɛ fo kaman to ebi kikɛ baa nu a sa Enyɛnpe Ebɔrɛ na kashenteŋto nɛnɛ bre, mbe kɔnɔ kpakpaso nɛ e nase n sa ma fanɛ ma kanaŋ to be esa e naaŋ baa ji Israɛl be kuwura saŋkikɛ na, beeŋ bɔlɔ so.

1 Bewura 8:25

Naniere, Enyɛnpe Israɛl be Ebɔrɛ, shin nɛ fo kɔnɔ nɛ fo nase n sa n tuto fanɛ mbe kaman to ebi e naaŋ baa ji Israɛl be kuwura, nɛ baaŋ baa wora kasonu a sa fo mbra na fanɛ kananɛ n daŋ wora na, bɔlɔ so.

2 Kronikɛls 7:18

saŋɛ na so ma kɔnɔ nɛ n nase n sa fo tuto fanɛ mbe kanaŋ to be esa e naŋ baa ji Israɛl be kuwura saŋkama na beeŋ bɔlɔ so.

Nshɛ 102:28

Basa nɛ baa shuŋ fo be mbia beeŋ baa wɔ fo kutɔ, nɛ fo baa kuŋ bumo nɛ bumo be kaman to ebi kikɛ.”

Nshɛ 115:14

Ma kabɔrɛkule e la fanɛ Enyɛnpe Ebɔrɛ na beeŋ shin nɛ menyi nɛ men be kaman to ebi kikɛ e salga n wora keshi.

Aizaaya 59:21

Ma alɛ bee nase kɔnɔ nna fanɛ meeŋ sa menyi ma Kiyoyu nɛ keŋini nɛ a baa wɔ menyi to mbaanaayɔ. Yili kabre a yɔ, menyeeŋ baa wora ma kasonu nsaa ŋini menyi be mbia nɛ kaman to ebi nɛ bumo alɛ gba e baa wora ma kasonu mbaanaayɔ.”

Aizaaya 9:7

Mbe kuwurji be eleŋgboŋ beeŋ baa wora keshi a ti so; mbe kuwurji beeŋ baa kɔ kayurwushi jemanɛ kikɛ. E beeŋ ji kuwura fanɛ ewura Deevid be kanaŋ to be esa, nseŋ shin nɛ mbe eleŋgboŋ e baa yil kashenteŋ nɛ kusɔ nɛ k daga so. K beeŋ fara naniere hale mbaanaayɔ. Enyɛnpetale Ebɔrɛ na gbagba e naŋ shin nɛ ade kikɛ e wora.

Jɛremaya 33:17

Ma, Enyɛnpe Ebɔrɛ na nase kɔnɔ fanɛ ewura Deevid be kaman to ebi e naŋ baa ji kuwura ashi Israɛl be efuli so,

Ashuŋ Shunso 2:30

E daa la anebi nna a nyi Ebɔrɛ be kɔnɔ nɛ e nase n sa mo fanɛ e beeŋ shin nɛ mo ere Deevid be kanaŋ to ebi be eko e ki ewura fanɛ Deevid gbagba.